Efeshan 2:9 - Chahta Holisso Holitopa 1886

⁹ Nan toksʋli kak keyu, yʋmmak keyukma kʋna kia isht ilauata yoba ná.

Efeshan 2:9 Iomraidhean Croise

Loman 11:6

Yohmi ka isht i̱ kana yak okma, toksahanli tuk pulla yak o̱ ai yʋmohmi keyu hoke; yakohmi hokma isht i̱ kana yʋt isht i̱ kana keyu yoke. Amba toksahanli tuk pulla yak o̱ ai yʋmohmi hokma, isht i̱ kana yak o̱ ai yʋmohmi keyu hoke: yakohmi hokma toksahanli yʋt toksahanli keyu hoke.

Loman 3:20

Yʋmohmi hoka nan isht ai ʋtta ʋba nan ʋlhpisa yʋt ai ahni kak o̱ hatak nana kia itikba ya̱ ai ʋlhpiesa he keyu hoke; yohmi ka ʋba nan ʋlhpisa yak o̱ ai ashʋchika ya̱ isht ithʋna yoka.

Loman 4:2

Yohmi ka Eblaham ʋt ʋba nan ʋlhpisa ya̱ isht ahanta kak osh isht ai ʋlhpiesa hokmʋt, nan isht ilauata i̱shi; yohmi kia Chihowa itikba hokʋno yʋmohmi keyu ki tok.

Loman 9:11

Yohmi ka ʋlla yokʋt ik a̱shwo ki̱sha hokʋt, nana achukma, nana ik achukmo nana kia ik yʋmihcho ki̱sha ak inli kia, nana ho̱ yʋmihchi tok ak o̱ keyu, amba ilap ak osh hoyo hatuk o̱ ʋlhtoka kʋt Chihowa nana ai ahni tok ʋt ai ahla chi̱ kak o̱;

Loman 9:16

Yakohmi hoka yʋmmak ash o̱, ilap nan aiahni hokmá, mʋlihinli kak okmá, nana kak osh ishi ho̱ keyu; amba Chihowa yak osh i̱ nukha̱klo kak o̱ yʋmohmi hoke.

2 Timohli 1:9

Yʋmmak osh pi okchalinchi cha, ʋba nan isht ilaiyuk pa holitopa ho̱ il iesha he mak o̱ pi atokoli kʋt, pishno nan il ai isha he ai ʋlhpiesa kak o̱ yohmi keyu, amba ilap nan isht im anukfihinla hosh, yakni ik tobo pilla kash inli ho̱ ilap isht i̱ kana ya̱ Chisʋs Klaist ak atuk pulla mak o̱ pihi̱ma kak a tok oke: