Efeshan 2:10 - Chahta Holisso Holitopa 1886

¹⁰ Yʋmma im a toba hʋpia kʋt, nan toksʋli achukma isht il ahanta hi osh Klaist Chisʋs ak o̱ il a toba tok; yʋmma il ai itʋnowa hi o̱ Chihowa hʋt tikbanli apesa tok.

Efeshan 2:10 Iomraidhean Croise

Atʋloa 100:3

Chihowa hak osh Chitokaka yoka̱ hʋsh ithanashke; yʋmmak osh hʋp ikbi tok o̱, immi hʋpia hoke; ilap im oklah, micha ilap ak osh ʋpesa̱ha̱chi chukfʋlhpoa aiena ka̱ hʋpia hoke.

Atʋloa 138:8

Chihowa hʋt nanah ʋm ʋtahlih achukma chi̱ hoke; Chihowa ma, isht ish i̱ hullo yʋt abillia yokʋt, chibbak ʋt nan ikbi tok a̱ chik kancho kashke.

Atʋloa 51:10

Chitokaka ma, chu̱kʋsh kʋshofa is sʋm ikbi cha, im anukfilah ʋpissali yo̱ himonʋchit is sʋ nukfohkashke.

Atʋloa 81:13

“Ʋm okla hʋt a̱ hʋponaklo hokbano! Islael ʋt ʋm ata̱ya putta ka̱ ai ittʋnowa hokbano!

Mahlu 5:16

Hʋchi̱ pʋla hʋt hatak puta itikba ya̱ ik a tommi pulla na inla a̱sha kʋt nana hʋsh akaniohmi hochukma puta ka pisa cha, I̱ki ʋba binili ka holitoblashke.

Chan 3:21

Amba kʋna hosh nan‐ai a̱hlika yo̱ a yohmi yokʋto, ilap nana a kaniohmi yʋt Chihowa yak atuk mak o̱ isht a yʋmohmi tuk ʋt otʋna chi̱ ka, atohwikinli ka ona chatuk oke, im achi tok.

Apostel isht Anumpa 9:31

Yohmi na Chutia yakni ʋt moyuma, micha Kalili, micha Samelia aiena ka, ʋbanumpuli iksa puta kʋt nuktanla mʋt isht i̱ shahlit ia tok; mihma Chitokaka i̱ nukshoyupa, micha Shilombish Holitopa ya̱ isht ilai yukpa aienʋt itʋnowa kʋt, lauʋt isht i̱ shaiyahli tok oke.

Apostel isht Anumpa 9:36

Yohmi ma nan ithʋna achʋfa Tabihla hohchifo, yʋmmʋt toshowakmʋt Takʋs achi ho̱, Chappa ya̱ anta tok: ohoyo ilʋppʋt nan achukma a yʋmohmi, micha na habenʋchi aiena biekʋt ahanta tok.

Loman 8:1

Yʋmohmi hoka Klaist Chisʋs ibai achʋfa, haknip nan ai ahni kak o̱ yʋmohmi keyu, amba Shilombish nan ai ahni kak o̱ iakaiya ʋhleha hokʋno himonasi ka isht ai i̱ palʋmma he anumpa hʋt im ʋlhpisa keyu hoke.

Loman 8:29

Yʋmohmi ka tikbanli ithaiyana tok okʋto ilap Ushi yak o̱ hoyulba he mak o̱ tikbanli atokohonli mak inli tok; yohmi ho̱ yʋmmak ash ot itibapishi laua ka ti̱kba ʋttahpi ha hi atok.

1 Kolinhlian 3:9

Chihowa immi hosh itiba toksʋli ʋhleha pia hoke. Chihowa nan im ahollokchi hʋchia, micha aboha Chihowa hʋt atahli tuk mak o̱ hʋchia hoke.

2 Kolinhlian 5:17

Yʋmohmi ka hatak nana hosh Klaist a̱ ibai achʋfa hokmʋt, mihi yosh nana toba himona yoke: na sipokni atuk ʋt ont ai ikshot kʋnia na, yakeh! nana puta kʋt himonʋt toba hoke.

2 Kolinhlian 5:5

Yohmi ka nana kʋt ilʋppak a chi̱ ka a pi atahli tuk ʋt Chihowa ak oke; yʋmmak osh ai okcha̱yʋt bilia yʋt pim ai a̱hla chi̱ ka, Shilombish a̱ pihi̱ma ak inli hoke.

2 Kolinhlian 9:8

Yohmi ka Chihowa hʋt nan isht i̱ kana moma ka isht hʋchim a lauacha hinla kʋt im ʋlhpiesa hoke; yohmikma nana moma ka isht hʋch im ʋlhtaiyaha biekʋt, na toksʋli achukma moma mʋt isht a hʋchin laua hi oke.

Kaleshan 6:15

Klaist Chisʋs imma hokʋno hakshup tʋpa, micha hakshup tʋpa keyu aiena kʋt nana keyu, amba himonʋt toba ak illa hoke.

