Efeshan 2:2 - Chahta Holisso Holitopa 1886

² Ilʋppa chiyuhmi ka cha̱shpo ma hʋsh ai itʋnowa kʋt, yakni ilʋppa ai yʋmohmi cha tuk a̱ yʋmohmit shutik takla i̱ mi̱ko, shilombish ʋbanumpa ik im antio puta anukfoyukʋt isht a̱ya kak o̱, iakaiya hosh hʋsh itʋnowa tok oke:

Efeshan 2:2 Iomraidhean Croise

Atʋloa 17:14

Hʋttak ʋhleha ha̱ im ai ishit, Chihowa ma, yakni anukchieto hʋttak ʋhleha ha̱ im ai ishit chibbak a̱ isht is sʋ hlakuffichashke: nan immi hʋt okcha̱ya ilʋppak illah, mikma̱ ikfoka ya̱ nanah chimmi isht ish im ʋlotuli hoke; ushi ʋhleha hʋt i̱ lawa kʋt im ʋlhpesakmʋt, nan im atampa kʋto in ʋlla ʋhleha ha̱ im ʋshachi hoke.

Lefitikʋs 11:16

Micha opah: micha oksup‐ibafohli, micha kuku micha bia̱kak im ai achʋfa.

Mahlu 11:19

Hatak Ushi yʋt ihimpa, mikmʋt nan ihi̱shko aienʋt a̱ya ma, Yakeh! hatak isikopa, oka‐pa̱ki ishko shahli, pʋblikan micha nan ashʋchi ʋhleha aiena ka i̱ kana yoke, achishke: yohmi kia Ahopoyuksa yokʋto im ʋlla ʋhleha ha̱ isht im a holitopa hoke, im achi tok.

Mahlu 13:22

Mikma kʋti foka yo̱ na nihi ai ishi kak kia ʋbanumpa ha̱ haklo kak oke; yohmi tuk o̱ yakni ilʋppak inli nana ai anushkunna, micha nan in laua bʋnna kʋt isht ashʋchi aiena kʋt ʋbanumpa hatuk ma ai olʋbbit ishi na ik ʋno toba kak oke.

Mahlu 13:38

Osapa ʋt yakni moma kak oke: nihi achukma yʋt ʋba apehlichika im ʋlla ak oke; amba haiyu̱kpulo ʋto nan okpulo im ʋlla ak oke.

Mark i̱ Holisso 4:19

Ʋbanumpa ha̱ haklo; yohmi tukmʋt yakni ilʋppa nan isht im anukfila, micha nan in laua bʋnna kʋt isht ashʋchi, mikmʋt nana inla puta ai anushkunna aiena kʋt ibai alota cha, ʋbanumpa hash ai olʋbit ishi na ik ʋno toba kak oke.

ʋBanumpa Luk Ʋt Holissochi Tok 16:8

Yohmi ma nan‐apesʋchi nan ik ai ʋlhpeso ash ot kostini fehnʋt yʋmohmi hatuk o̱, i̱ shahli hʋt im ai okpahanchi tok: yakni ilʋppa im ʋlla ʋhleha hʋt ilap bi̱ka nan it im a kaniohmit hopoyuksa kʋt, a nita̱ki im ʋlla ʋhleha ha̱ i̱ shahli hoke.

ʋBanumpa Luk Ʋt Holissochi Tok 22:31

Mihmʋt Chitokaka yash ot Saimon, Saimon, yakeh! Setan ʋt chishi cha, mʋshlichit onush o̱ chiyuhmichi ka bʋnna tuk.

Chan 12:31

Himak okʋno yakni ʋt nana im ai ʋlhpisa mak oke: himak okʋno yakni ilʋppa ai i̱ shahli nan im aiyahanchi ash ot issʋt kohcha he mak oke.

Chan 13:2

Yohmi ka okhlili ai‐impa yʋt ont ʋlhtaha yʋmma fehna ma, yʋmmak ash ishit inla im issa chi̱ ka Setan ʋt Saimon ushi, Chutas Iskaliot chu̱kʋsh a̱ anukfohkichi hatuk o̱;

Chan 13:27

Mihma itih fohka achʋfa ishi ma, Setan ʋt yʋmmak ash ont chukowa tok. Mihma Chisʋs ʋt, Nana ka ish yʋmohma chi̱ kʋt tu̱shpʋt ish yʋmihchashke, im achi tok.

Chan 14:30

Yakni ilʋppa ai i̱ shahli yatuk mʋt, nana ho̱ isht a si ahalaia keyu hosh minti hoka, himak a pilla mʋno hʋch it im anumpuli li fehna chi̱ keyu mak oke.

