Efeshan 2:8 - Chahta Holisso Holitopa 1886

⁸ Na yimmi kak osh isht i̱ kana pulla ho̱ hʋchi okcha̱ya hoke; yohmi kʋt ilʋppʋt hʋchishno na hʋsh ahni kak keyu, Chihowa na hʋch ima kak oke.

Efeshan 2:8 Iomraidhean Croise

Mahlu 16:17

Mihma Chisʋs ʋt afalaminchi mʋt, Saimon Ba Chona chia hʋt na chi yukpʋshke: nipi micha issish aiena hosh yʋmma chim otʋnichi ho̱ keyu hoka, amba A̱ki ʋba binili kak oke.

Mahlu 20:9

Atuk o̱ hʋshi kanʋlli ʋlhpisa ont isht auah achʋfa foka ho̱ tohno tuk ash o̱ okla ai ʋla mʋt, hatak achʋfa kʋt iskʋli achʋfa aiyuka ho̱ ishi tok.

Mark i̱ Holisso 16:16

Kʋna hosh yimmi cha baptismokmʋt, okcha̱ya hi oke; amba kʋna hosh ik yimmo hokʋto, issikkopʋt bilia im ʋlhpisa hi oke, im achi tok.

ʋBanumpa Luk Ʋt Holissochi Tok 7:50

Mihma ohoyo hash o̱, Na chi yimmika yʋt chi okchalinchishke: na‐yukpʋt ish a̱yashke, im achi tok.

Chan 3:36

Kʋna hosh Ushi a̱ i̱ yimmi hokʋto ai‐okcha̱yʋt bilia ya̱ pisa hoke; mikma kʋna hosh Ushi a̱ i̱ yimmi keyu hokʋto, ai‐okcha̱ya ya̱ pisa he keyu; amba Chihowa nan‐isht ai i̱ nukkilli yak osh onʋtuyula hoke, achi tok.

Chan 4:10

Chisʋs ash ot afalaminchi mʋt, Chihowa i̱ na‐hʋlbena ha̱, micha kʋna hosh, Sʋpeta na ak ishkó; chim achi aiena ka ish ithana hatuk okmʋt, ilapo ak o̱ ish im asilhha na yʋmmak okʋt oka okcha̱ya yo̱ chipeta he tuk oke, im achi tok.

Chan 5:24

A̱hlishke, a̱hli mak o̱ hʋchim achi lishke; Kʋna hosh ʋm anumpa ha̱ haklo cha, auet sa kanchi tok a̱ pit i̱ yimmi hokʋto, ai‐okcha̱yʋt bilia ya̱ ahayuchi; mikmʋt isht ai ilbʋsha he anumpa hʋt ik onʋtulo ka hi oke: amba ai‐illi ha̱ a kohchʋt ai‐okcha̱ya yo̱ ona hoke.

Chan 6:35

Mihma Chisʋs ash ot, Ʋno ak osh ai‐okcha̱ya pʋska ya̱ sia mak oke: kʋna hosh ʋno ak o̱ ʋm ʋla hokʋt nitak nana hohchʋfa he keyu; micha kʋna hosh ʋno a̱ a̱ yimmi hokʋt nitak nana itukshila he keyu hoke.

Chan 6:37

A̱ki ʋt ʋma hokʋno momʋt ʋm ʋla hi oke; mikma kʋna hosh ʋm ʋla hokʋno, ik kaniohmi kia falaminchit kocha pit tobli la he keyu hoke.

Chan 6:40

Micha Ushi a̱ pisa cha, yʋmmak ash i̱ yimmi hokʋto, momʋt ai‐okcha̱yʋt bilia ya̱ pisa he, ilʋppak o̱ auet sa kanchi tok ʋt aiahni hoke; yohmi ka nitak ont ishtaiyopikma yʋmmak ash o̱ falaminchit tanichi la hi oke.

Chan 6:44

Hatak nana kia ʋm ʋla he keyʋ, amba auet sa kanchi tok A̱ki ak osh halʋlli hok mak a hi oke: mikma nitak ont ishtaiyopikma falaminchit tanichi la hi oke.

Chan 6:65

Mihmʋt, Yohmi hatuk o̱ A̱ki ak osh anukfohkichi ho̱ keyukma, hatak nana hosh ʋm ʋla he keyu hoke, hʋchim achi li kʋno, achi tok.

Apostel isht Anumpa 13:39

Micha Moses i̱ nan ʋlhpisa ak okmʋno yʋmma kaniohmit isht hʋsh ai i̱ hlakofa he keyu ke tuk kia, na yimmi ʋt momʋt yʋmma pulla kano oklu̱ha isht ai i̱ hlakofi hoke.

Apostel isht Anumpa 14:27

Micha itʋlachi cha iksa ya̱ itahobi cha, Chihowa yʋt isht kaniohmihinchi tuk moma, micha okla nan ik ithano ʋhleha ya̱ ayimmika okhissa ya̱ ik tiwi tuk aiena ka, im anohonlit okla tok.

Apostel isht Anumpa 15:11

Yohmi kia Chitokaka Chisʋs Klaist achukma pulla hatuk mak o̱, pi okcha̱ya kʋt yʋmmak inli il itilaua he aiahnit pi yimmishke; achi tok.

