Efeshan 3:2 - Chahta Holisso Holitopa 1886

² Chihowa nan isht i̱ kana ʋlhpisa ishit hʋchim anumpuli la chi̱ ho̱ ʋma tok a̱, hʋsh haklo mʋhli tok a̱;

Efeshan 3:2 Iomraidhean Croise

Apostel isht Anumpa 13:2

Okla Chitokaka pit aiokpʋchit nahullochit ma̱ya ma, Banabas, micha Sal ita tuklo ka, a toksʋli im ai atokoli li tuk isht a̱shwa chi̱ ka, hʋs sʋm atokolashke, Shilombish Holitopa yʋt achi tok.

Apostel isht Anumpa 13:46

Yohmi ma Pal, micha Banabas ita tuklo kash ot nukwa̱ya iksho kʋt isht i̱ shahlit ia mʋt, Chihowa im anumpa hʋt ti̱kba hʋchishno ak o̱ a hʋchim anumpa he mʋto ai ʋlhpiesa tuk okʋno; yohmi kia, yʋmmak ash naksi ka pit hʋsh bohli cha, okcha̱yʋt bilia he o̱ ik chi ahobo kʋt isht hʋsh il anukfihinli hoka, okla nan ik ithano yak o̱ pit il i̱ filemʋshke.

Apostel isht Anumpa 22:21

Mihma, Hopaki pilla, okla nan ik ithano ʋhleha aiasha kak o̱ pit chi chʋffichi la chi̱ hoka, ish a̱yashke; ʋm achi hokʋno; achi tok.

Apostel isht Anumpa 9:15

Yohmi kia Chitokaka ash ot, Iá, nan isht ʋm ʋtta holitopa, sa hohchifo ha̱ shoyulit, mi̱ko ʋhleha micha okla nan ik ithano puta, micha Islael ushi ʋhleha aiena itikba ya̱ hikia hi oka.

Loman 1:5

Yʋmmak atuk pulla mak o̱ isht ai i̱ kana, micha ʋbanumpa isht‐ai ʋtta ʋlhtoka aiena ka il ai eshi ka, oklushi moyuma kʋt ʋbanumpa ha̱ im antia na ilap hohchifo hʋt isht a holitopa hi atok:

Loman 11:13

Yohmi ka Chentail hʋchia ha̱ hʋch im anumpohonli il kʋt, Chentail im apostel sia hatuk okʋt, nan isht ai ʋtta li ya̱ holitobli lishke.

Loman 12:3

Yohmi ka isht i̱ kana ya̱ ʋma hatuk pulla mak o̱, hatak hʋch ibafo̱ka puta ka ilap ash inli kʋt isht il anukfilla he ai ʋlhpiesa ka isht i̱ shahlichit isht ik anukfillo kashke, im achi lishke: amba il oktamblit Chihowa hʋt hatak hikia aiyuka ka isht ai yimmi kaniohmi ho̱ ima hatok ash o̱, hatak hikia aiyuka kʋt isht il anukfillashke.

1 Kolinhlian 4:1

Klaist in tishu ʋhleha, micha, nan a̱hli Chihowa hʋt otʋninchi tok puta nan im apesʋchi ʋhleha mak o̱, chiyuhmichit hatak puta kʋt isht pi anukfillashke.

Kaleshan 1:13

Nitak cha̱shpo ma kaniohmit Chu okla im ʋbanumpa anukfoyukʋt a̱yʋt, atablichit Chihowa in chʋch a̱ ilbʋshalit, chukilissʋchi li;

Efeshan 1:10

Yʋmmʋt nitak ʋt ont ai ʋlhpiesakma, nana puta ʋba ai asha, micha yakni pakna ai asha aiena ka itahobit achʋfalechit, Klaist yʋmma fehna ka i̱ nutakacha he ak atok:

Efeshan 3:7

Chihowa yʋt ilap nan isht im ai a̱hli ʋm ai yʋmihinchi pulla hosh, ilap nan isht i̱ kana ʋma pulla ho̱, ʋbanumpa isht ʋtta toba li tok oke.

Efeshan 3:8

Ʋno ʋt ʋbanumpa yimmi moma ik lauwo ka ik a lauwo sia hoh kia, isht i̱ kana ilʋppa ʋma na Klaist nan isht yukpali kʋna hosh ithʋnʋt hlopullicha he keyu a̱, Chentail a̱ isht im anumpuli la hi atok.

Efeshan 3:9

Micha im anukfila luma hatok a̱ itibai achʋfa kʋt kaniohmi ka hatak moma ka pisachi la hi atok; yʋmma yakni tobahpi a minti ka Chihowa hʋt Chisʋs Klaist nana moma ka isht ikbi tok ʋt, luhmit ieshi tok;

Efeshan 4:21

Yohmi ka hʋsh i̱ haponaklo cha, Chisʋs im anumpa a̱hli yo̱ isht hʋchim ʋlbʋchi tuk okmʋt;

Efeshan 4:7

Yohmi ak inli kia e moma ka nan isht i̱ kana pima kʋt, Klaist i̱ na hʋlbina kaniohmi ho̱ pi anukfohki kak oke.

Koloshan 1:4

Yohmi kʋt Klaist Chisʋs a̱ hʋsh i̱ yimmi, micha ʋbanumpa yimmi ʋhleha ha̱ hʋsh i̱ hullo ka e haklo ha yokʋt,

Koloshan 1:6

Mihi yosh hʋchim ʋla tuk ak inli chohmit, yakni moma ka im a̱ya cha, nan ʋnit waya kʋt, nana ka hʋsh haiyaklot, Chihowa nan isht i̱ kana a̱hli hʋsh ithaiyana nitak atuk taiyakla kʋt, nan ʋnit hʋsh waya kak inli ho̱ chohmi hoke.

1 Timohli 1:4

Mikmʋt anumpa ik ahobo, micha in tikba ai unchululit isht auehinchi isht annoa ataha iksho, yʋmmak okʋt Chihowa holitobli nan isht ai yimmi i̱ shahlichit nukfohkicha he keyu hosh, iti posilhhʋchit ai asha hi a̱ anukfohkichi yʋmmak oka isht ik ahanto ka chi̱ ka, ish im apihi̱sa he chim ai ahni li tok a̱, ish yʋmihchashke.

1 Timohli 2:7

Yʋmmak atuk mak o̱ apostel, micha ʋbanumpa isht ʋtta ita tuklo ka si ʋlhtoka tok oke; yohmi kʋt anumpa a̱hli, micha na yimmi imma aiena ka Chentail okla im abʋchi sia hosh, holabi keyu hosh Klaist isht anumpa a̱hli mak o̱ anumpuli lishke.

2 Timohli 1:11

Yʋmmak atuk pulla mak o̱ ʋbanumpa isht ʋtta, micha apostel, micha Chentail ʋhleha nan im abʋchi aiena si ʋlhtoka tok oke.