Efeshan 1:8 - Chahta Holisso Holitopa 1886

⁸ Yohmi kʋt hopoyuksa biekʋt im anukfila chinto hosh, isht i̱ kana yʋmma chitolechit pihi̱ma tok oke;

Efeshan 1:8 Iomraidhean Croise

Atʋloa 104:24

Nan ish ai ʋtahli tok ʋt lawah fehnʋshke, Chihowa ma; im punna hosh yʋmma moma ka̱ ish ikbi tok oke; yakni ʋt na̱ chimmi ya̱ isht ʋluttoʋshke.

Mahlu 11:19

Hatak Ushi yʋt ihimpa, mikmʋt nan ihi̱shko aienʋt a̱ya ma, Yakeh! hatak isikopa, oka‐pa̱ki ishko shahli, pʋblikan micha nan ashʋchi ʋhleha aiena ka i̱ kana yoke, achishke: yohmi kia Ahopoyuksa yokʋto im ʋlla ʋhleha ha̱ isht im a holitopa hoke, im achi tok.

Loman 11:33

Yakeh! Chihowa hʋt hopoyuksa fehna, micha nan ithana aiena kʋt ataha hi ʋt ik im iiksho; nana apihi̱sa ka akostininchit nana a kaniohmi puta ka silhhit ahayucha he keyu hoke.

Loman 5:15

Amba nan ai ashʋchika yash o̱ na hʋlbina yʋto ik chiyuhmo hoke. Yohmi ka achʋfa hosh nan ashʋchi kak o̱ moyuma kʋt illi hokma, Chihowa hʋt isht i̱ kana, micha isht i̱ kana yak o̱ isht a hʋlbina yʋt isht i̱ shahli fehnʋt, Chisʋs Klaist, hatak achʋfa, yʋmmak atuk pulla kak o̱ moyuma ka in laua hoke.

1 Kolinhlian 2:7

Yohmi kia Chihowa isht im a hopoyuksa yʋmmʋt luma hatok a̱ yʋmma isht pi a holitopa hi o̱, yakni ʋt ik tobo ki̱sha ma, Chihowa hʋt apesa tok ak o̱ isht il anumpohonlishke.

Efeshan 1:11

Yʋmmak inli pulla ho̱ il ai isha he ʋlhpesa e toba hi osh, ilap nan ahni bieka hosh nana moma ka yʋmihchi chatuk im anufila ho̱, tikbanli pi ʋlhtoka tok:

Efeshan 1:7

Yʋmmak ash pulla im issish o̱ isht a pi ʋlhtoba mʋt, isht i̱ kana yʋt chinto pulla hatuk mak o̱ nan pim ai ashʋchi yʋt pi̱ kashofa hoke:

Efeshan 1:9

Yʋmihcha he il ai ahni tok ʋt ʋlhpiesa ahni pulla hosh, im anukfila luma hatok a̱ pim otʋninchi kʋt;

Efeshan 3:10

Yʋmohma hi o̱ himak ano hochitoka ilaiyuka, nan ʋlhtoka ilaiyuka, ʋba a holitopa ai asha kʋt, chʋch pulla atuk mak o̱ Chihowa a hopoyuksa chinto kʋt im otaiyana hi atok.

Koloshan 2:3

Klaist ak o̱ na hopoyuksa, micha nan ithana ita tuklo im isht ilaiyukpa moma kʋt a luma hoke.

Chute 1:25

Pi Okchalinchi Chihowa hopoyuksa kak bieka yʋmmak o̱ isht a holitopa, isht a chinto, micha isht a mi̱ko, micha nan isht ai a̱hli aiena kʋt himonasi, micha himak a pilla ka immit biliashke. Amen.

Nan Otʋni 5:12

Chitolit miha hosh, Chukfʋlhpobushi illi tok ʋt nan isht im ai a̱hla he, micha nan u̱ha in laua, mikmʋt isht a hopoyuksa, micha isht hlampko, mikmʋt isht ahninchi, micha isht aholitopa, mikmʋt isht aiokpanchi aiena ka a chimmi ha he ʋt chim ʋlhpesa hoke, ahanchi ho̱ haklo li tok.