Apostel isht Anumpa 16:14

Mihma Chihowa aiokpanchi ohoyo achʋfa Litie hohchifo, na humma lusbi kanchi, Hlaiataila tʋmaha ʋtta yʋt pi haklo tok; mihi yo̱ chu̱kʋsh o̱ Chitokaka yʋt tiwi na Pal ʋt nana isht ai anumpohonli ka anukfohka tok.

Apostel isht Anumpa 16:31

Yohmi ma, Chitokaka Chisʋs Klaist ak o̱ ish i̱ yimmashke, mikmak osh chishno, micha chin chuka achʋfa aienʋt chi okcha̱ya hi oke; achit okla tok.

Loman 10:14

Yohmi ka katiohmit yʋmma i̱ yimmi hatuk keyu kʋt i̱ pa̱ha̱ya hinla ho̱? micha katiohmit yʋmma haklo hatuk keyu kʋt i̱ yimma hinla ho̱? micha katiohmit ʋbanumpa isht anumpuli yʋt iksho ka, hakla hinla ho̱?

Loman 10:17

Yakohmi hoka haklo kak osh isht a yimmi hoke: Chihowa im anumpa hʋt isht anuhumpa pulla kak o̱ a haklo hoke.

Loman 4:16

Yʋmohmi hoka isht i̱ kana yak a hi atuk pulla kak o̱, na yimmi isht ai ʋlhpiesa kak oke: yohmi ho̱ yʋmmak ash isht atiaka moyuma ka nan im issa tok ash im ai a̱hla hiatok: isht atiaka ʋba nan ʋlhpisa in tonla kash illa keyu, amba isht atiaka Eblaham e moyuma ka pi̱ki ʋt yimmi tok ak o̱ chiyuhmi aiena kak o̱ im ai a̱hla hi atok.

Loman 4:5

Amba toksahanli yak keyu, amba nan ashʋchi ya̱ ai ʋlhpiesachi yak o̱ i̱ yimmi hokʋto, ilap na yimmi ak osh nan isht ai ʋlhpiesa yʋt immi toba hoke.

Loman 9:16

Yakohmi hoka yʋmmak ash o̱, ilap nan aiahni hokmá, mʋlihinli kak okmá, nana kak osh ishi ho̱ keyu; amba Chihowa yak osh i̱ nukha̱klo kak o̱ yʋmohmi hoke.

Kaleshan 3:14

Yʋmohmi ho̱ Chisʋs Klaist pulla hatuk mak o̱ Eblaham nan isht aiyukpa yʋt Chentail a̱ onʋtula chi̱ hatok; yʋmohmi ho̱ pi yimmi pulla kak osh, Shilombish pim issa tok a̱ il isha chi̱ hatok.

Kaleshan 3:22

Holisso Holitopa yʋt moma ka nan ai ashʋchi i̱ nutakʋchit ompohomo hoke; yohmi ho̱ Chisʋs Klaist i̱ yimmi pulla ho̱ nan ai yukpa im issa tok a̱ kʋna hosh i̱ yimmikmʋt isha hi atok.

Efeshan 1:19

Micha ilap nan isht im ai a̱hli chinto a yʋmihchi kʋt, na yimmi ʋhleha pia ha̱ ilap nan isht im ai a̱hli chinto fehna ka isht pi̱ yʋmihi̱chi kʋt kaniohmi aiena ka, hʋsh a kostinincha he ak atuk oke.

Efeshan 2:10

Yʋmma im a toba hʋpia kʋt, nan toksʋli achukma isht il ahanta hi osh Klaist Chisʋs ak o̱ il a toba tok; yʋmma il ai itʋnowa hi o̱ Chihowa hʋt tikbanli apesa tok.

Efeshan 2:5

Nan ai ashʋchi isht pilli moma kia, Klaist iba taklanchit hʋpi okchalinchi tok oke; isht i̱ kana pulla ho̱ hʋchi okcha̱ya hoke;

Filippian 1:29

Hʋchishno ʋto Klaist pulla kak o̱ yʋmma hʋsh i̱ yimmi kak bano keyu, amba yʋmma pulla kak o̱ nan isht hʋsh im ilbʋsha he hʋchim ʋlhpisa hoka:

Koloshan 2:12

Na baptismo ho̱ hʋsh iba hollopi tuk, Chihowa yʋt toksʋlit yʋmmʋt illi tuk a̱ falaminchit tanichi tok ak o̱, hʋchi yimmi hosh yʋmmak ash awant hʋsh tani hoke.

2 Hlessalonian 1:9

Yʋmmak okʋt Chitokaka, micha nan isht im ai a̱hli holitopa itikba ai i̱ filʋmmit na palʋmmi a bilia isht im ʋlhtobʋt ilbʋsha he;

Heblu 6:4

Yohmi ka kʋna hosh himonna ha̱ im ʋlbʋchit, na‐hʋlbina ʋba yakni minti ka akostininchi, micha Shilombish Holitopa ya̱ ibai ishi tok okʋto,

1 Pita 1:5

Yʋmmak oka na yimmi pulla kak o̱ Chihowa imi hlampko kʋt i̱shi na ai okcha̱ya nitak ishtaiyopi otaiyana chi̱ ka ona hoke.