Efeshan 1:6 - Chahta Holisso Holitopa 1886

⁶ Yohmi kʋt isht i̱ kana chinto yʋt isht anno̱howa he, yʋmmak pulla ho̱ Holitopa achʋfa yʋmma a pi ahninchi tok.

Efeshan 1:6 Iomraidhean Croise

Atʋloa 22:20

Ʋm ilhfiopak a̱ bʋshpo fʋlaya ya̱ ish ai i̱ hlʋkuffichikmʋt, yʋmmak a̱ bieka hatuk oka̱, ofi ibbak a̱ is si a hlukuffichashke.

Atʋloa 60:5

Chi̱ hulittopa ʋhleha hʋt hlʋkuffa chi̱ ka̱, chibbak ishtimpakimma isht ish okchalinchi cha, ʋnnumpah ilbʋssha ish pim aia̱hlichashke.

Lefitikʋs 15:15

Mikma naholitompa isht ʋtta yʋta chʋfa ka̱ nan ashʋchi im issa mak o̱ micha achʋfa ka̱ hukmit im issa mak o̱ im issa hi oke; micha naholitompa isht ʋtta yʋt i̱ yanʋlli ya̱ Chihowah itikba im ai i̱ kashofa hi oke.

Mahlu 17:5

Yʋmmʋt anumpohonli moma ho̱, hoshonti tohbi kʋt ant o̱ hoshontikachi tok; mihma anumpa hoshontika auet a kocha kʋt, Ilʋppak osh Sʋso a̱ holitopa yo̱, nan‐isht a sai yukpa fehna hoke; hʋsh i̱ haponaklashke, achi tok.

Mahlu 20:9

Atuk o̱ hʋshi kanʋlli ʋlhpisa ont isht auah achʋfa foka ho̱ tohno tuk ash o̱ okla ai ʋla mʋt, hatak achʋfa kʋt iskʋli achʋfa aiyuka ho̱ ishi tok.

Mahlu 3:17

Yohmi ma ʋba shutik a̱ auet ai anuhumpa kʋt, Ilʋppak osh sʋso a̱ holitopa yo̱ ilʋppak o̱ nan isht a sai yukpa mak oke, achi tok.

ʋBanumpa Luk Ʋt Holissochi Tok 2:14

Chihowa yʋt ʋba chaha moma i̱ shahli ya̱ ik a holitopá; mikmʋt yakni paknaka ma ik a nanaiyá: mikmʋt hatak a̱ nana achukma im anukfilli aiena kʋt ik ai ituyulá, ahanchi tok.

Chan 10:17

Ʋm ilhfiopak a̱ falaminchit ishi la hinla hosh aka bohyuli li; yohmi hoka A̱ki ʋt sa holitobli hoke.

Chan 3:35

I̱ki ʋt Ushi a̱ i̱ hullo kʋt nan oklu̱ha ka yʋmma ibbak o̱ fohkishke.

Loman 8:1

Yʋmohmi hoka Klaist Chisʋs ibai achʋfa, haknip nan ai ahni kak o̱ yʋmohmi keyu, amba Shilombish nan ai ahni kak o̱ iakaiya ʋhleha hokʋno himonasi ka isht ai i̱ palʋmma he anumpa hʋt im ʋlhpisa keyu hoke.

2 Kolinhlian 4:15

Nana puta kʋt hʋchishno pulla hatuk mak o̱ ai yakohmi ka, laua kʋt yak oke ahnit, aiokpʋchi pulla ho̱ nan isht i̱ kana laua kʋt Chihowa yʋt isht a holitopa chi̱ hoke.

2 Kolinhlian 5:21

Yʋmmak atuk mak o̱ Chihowa nan isht im ai ʋlhpiesa e toba chi̱ ka, yʋmmʋt nan ashʋchi ithaiyana tok keyu ka, yʋmmak ash o̱ Chihowa yʋt nan ashʋchi yo̱ pim ikbi tok.

