Efeshan 2:1 - Chahta Holisso Holitopa 1886

¹ Yohmi kʋt na yoshuba, micha nan ai ashʋchi isht hʋchi illi yatuk a̱, hʋchi okchalinchi tok oke.

Efeshan 2:1 Iomraidhean Croise

Genesis 8:21

Mihma Chihowah yʋt na balama achukma ka̱ hu̱wa tok; micha Chihowah yʋt ilap chu̱kʋsh akinli ka̱, Hatak atuk pulla mak o̱ himakma anonti yakni ya̱ kalakshichi la he keyu hoke; hatak chu̱kʋsh im anukfila hʋt ʋlla tomba makinli ho̱ ik achukmo hoka: micha yʋmihchi li tuk a̱ anonti himakma chohmichit nan okcha̱ya moma ka̱ issot kanchi la he keyu hoke.

Mahlu 8:22

Yohmi kia Chisʋs ash osh, Is siakaiyashke; yohmikma illi ak osh ilap bi̱ka illi yokʋno hohpashke, im achi tok.

ʋBanumpa Luk Ʋt Holissochi Tok 15:24

Sʋso ilʋppʋt illi tuk osh, falamʋt okcha̱ya hoke; kʋnia tuk osh haiaka hoke. Mihma na yukpʋt okla aiasha tok.

ʋBanumpa Luk Ʋt Holissochi Tok 15:32

Chi nakfish ilʋppak okʋt illi tuk osh, anonti falamʋt okcha̱ya; micha kʋnia tuk osh haiaka hoka, impa ikbit na yukpʋt il aiasha he ʋlhpesa hatuk oke, im achi tok oke; achi tok.

Chan 10:10

Na‐hu̱kopa yʋt hu̱kopa, micha ʋbi, nan okpʋni aiena he ak bieka hosh a̱ya chatuk; amba ai okcha̱ya ya̱ okla ahayuchikmʋt, anonti laua kʋt i̱ shahli fehna ho̱ pisa he mak o̱, ʋno ʋto a̱ya li ha tok.

Chan 14:6

Mihma Chisʋs ash ot, Ʋno ak osh hina, micha ai a̱hlika, ai okcha̱ya aiena sia mak oke: ʋno ak o̱ keyukma hatak nana hosh A̱ki a̱ im ai ona he keyu hoke.

Chan 5:21

I̱ki ʋt illi a̱ tanichit okchalinchi chatuk a̱, Ushi ʋt yʋmmak inli ho̱ chohmit kʋna ho̱ ilap ahni hosh okchalinchi hoke.

Chan 5:25

A̱hlishke, a̱hli mak o̱ hʋchim achi lishke; Illi yʋt Chihowa Ushi im anumpa ha̱ hakla he hʋshi kanʋlli ai ʋlhpisa kʋt mihintit, himonasi ak kia ʋlʋshke; yohmi ka haklo hokʋto, yʋmmʋt okcha̱ya he mak oke.

Loman 8:2

Yʋmohmi ka isht ai okcha̱ya Shilombish nan ai ahni Klaist Chisʋs a minti kak osh ai ashʋchika nan ai ahni isht ai illi yo̱ a sa hlakofichi hatok oke.

1 Kolinhlian 15:45

Yʋmohmi kak o̱ hatak ʋmmona Alʋm ʋt shilombish okcha̱ya yosh toba tok; Alʋm ishtaiyopi kʋto Shilombish okchalinchi yo̱ toba tok, achi hosh holihi̱so hoke.

2 Kolinhlian 5:14

Klaist nan isht pi̱ hullo yak osh a pi anukfoyukʋt pi ai yimilihinchi hatuk oka; yohmi ka achʋfa kʋt moma ka im illi hatok, yohmi hokma, moma kak osh illi yoke, ahnit yakohmichit isht pim anukfila hoka.

Efeshan 4:18

Im anukfila okhlili, micha chu̱kʋsh ʋt okpulo fehna hatuk osh, nana ik ithano anukfo̱ka kak osh, Chihowa im ai okcha̱ya i̱ filʋmmit yoshubʋt a̱ya;

Efeshan 5:14

Yʋmohmi kak o̱, Nusi tuk chia kʋt, chi okchashke, micha illi tuk chia kʋt falamʋt ish tanashke, mikma Klaist ʋt tohwikeli chima chi̱ hoke, achi hoke.

Koloshan 2:13

Yohmi kʋt hʋchishno ʋt nana hʋsh ai ashʋchi isht illi, micha hʋchi haknip hakshup ik tapo atuk a̱ nana hʋsh ai ashʋchi puta ka hʋchi̱ kashofi cha, yʋmmak ash iba ta̱klʋchit hʋchi okchalinchi tuk oke:

1 Timohli 5:6

Amba ohoyo i̱ hatak illi yʋt haknip nan isht ai yukpa isht ai yukpʋt ahanta hokʋto, okcha̱ya ta̱kla kʋt illi yoke.

1 Chan 3:14

Il itibapishi ʋhleha ha̱ il i̱ hullo hatuk osh, ai illika ya̱ a kohchʋt ai okcha̱ya ya̱ il ona kʋt il ithanʋshke. Kʋna hosh itibapishi ha̱ i̱ hullo keyu hokʋto, ai illika yo̱ anta hoke.

Nan Otʋni 3:1

Mikmʋt chʋch Satis a hikia nan isht im ʋtta ya̱ pit ish i̱ holissochashke. Chihowa imi shilombish untuklo, micha fochik untuklo aiena il ai eshi mak osh ilʋppa puta ka achishke: Nana ish a kaniohmi puta, okcha̱ya mak o̱ chi hohchifo ak inli kia, illi yo̱ chia hoka chim ithaiyana lishke.