Chan 15:19

Yakni ak o̱ hʋsh ai achʋfa hatuk okmʋno, yakni ʋt immi hatuk okʋno holitobla he tuk; amba yakni a̱ hʋsh ai achʋfa keyu; amba ʋno ak osh atokolit yakni a̱ a kohchit hʋch ishi li hatuk; yohmi hatuk o̱ yakni ʋt hʋchi̱ nukkilli hoke.

Chan 16:11

Yakni a̱ ai i̱ shahli hʋt nan im ʋlhpisa hatuk oka, nan‐ʋlhpisa ma im otʋnihincha hi oke.

Chan 7:7

Yakni ʋt hʋchishno yokʋno hʋchi̱ nukkilla he keyu: amba ʋno ʋto yʋmma nana a kaniohmi kʋt ai ʋlhpiesa keyu ka atokolit anoli li hatuk o̱, ʋno yokʋno a̱ nukkilli hoke.

Chan 8:23

Mihma, Hʋchishno ʋto aka yo̱ a minti hʋchia hokma, ʋno ʋto ʋba yo̱ a minti li hoke; hʋchishno ʋto yakni ilʋppak o̱ ai ibachʋfa hʋchia hokma, ʋno ʋto yakni ilʋppa ai ibachʋfa sia keyu hoke.

Chan 8:44

Setan hʋch i̱ki ak o̱ hʋsh a toba hatuk osh, hʋch i̱ki nana ai‐ahni kak o̱ ai yohma hi a̱ hʋchim anukfilʋshke; yʋmmak okʋt ʋmmona kash inli ho̱ hatak ʋbi a tok; micha ilap ak osh nan aia̱hli kʋt anukfo̱ka keyu hatuk osh, nan ai a̱hlika ya̱ a hikia keyu hoke. Holabit anumpuli kʋt ai immi ka mak okʋt anumpuli hoke; ilap ak osh holabi yokʋt anonti na‐holabi i̱ki mak oke.

Apostel isht Anumpa 19:35

Mihma tʋmaha i̱ holissochi yokʋt okla ha̱ yokopli mʋt, Efesʋs hatak hʋchia ma! Efesʋs tʋmaha hʋt nan isht ahullo ohoyo chito Taiena, micha na holba toba Chupita a mintit akatula tok aiena ka aiokpʋchi a̱, hatak nanta hosh ik akostinincho kʋt ahanta cho?

Apostel isht Anumpa 5:3

Yohmi ma Pita yashot, Ananaiʋs, nanta katiohmi ho̱ Shilombish Holitopa ya̱ ish i̱ holabi cha, osapa isht ʋlhtoba tuk a̱ kashʋblit ish i̱sha chi̱ ka, Setan ʋt chi chu̱kʋsh a̱ anukfohki tok oh cho?

Loman 12:2

Micha yakni ilʋppak inli ka hʋch ik hoyulbo kashke; amba hʋchim anukfila hʋt himonʋt toba pulla hatuk mak osh inlʋt hʋsh tobashke; yohmi hosh nan achukma, nan ai ʋlhpiesa, nan ai a̱hli Chihowa nan ai ahni ka hʋsh akosti ninchashke.

1 Kolinhlian 5:10

Yohmi kak osh yakni ilʋppa ai itin luma̱ka ʋhleha, mikmʋt nan anushkunna atampa ʋhleha, micha na wehpuli ʋhleha, mikmʋt na holbʋt toba aiokpʋchi ʋhleha aiena ka hʋch ik itʋpeho kʋmohma he ak atok keyu; yohmi hokmʋt yakni ya̱ hʋsh a kohcha he ak osh hʋchim ʋlhpesa hoka.

1 Kolinhlian 6:11

Yohmi ka hʋsh kanimi kʋt yʋmma chohmi hʋchia hatuk oke. Yohmi tuk kia hʋchi ahchifa hatuk, mihmʋt hʋchi kashofa hatuk, yohmi kʋt Chihowa imi Shilombish pulla ho̱ Chitokaka Chisʋs i̱ hohchifo ho̱ isht a hʋchi ʋlhpiesa hoke.

2 Kolinhlian 4:4

Klaist, yʋmmʋt Chihowa Hoyulba ka, im ʋbanumpa holitopa in tohwikeli hʋt on tomma chi̱ keyu ka, na yimmi keyu yʋmmak ash o̱ im anukfila puta ka yakni ilʋppa i̱ shahli yosh lʋblichi hatuk oke.

Kaleshan 1:4

Yʋmmak okʋt Pi̱ki Chihowa nan ahni tok mak o̱ yakni ik achukmo ilʋppa a pi a hlakoficha chi̱ hosh, nan il aiashʋchi pulla kak o̱ yʋmmak okʋt il im issa tok.