Efeshan 1:12

Yohmi kʋt na ti̱kba Klaist a̱ il anukchieto tuk pishno ak o̱ im a holitopa yʋt a pi annoho̱wa chi̱ hatok.

Efeshan 1:14

Yʋmmak okʋt nana il ai isha he ʋlhpesa ka il isha he atokowa isht ʋlhpisa hosh ma̱ha̱ya tuk o̱ falaminchit chumpʋt a pim atahli tok a̱ il ishi na, yʋmma im a holitopa yʋt isht annoho̱wak mak a he oke.

Efeshan 1:18

Nan isht hʋsh anukfilli i̱ holhponayo yʋt in tohwikeli na, ai okcha̱ya hʋsh pihi̱sa hi o̱ hʋchi atokoli kʋt kaniohmi, micha ʋbanumpa yimmi a̱hli ya̱ isht a holitopa chinto il ai isha hi ʋt kaniohmi,

Efeshan 2:7

Yohmi hosh himak a pilla ma Klaist Chisʋs pulla ho̱ pi̱ nukha̱klo tuk ʋt, isht i̱ kana chinto fehna ka isht otʋnincha chi̱ hatok.

Filippian 1:11

Yʋmohmit Chisʋs Klaist ak atuk mak o̱ nan ai ʋlhpiesa isht ai ʋni isht a hʋchi alotowa na, Chihowa yʋt isht a holitopʋt isht anumpa he yak oke.

Filippian 3:9

Mikmʋt yʋmma ibafoyuka la he, micha ʋno ak inli kʋt ʋba nan ʋlhpisa yʋmmak o̱ isht ai ʋlhpiesʋt il ai eshi li keyu, amba yʋmmʋt Klaist a̱ i̱ yimmi kʋt nan ai ʋlhpiesa na yimmi pulla kak o̱ Chihowa a minti yak oke:

Filippian 4:19

Yohmi ka an Chihowa holitopa fehna kʋt Chisʋs Klaist pulla kak o̱ nana a hʋchi bʋnna moma ka hʋchim atahla hi oke.

Koloshan 1:13

Yʋmmak okʋt aiokhlili ka isht im ai a̱hli ya̱ a pi a hlakofichi mʋt, anonti kanʋllichit ilap Ushi holitopa im apehlichika ya̱ pisht ona tuk oke;

1 Pita 2:5

Hʋchishno ak kia tʋli okcha̱ya chiyuhmit, shilombish chuka hʋsh toba hosh, na holitompa isht ʋlla holitopa yosh Chisʋs Klaist ak atuk pulla kak o̱, Chihowa hokʋt im ʋlhpiesa ho̱, chu̱kʋsh isht aiokpʋchi puta ka pit hʋsh im ihi̱sa hi a tok.

1 Pita 2:9

Amba isht atiaka ʋlhtoka, mi̱ko i̱ na holitompa isht ʋtta; oklushi holitopa, Chihowa immi ai a̱hli fehna hʋchia hoke: yohmi ka yʋmmak osh hʋchi̱ ho̱wʋt ai okhlilika ya̱ a kohchit im atohwikeli chinto ka hʋchi foyuki tuk o̱, ilap isht aiokpahancha he a̱ puta ka otʋninchit hʋsh ano̱honla he a tok:

1 Pita 4:11

Hatak kanima hosh anumpuli hokmʋt, Chihowa im anumpa hʋt abʋchi kak o̱ anumpulashke; hatak kanima hosh ʋbanumpuli ilbʋsha ya̱ nan isht im ahanta hokmʋt, Chihowa hʋt kanimihchit hlampkochi kak o̱ isht ahantashke: yohmi na Chihowa hʋt Chisʋs Klaist ak atuk pulla kak o̱ nan oklu̱ha ka isht a holitopashke, yʋmmak o̱ isht a holitopa, mi̱kot ahantʋt bilia yʋt immit biliashke. Amen.