Efeshan 2:4 - Chahta Holisso Holitopa 1886

⁴ Yohmi tok kia Chihowa nan i̱ nukha̱klo chinto im ai ʋlhta̱yak pulla hosh, nan isht i̱ hullo chito ho̱ isht pi̱ hullo hatuk osh,

Efeshan 2:4 Iomraidhean Croise

Atʋloa 145:8

Chihowa hʋt i̱ kanah, micha i̱ nukha̱klo hosh, nukoa kʋt sʋlaha cha, i̱ hulloh mʋt chinto hoke.

Atʋloa 51:1

Chitokaka ma, nan isht ish i̱ hullo pulla hatuk mak osh is sa̱ nukha̱klashke; nan isht ish i̱ nukha̱klo chi̱ la̱wah pulla hatuk mak osh nan ʋlhpisa kubʋffi lih putta ka̱ is sa̱ kʋshuffashke.

Atʋloa 86:15

Amba, a̱ Shahlih ma, chishno ak okʋto Chitokaka nan i̱ nukha̱klo, micha i̱ kana, i̱ nukhubelah sʋllaha, micha nan i̱ hullo, aia̱hlika ittʋtuklo kʋt a chinto chia hokʋt,

Atʋloa 86:5

A̱ Shahli chia hʋt chi̱ pa̱ha̱ya moma ka̱ i̱ kʋshuffih achukma, micha i̱ hullo chinto chia hoka̱.

Eksotʋs 33:19

Mihma, Si ai achukmaka ya̱ mominchit chitikba ya̱ ont iachi la chi̱ hoke, micha chitikba ya̱ Chihowah hohchifo ha̱ ai anoli la chi̱ hoke: micha kʋna ho̱ i̱ kana la he, ahni likmʋt, i̱ kana la hi oke; micha kʋna i̱ nukha̱klo la hi, ahni likmʋt, i̱ nukha̱klo la hi oke, achi tok.

Loman 10:12

Yohmi ka Chu, micha Klik ita tuklo ka nana kʋt ai it im inla keyu hoke: yohmi ka Chitokaka moyuma i̱ shaiyahli miash inli hosh ilapa̱ i̱ pa̱ha̱ya moyuma ka i̱ nukha̱klo kʋt a chinto fehna hoke.

Loman 2:4

Micha Chihowa isht chi̱ kana ya̱ isht ish ile kostinincha he atuk ʋt chik ithaiyano hosh, isht chi̱ kana fehnʋt, chim ile salalit, na palʋmmi chi onocha hi osh ile halanli aiena ka ish shitelama cho?

Loman 5:8

Amba Chihowa hokʋto isht pi̱ hullo otʋninchi kʋt, nan ashʋchi pia moma kash o̱, Chisʋs Klaist ʋt pi ʋlhtobʋt illi kak a tok.

Loman 9:23

Micha ilap isht a holitopa la̱wa fehna ka i̱ nuk ha̱klo onʋtuyula he nan ai ʋlhto puta, yʋmmʋt isht a holitopa pisa hi o̱ tikbanli im ataiyahli hatok ʋt, pishno yak fehna ka pi hoho̱yo hatok; Chu okla hak bano keyu, amba Chentail okla hak kia ai isht otʋnincha he ai ahni hatok okma, nanta katihmi cho?

Efeshan 1:7

Yʋmmak ash pulla im issish o̱ isht a pi ʋlhtoba mʋt, isht i̱ kana yʋt chinto pulla hatuk mak o̱ nan pim ai ashʋchi yʋt pi̱ kashofa hoke:

Efeshan 2:7

Yohmi hosh himak a pilla ma Klaist Chisʋs pulla ho̱ pi̱ nukha̱klo tuk ʋt, isht i̱ kana chinto fehna ka isht otʋnincha chi̱ hatok.

Efeshan 3:8

Ʋno ʋt ʋbanumpa yimmi moma ik lauwo ka ik a lauwo sia hoh kia, isht i̱ kana ilʋppa ʋma na Klaist nan isht yukpali kʋna hosh ithʋnʋt hlopullicha he keyu a̱, Chentail a̱ isht im anumpuli la hi atok.

2 Hlessalonian 2:13

Yohmi kia itibapishi li Chitokaka i̱ holitopa hʋchia ma! hʋchishno pulla kak o̱ Chihowa ya̱ yak oke il im aiahnit bilia he ʋlhpesa hoke. Shilombish isht a kashofa, micha anumpa a̱hli yimmi pulla hosh hʋchi okcha̱ya he ai ʋmmona ka hʋchi atokoli tok oke:

1 Timohli 1:14

Yohmi ka pin Chitokaka nan isht i̱ kana yʋt la̱wa fehna hatuk o̱, Klaist Chisʋs ai ibafoyuka hosh na sai yimmi cha, nan isht i̱ hullo li tok oke.

2 Timohli 1:9

Yʋmmak osh pi okchalinchi cha, ʋba nan isht ilaiyuk pa holitopa ho̱ il iesha he mak o̱ pi atokoli kʋt, pishno nan il ai isha he ai ʋlhpiesa kak o̱ yohmi keyu, amba ilap nan isht im anukfihinla hosh, yakni ik tobo pilla kash inli ho̱ ilap isht i̱ kana ya̱ Chisʋs Klaist ak atuk pulla mak o̱ pihi̱ma kak a tok oke:

1 Pita 1:3

Pin Chitokaka Chisʋs Klaist I̱ki, micha in Chihowa hokʋt holitopashke, yʋmmak osh pi̱ nukha̱klo chinto hatuk osh, Chisʋs Klaist ʋt illi tuk kia, falaminchit tanichi kak osh anonti himonʋchit pikbi tok o̱, na yukpa fehna hosh,