Efeshan 1:21

Hochitoka puta, nan ʋlhtoka puta, nan im ai a̱hli, nan i̱ shahli puta, micha na hohchifo moma yʋmmʋt yakni ilʋppa a hohchihi̱fo kak bano keyu, amba yakni yʋmmʋt ʋla chi̱ aiena ka i̱ shaiyahli yak oke:

Efeshan 2:11

Yʋmohmi ka nitak cha̱shpo ma haknip i̱ nuta yosh Chentail hʋchia ma, nipi hakshup tʋpa ibbak isht toba hohchifo yʋmmak okʋt hakshup ik tapo hʋchi hochifo hoke.

Efeshan 2:13

Yohmi tok kia himak ano Chisʋs Klaist pulla hatuk mak o̱ hʋchishno ʋt ti̱kba mʋno hʋsh mishemanchi tuk ʋt, Chisʋs im issish o̱ isht hʋsh a bili̱ka kʋt hʋsh ithaiyanashke.

Efeshan 2:3

Yohmi kak o̱ pishno ak kia cha̱shpo ma iba ta̱kla pi haknip im anukfila ik achukmo iakaiyʋt, haknip nan ai ahni, micha chu̱kʋsh nan ai ahni aiena ho̱ e yʋmohmi tuk oke; yohmi kʋt chu̱kʋsh okpulo ʋmmona il ishi tok moma kʋt im ai anukkilli pi onʋtonla kʋt, inla yak inli chohmi hoke.

Efeshan 4:17

Yohmi ka ilʋppa achi li mʋt, anonti himak a pilla ma Chentail inla im anukfila ik ahobo,

Efeshan 4:22

Tikba ma nana hʋsh a kaníohmi tok ʋt hatak sipokni, yʋmmʋt na haksichi chu̱kʋsh okpulo isht yoshuba aiena kʋno, naksika hʋsh bohlashke:

Efeshan 5:6

Hatak nana kia anumpa ik achukmo isht ik hʋchi haksecho kashke: ilʋppa puyuta pulla kak o̱ Chihowa nan isht i̱ nukkilli yʋt ʋbanumpa ik im antio hatak puta ka onʋtuyula hoke.

Efeshan 5:8

Tikba ma hʋchi okhlili tok kia, himak ano Chitokaka hʋsh a tohwikeli hokʋt, tohwikeli ʋlla yo̱ chohmit hʋsh itʋnowashke.

Efeshan 6:12

Nipi, micha issish o̱ im i̱ sanalit il itibi keyu, amba mi̱ko ʋhleha, nan ʋhltoka, hochitoka, yakni ai okhlili ka ilʋppa pehlichi ʋhleha, shilombish okpulo ʋba itʋnowa puta aiena kak oke.

Koloshan 1:21

Yohmi ka hʋchishno ʋt ti̱kba kamo ik ahalaio yosh nana ashʋchi toksʋlit hʋchim anukfila isht in tanampi atuk kia, himak ano hʋch il i̱ kanʋchi tuk oke,

2 Timohli 4:10

Yohmi ka Temas ʋto himonasi yakni ilʋppak inli kak o̱ i̱ hullo hatuk osh, sʋssʋt ia tok: yohmi tuk osh Hlessalonika ya̱ ia tok: Klesens ʋto Kaleshi yak o̱ ia ma, Titʋs ʋto Talmasia yak o̱ ia tok.

Chemis 1:27

Na yimmi a̱hli, litcha ikshot, I̱ki Chihowa itikba takali kʋt, ʋlla ʋlhtakla ʋhleha, micha ohoyo i̱ hatak illi puta aiena ka nana kʋt im a palʋmmit aiasha ka, i̱ nowʋt a̱ya, mikmʋt yakni a̱ isht ik ile litehacho aiena ilʋppak oke.

Chemis 1:7

Yohmi hokʋt hatak yʋmmak okʋt Chitokaka ya̱ nanasi kia im a habena hi a̱ ik im ahobo kashke.

Chemis 4:4

Hatak haui, ohoyo haui ʋhleha hʋchia hʋt yakni anushkunna hokʋto, Chihowa ha̱ in tanampi chatuk a̱, hʋch ik ithano cho? Yohmi hoka kʋna hoh kia yakni a̱ it i̱ kanʋt ahanta chi̱ mak okmʋt, Chihowa ha̱ in tʋnʋp oke.