Efeshan 1:1

Pal, Chihowa nan ai ahni ha tuk pulla mak o̱ Chisʋs Klaist im apostel ʋt ʋbanumpuli a̱hli Efesʋs ai asha, micha Klaist Chisʋs i̱ yimmi aiena ka pit aiokpʋchishke.

Efeshan 1:4

Yohmi hosh yakni in tolahpi ʋt iksho pilla ma, Klaist a̱ a pi atokoli kʋt, i̱ hullot nan ai ashʋchi iksho, micha liteha iksho hosh yʋmma itikba il a̱ya he ak atok oke.

Efeshan 2:13

Yohmi tok kia himak ano Chisʋs Klaist pulla hatuk mak o̱ hʋchishno ʋt ti̱kba mʋno hʋsh mishemanchi tuk ʋt, Chisʋs im issish o̱ isht hʋsh a bili̱ka kʋt hʋsh ithaiyanashke.

Efeshan 2:15

Yohmi kʋt nan isht it i̱ nukkilli nan isht ʋlhpisa yʋt im ʋlhpisa tok, haknip isht ilbʋsha cha, ishit kanchi tok: yohmi hosh tuklo ka hatak himona achʋfa il ai ikbi cha, it i̱ nanaiyʋcha chi̱ hatok:

Efeshan 2:2

Ilʋppa chiyuhmi ka cha̱shpo ma hʋsh ai itʋnowa kʋt, yakni ilʋppa ai yʋmohmi cha tuk a̱ yʋmohmit shutik takla i̱ mi̱ko, shilombish ʋbanumpa ik im antio puta anukfoyukʋt isht a̱ya kak o̱, iakaiya hosh hʋsh itʋnowa tok oke:

Efeshan 2:6

Micha Chisʋs Klaist ibafohkit wakayʋchit, ʋba a holitopa puta pi binilichi tok oke;

Efeshan 4:1

Yʋmohmi ka Chitokaka atuk mak o̱ yuka sia hʋt hʋsh a yʋmohma he hʋchi ʋlhtoka tuk ʋt, ai ʋlhpiesʋt hʋsh a̱yʋt,

Efeshan 4:24

Micha hatak himona, yʋmmʋt Chihowa holba tobʋt nan ai ʋlhpiesa, micha nan ai ashʋchi ik im iksho a̱hli mak o̱ isht hʋsh foyukashke.

Tutelonomi 32:6

Okla im anukfila iksho, micha ik hopoyukso ma; yʋmohmi hosh Chihowah ya̱ hʋsh im atobbi cho? chi̱ki yosh chi chumpa tuk keyu cho? chikbi cha kʋllochit chi hilechi tuk keyu cho?

Tutelonomi 5:33

I̱ hina puta Chitokaka hʋchin Chihowah yʋt hʋchim api̱hi̱sa tuk mak o̱ hʋsh ai itanowa cha, hʋchi okcha̱yashke, micha hʋchim ai achukmashke, micha yakni hʋsh aiasha chi̱ ka̱, hʋsh aiasha kʋt nitak ʋt hʋchi̱ falaiashke, achi tok.

Filippian 1:6

Ilʋppa fehna ka sai yimmi hatuk osh, Nan toksʋli achukma isht a hʋchi wakaya kʋt, ai a̱hlichit Chisʋs Klaist i̱ nitak a̱ hʋch isht ona he, ilʋppa fehna ka sai yimmi hatuk oke.

Filippian 2:13

Chihowa ak osh ilap nan isht im ʋlhpesa hosh ai ahni kak o̱ ahnit, hʋsh yʋmihcha chi̱ ka hʋchi a toksahanli hoke.

Koloshan 1:10

Micha nan toksʋli achukma puta ka isht ai ʋni, micha Chihowa nan isht im ithana ya̱ isht i̱ shahlit isht ia hosh, Chitokaka ya̱ ai im ʋlhpiesʋt nana moma ka isht yukpali cha;

Koloshan 3:10

Hatak himona yo̱ isht hʋsh foyuka tuk okʋt, yʋmmak okʋt nan ithana ka isht a himonʋt, Ikbi tok a̱ hoyulba hosh himonʋt toba tok:

2 Hlessalonian 2:17

Hʋchi chu̱kʋsh a̱ hopohlʋli cha, anonti anumpa achukma puta, micha nan toksʋli achukma aiena ka isht a hʋchi hlampkohonchashke.

1 Timohli 2:10

Amba ohoyo puta kʋt Chihowa holitobli kʋt, si anukfoyuka ahnit il anoli kʋt, ai yʋmohma he ʋlhpesa, nan isht ʋtta achukma kak o̱ yʋmohmashke.

