Efeshan 2:5 - Chahta Holisso Holitopa 1886

⁵ Nan ai ashʋchi isht pilli moma kia, Klaist iba taklanchit hʋpi okchalinchi tok oke; isht i̱ kana pulla ho̱ hʋchi okcha̱ya hoke;

Efeshan 2:5 Iomraidhean Croise

ʋBanumpa Luk Ʋt Holissochi Tok 15:24

Sʋso ilʋppʋt illi tuk osh, falamʋt okcha̱ya hoke; kʋnia tuk osh haiaka hoke. Mihma na yukpʋt okla aiasha tok.

Chan 5:21

I̱ki ʋt illi a̱ tanichit okchalinchi chatuk a̱, Ushi ʋt yʋmmak inli ho̱ chohmit kʋna ho̱ ilap ahni hosh okchalinchi hoke.

Chan 6:63

Okchalinchi ʋt shilombish ak oke; yohmikma nipi ʋto nana ho̱ isht ai ʋlhpesa keyu hoke; anumpa hʋchim anumpuli li yʋmmak osh shilombish okmʋt, anonti isht ai‐okcha̱ya yoke.

Apostel isht Anumpa 15:11

Yohmi kia Chitokaka Chisʋs Klaist achukma pulla hatuk mak o̱, pi okcha̱ya kʋt yʋmmak inli il itilaua he aiahnit pi yimmishke; achi tok.

Loman 16:20

Mikma nan isht it i̱ nanaiya in Chihowa yak osh Setan oka chekosikma chiyi nuta ya̱ a litola chi̱ hoke. Pin Chitokaka Chisʋs Klaist isht i̱ kana yʋt hʋchi anuk foyu kashke. Amen.

Loman 3:24

Chisʋs Klaist ʋt isht ʋlhtoba ya̱ atobbi tok pulla mak o̱, Chihowa isht i̱ kana ya̱ pilla isht ai im ʋlhpiesa hatuk oke:

Loman 4:16

Yʋmohmi hoka isht i̱ kana yak a hi atuk pulla kak o̱, na yimmi isht ai ʋlhpiesa kak oke: yohmi ho̱ yʋmmak ash isht atiaka moyuma ka nan im issa tok ash im ai a̱hla hiatok: isht atiaka ʋba nan ʋlhpisa in tonla kash illa keyu, amba isht atiaka Eblaham e moyuma ka pi̱ki ʋt yimmi tok ak o̱ chiyuhmi aiena kak o̱ im ai a̱hla hi atok.

Loman 5:10

Yohmi ka in tʋnʋp pia moma kash ot, Ushi yʋt illi tok pulla kak o̱ Chihowa ya̱ isht a il it i̱ nanaiya hatuk okmʋt, il it i̱ nanaiya ha yokʋt, ilap okcha̱ya pulla kak o̱ isht i̱ shahli fehnʋt isht a pi okcha̱ya hinla hoke.

Loman 5:6

Yohmi ka hlampko ik pim iksho moma kak o̱ ont ai ʋlhpiesa ma, Chisʋs ʋt Chihowa ik holitoblo ya̱ ʋlhtobʋt illi tok.

Loman 5:8

Amba Chihowa hokʋto isht pi̱ hullo otʋninchi kʋt, nan ashʋchi pia moma kash o̱, Chisʋs Klaist ʋt pi ʋlhtobʋt illi kak a tok.

Loman 8:2

Yʋmohmi ka isht ai okcha̱ya Shilombish nan ai ahni Klaist Chisʋs a minti kak osh ai ashʋchika nan ai ahni isht ai illi yo̱ a sa hlakofichi hatok oke.

2 Kolinhlian 13:14

Chitokaka Chisʋs Klaist nan isht i̱ kana, micha Chihowa isht i̱ hullo micha Shilombish Holitopa ai itibai achʋfa aiena kʋt hʋsh moyuma ka hʋchi anukfoyukashke. Amen.

Efeshan 2:1

Yohmi kʋt na yoshuba, micha nan ai ashʋchi isht hʋchi illi yatuk a̱, hʋchi okchalinchi tok oke.

Efeshan 2:8

Na yimmi kak osh isht i̱ kana pulla ho̱ hʋchi okcha̱ya hoke; yohmi kʋt ilʋppʋt hʋchishno na hʋsh ahni kak keyu, Chihowa na hʋch ima kak oke.

Efeshan 5:14

Yʋmohmi kak o̱, Nusi tuk chia kʋt, chi okchashke, micha illi tuk chia kʋt falamʋt ish tanashke, mikma Klaist ʋt tohwikeli chima chi̱ hoke, achi hoke.

Koloshan 2:13

Yohmi kʋt hʋchishno ʋt nana hʋsh ai ashʋchi isht illi, micha hʋchi haknip hakshup ik tapo atuk a̱ nana hʋsh ai ashʋchi puta ka hʋchi̱ kashofi cha, yʋmmak ash iba ta̱klʋchit hʋchi okchalinchi tuk oke:

Titus 2:11

Yohmi ka Chihowa isht i̱ kana yak osh ai okcha̱ya i̱shi kʋt hatak puta ka im otʋni tok oka,

Titus 3:5

Nan ai ʋlhpiesa isht ahantʋt il atahli tok ak o̱ keyu, amba pi nukha̱klo kak osh himona toba isht ʋlhchihi̱fa kʋt, Shilombish Holitopa yak o̱ himona isht a toba ho̱ isht a pi okchalinchi tok oke;

Nan Otʋni 22:21

Pin Chitokaka Chisʋs Klaist nan isht i̱ kana yʋt hʋsh moyuma ka hʋchi anukfoyukashke. Amen. THE END.