1 Pita 1:14

Yohmi kʋt ʋlla nan im antia yo̱ hʋsh chiyuhmit, tikba hokʋno nana hʋch ik ithano hosh chu̱kʋsh nan ahni kak o̱ hʋsh yʋmohmi beka tok ʋt, hʋch ik ile hobacho kashke:

1 Pita 4:3

Yohmi ka pi okcha̱yʋt il ahanta tok ash ai ʋhli itin takla kak kia, haui imma anukfilli, chu̱kʋsh nan ahni, oka homi ishkot hoita, isht a haksichit tasimbot atampa, micha na holba nan isht ik ahobo puta ka isht il ahanta kʋt, ʋbanumpa ik ithano ʋhleha nan ai ahni hokʋno il a yʋmihcha hi ya̱ ona tok oke.

2 Pita 2:14

Yohmi kʋt nishkin mʋt isht a haui yak osh alotowa, micha nan ashʋchi kʋt issa keyu hosh, hatak im anukfila fitikʋchi ya̱ haksihinchi hoke; micha nan ahayuchi bʋnna atampa isht ai yʋmohmi puta ka chu̱kʋsh isht a toksahanli hosh, isht ai ilbʋshʋt onʋtula he ʋlhpiesa ʋlla ʋhleha hoke.

1 Chan 3:10

Ilʋppak o̱ Chihowa im ʋlla ʋhleha, mikmʋt Setan im ʋlla ʋhleha aiena kʋt isht ai otʋni hoke: kʋna hosh nan ai ʋlhpiesa ya̱ a yʋmohmi keyu, mikmʋt itibapishi ha̱ ik i̱ hullo aiena kʋt, Chihowa ak o̱ ai ibai achʋfa ho̱ keyu hoke.

1 Chan 3:8

Kʋna hosh ashahanchi kʋt Setan ak o̱ ibai achʋfa mak oke: Setan ak okʋt ʋmmona mak inli ho̱ ashʋchit isht auehinchi tok oka. Setan ʋt nan ai isht ʋtta tok puta ka okpʋna chi̱ pulla kak osh Chihowa Ushi ʋt ant haiaka tok.

1 Chan 4:4

Ʋlla chipunta ma! Chihowa ak o̱ immi hʋchia; yohmi hosh yʋmmak ash hʋsh imaiyachi tok; hʋchishno a̱ a hʋchi anukfoyuka kak osh yakni paknaka ya̱ anta kʋno i̱ shahli hatuk okʋt.

1 Chan 5:19

Micha pishno ʋto Chihowa yak o̱ immi pia; mikma yakni moma kʋto ik ai ʋlhpeso banot talaia ka iloh ithanʋshke.

1 Chan 5:4

Kʋna hosh Chihowa yak o̱ isht a toba tuk okʋto, yakni a̱ imaiyachi hoke; micha yakni a̱ nan isht imaiyachi kʋt nana pi yimmi ka ilʋppak oke.

Nan Otʋni 12:9

Mihma sinti chilita chinto, sinti sipokni, nan isht ahullo okpulo, micha Setan achi chatuk, yʋmmak osh yakni moma ka yoshubli chatuk mak o̱ yʋmma a kohchi tok, atuk o̱ aka pilla ho̱ yʋmmak ash ot pit itola tok; mihma im enchil ʋhleha hash ot apehʋt pit kaha tok.

Nan Otʋni 13:14

Yohmi hatuk osh yʋmmak ash ot nan im ai a̱hlit nampoa nukshopa itikba ya̱ na fehna puta ka a yʋmihchi kak osh yakni pakna ai asha puta ka yoshublihinchi mʋt; bʋshpo falaia isht baha tok kia, anonti okcha̱ya tok nampoa nukshopa yʋmma na‐holbachit okla im ikba chi̱ ka, yakni pakna ai asha ʋhleha ha̱ im ahanchi hoke.

Nan Otʋni 13:8

Mikma kʋna hosh hohchifo hʋt yakni tobʋt a minti tok ai ʋhli ka ʋlhtobʋt illi tok Chukfʋlhpobushi i̱ holisso ai‐okcha̱ya a holisso tok keyu kʋt, yakni pakna ai asha moma kʋt yʋmmak ash o̱ aiokpahancha chi̱ hoke.

Nan Otʋni 16:17

Yʋmohmi ma enchil ont isht untuklo kash ot ilap i̱ kotobushi ʋlhto kash ʋba shutik takla yak o̱ a fohopli tok; mihma anumpa ola chinto kʋt ai o̱ binili holitompa yak o̱ a minti hosh ʋba aholitopa in tempel a̱ auet a kohcha mʋt, Ʋlhtaiyahʋshke, achi tok.

Nan Otʋni 20:2

Mihma yʋmmak ash ot sinti chilita chito yash, sinti sipokni, yʋmmʋt nan isht ahullo, micha Setan mak o̱ afʋmmi tahlepa sipokni achʋfa ka ona chi̱ ho̱ ishit yukachi tok.