1 Timohli 5:10

Yʋmmʋt hatak achʋfa tekchi atok, nan isht ʋtta achukma ka isht annoa achukma, ʋlla achukmalit hofantihinchi, hatak ik ithano nowʋt a̱ya ka nan im atahanli, ʋbanumpuli holitopa iyi kia im achihi̱fa, ilbʋsha ya̱ apelahanchi, nan isht ʋtta achukma puta ka achunanchi biekʋt isht ahanta cha tuk mak osh iba holissashke.

1 Timohli 5:25

Anonti hatak kaniohmi nana achukma a yʋmohmi kʋt tikbanli otʋni akinlishke; mikma ik yohmo ke tuk ʋt luma he keyu hoke.

1 Timohli 6:18

Yohmi kʋt nana achukmʋli kʋt nan isht ʋtta achukma ka isht ahanta fehna kʋt, hopela hi ʋt im ʋlhta̱ha, habenʋcha he ʋt ahni kʋt;

2 Timohli 2:21

Yohmi ka ilʋppak ash kʋna hosh ai i̱ filʋmmi hok mʋto, nan ai ʋlhto holitopa hosh kashofʋt, i̱ shahli ha̱ isht im ahanta chi̱ kʋt im ʋlhtaha hosh, nan toksʋli achukma puta ka isht ahanta chi̱ kʋt im ʋlhtaha hoke.

2 Timohli 3:17

Yohmi hatuk o̱ hatak Chihowa immi hʋt ai a̱hli hosh, nan toksʋli achukma puta ka isht ahanta chi̱ kʋt im ʋltaha achukma hinla hoke.

Titus 2:14

Yohmi kʋt yʋmmak ash osh ai ashʋchika puta ka a pi hlakofihinchi cha, pi kashofi na ilap immi okla holitopa fehna e toba cha, nan toksʋli achukma puta ka a yiminta hosh isht il ahanta he mak o̱, pi ʋlhtoba hosh illi tok.

Titus 2:7

Nan oklu̱ha ish a kaniohmi kʋt nan toksʋli achukma puta isht ai ithʋna yo̱ ish il otʋnihinchashke: nan ish abahanchi kʋt ai a̱hli kak bano, yopunla keyu hosh anukfila weki achukma hosh ish im abahanchashke;

Titus 3:1

Mi̱ko, nan apesa, nan ʋlhtoka ʋhleha moyuma ka im antia achukma, nan toksʋli achukma puta ka isht ahanta chi̱ kʋt im ʋlhtaha he,

Titus 3:14

Mikma pimmi yokʋt nan isht ai ʋni ik im iksho hosh ik anto ka chi̱ kʋt, nana ka ai yʋmohma he ai ʋlhpiesa nan toksʋli achukma puta ka achunanchit isht ahanta chi̱ kʋt, moyumʋt ithʋna mak inlashke,

Titus 3:8

Anumpa ilʋppʋt ai a̱hli yoke, yohmi kʋt nana yʋmmak ash puta ka kʋllochi fehna hosh isht ish anumpohonla he chim ai ahni li; yohmi na Chihowa i̱ yimmi tok ʋhleha hʋt ahah! ahnit, nan toksʋli achukma puta ka achunanchit isht ahantashke. Nana ilʋppa puta kʋt achukma, micha hatak a̱ isht im achukma hoke.

Heblu 10:24

Micha nana ka isht it anukfilli hosh iloh it i̱ hullot, micha nan isht ʋtta achukma puta ka e yʋmohma chi̱ kʋt, il itaiyimitachashke:

Heblu 13:21

Ilap nan ai ahni ka hʋsh yʋmihcha chi̱ ka nan toksʋli achukma puta ka hʋchi anukfohkihinchit isht hʋchim ai a̱hlichi ho̱, ilap nan isht im ʋlhpiesa fehna ka Chisʋs Klaist ak atuk pulla kak o̱ hʋsh yʋmihinchashke; yʋmmak pulla kak o̱ isht a holitopa yokʋt immi biliʋt peh biliashke. Amen.

1 Pita 2:12

Nana hʋsh a kaniohmi kʋt achukma hosh ʋbanumpa ik ithano okla ha̱ iba takla hʋsh ahantashke: yohmi na nana ik achukmo yʋmihchi chohmichit hʋchi̱ sanalit anumpohonli kia, nana achukma puta hʋsh yimihinchi ka pihi̱sakmʋt, Chihowa yʋt i̱ nowʋt a̱ya nitak oka yʋmma okla holitoblashke.

1 Chan 1:7

Amba yʋmmak okʋt atohwikelika yo̱ anta hoka, pishno ʋt atohwikelika yo̱ il itʋnowa hokmʋto, iloh it ibai achʋfa. Yohmikma Ushi Chisʋs Klaist im issish ʋt nan ai ashʋchika ya̱ mominchit a hʋpi kashofi hoke.

1 Chan 2:6

Kʋna hosh yʋmmak oka ai iba foyuka, miha hokʋto, ilap mak kia, yʋmmʋt kaniohmit a̱ya tok mak o̱, a chohmit a̱ya he tuk oke.