Efeshan 2:7 - Chahta Holisso Holitopa 1886

⁷ Yohmi hosh himak a pilla ma Klaist Chisʋs pulla ho̱ pi̱ nukha̱klo tuk ʋt, isht i̱ kana chinto fehna ka isht otʋnincha chi̱ hatok.

Efeshan 2:7 Iomraidhean Croise

Atʋloa 106:48

Islael i̱ Chitokaka Chihowa hʋt hulittopa kʋt abillia tok osh abilliashke; mikma̱ oklah moma kʋt, Amen, achashke. Chihowa ha̱ hu holittoblichíh.

Atʋloa 41:13

Islael i̱ Chitokaka Chihowa hʋt hulittopʋt a billia tok osh a billiashke. Amen, ʋnonti Amen.

Loman 2:4

Micha Chihowa isht chi̱ kana ya̱ isht ish ile kostinincha he atuk ʋt chik ithaiyano hosh, isht chi̱ kana fehnʋt, chim ile salalit, na palʋmmi chi onocha hi osh ile halanli aiena ka ish shitelama cho?

Efeshan 1:7

Yʋmmak ash pulla im issish o̱ isht a pi ʋlhtoba mʋt, isht i̱ kana yʋt chinto pulla hatuk mak o̱ nan pim ai ashʋchi yʋt pi̱ kashofa hoke:

Efeshan 2:4

Yohmi tok kia Chihowa nan i̱ nukha̱klo chinto im ai ʋlhta̱yak pulla hosh, nan isht i̱ hullo chito ho̱ isht pi̱ hullo hatuk osh,

Efeshan 3:21

Mihi yosh Klaist atuk pulla mak o̱ chʋch isht a holitopa na nitak ataha iksho, yakni ataha iksko kashke. Amen.

Efeshan 3:5

Yʋmmʋt nitak tikba ma hatak ushi ʋhleha ha̱ im annoa tok a̱ ohmi keyu ho̱, himak ano Shilombish ʋt apostel holitopa ʋhleha, micha hopaii puta aiena ka im otʋninchi hoke;

2 Hlessalonian 1:12

Yʋmohmi ka pin Chitokaka Chisʋs Klaist hohchifo hʋt, hʋchi a holitopakma, pin Chihowa, micha Chitokaka Chisʋs Klaist nan isht i̱ kana pulla ho̱ yʋmmak ash hʋchi a holitopashke.

Titus 3:4

Yohmi tok kia Chihowa pi okchalinchi yʋt hatak isht i̱ kana, micha isht i̱ nukha̱klo aiena kʋt otaiyani ha yano,

1 Pita 1:12

Yʋmmak ash o̱ im otaiyani kʋt, ilap ak atuk ak o̱ yohmi keyu; amba pishno ak atuk mak o̱ nana ka otʋnihinchi tok yʋmmak ash himonasi ka ʋbanumpa ha̱ Shilombish Holitopa ʋba yakni mihinti hosh awant a̱ya ho̱, isht hʋchim anumpohonli kash osh hʋchim anohonli tok; nana yʋmma puta kash enchil ʋhleha hokʋt akostininchi bahana fehna hoke.