Efeshan 1:5 - Chahta Holisso Holitopa 1886

⁵ Yʋmohmi kak osh ʋlhpesa ahni pulla tuk mak osh, Chisʋs Klaist atuk mak o̱ ilap im ʋlla e toba he ak o̱, tik banli pi atokoli tok,

Efeshan 1:5 Iomraidhean Croise

Mahlu 1:25

Yohmi kia ik it apoto ki̱sha ho̱, ʋlla‐nakni ishi ahpi kʋt sholi tok: mihma hohchifo ha̱ Chisʋs hochifo tok.

Mahlu 11:26

Ʋlhpesashke, A̱ki ma! yʋmmak osh chim ʋlhpiesa hatuk oka, achi tok.

ʋBanumpa Luk Ʋt Holissochi Tok 10:21

Hʋshi kanʋlli ʋlhpisa yʋmma fehna ma Chisʋs ʋt chu̱kʋsh na yukpa mʋt, A̱ki, ʋba, mikmʋt yakni ita‐tuklo in Chitokaka ma! na yakohmi puta ka na kostini, micha nan‐ithʋna aiena kʋno ish in luhmi tuk osh, ʋlo̱si puta ho̱ ish im otʋninchi hoka, yak oke, chim aiahni lishke, ʋlhpiesʋshke, A̱ki ma! yʋmmak osh chim ʋlhpiesa hatuk oka:

ʋBanumpa Luk Ʋt Holissochi Tok 11:32

Nana ʋlhpisa chinto nitak okʋno Ninefeh okla hʋt hatak ʋt himonasi a̱sha ilʋppa iba ta̱kla wakayʋt hiohma̱yʋt, atokowʋt anumpa onocha hi oke; yʋmmak okʋto Chonas ʋt ʋbanumpa ont isht im anumpohonli ma, ile kostininchi tok okʋt; atuk o̱ yakeh! Chonas a̱ imaiya mak osh ilʋppa ahantʋshke.

ʋBanumpa Luk Ʋt Holissochi Tok 12:32

Apehlichika ya̱ hʋch ima kʋt im achukma hoka, chukfʋlhpoba a̱ya ik lauwo hʋchia mʋt, ik hʋchi nukshopo kashke.

Chan 1:12

Amba laua kaniohmi hosh ahninchit, ilapo hohchifo ha̱ i̱ yimmi hokʋno, Chihowa ushi ʋhleha toba chi̱ mak o̱ isht ai ʋlhpesa ka ima tok;

Chan 11:52

Yohmi kʋt okla yʋmmak bana hi o̱ keyu; amba Chihowa im ʋlla ʋhleha kanima ai it afimimpʋt a̱sha tuk aiena ma hoyot a miha chʋfa ho̱ ai itahoba he ak o̱, tikbanli anoli ha tok.

Chan 20:17

Chisʋs ʋt, Ʋba iʋt A̱ki a̱ ak im ono ki̱sha hoka, is sa potoli ná; amba iʋt tibapishi li ʋhleha aiasha kak o̱ ona cha, A̱ki, mikmʋt hʋch I̱ki, an Chihowa, mikmʋt hʋchin Chihowa im ia li ka, ish im anolashke, im achi tok.

Apostel isht Anumpa 13:48

Mihma okla nan ik ithano ʋhleha yʋt ilʋppa haklo mʋt, okla na yukpʋt Chitokaka im anumpa ha̱ aiokpahanchi tok. Mihma okcha̱yʋt bilia he isht im ʋlhpisa tok ʋto momʋt yimmi tok.

Loman 8:23

Micha yʋmmak illa ho̱ keyu, amba pishno ak kia Shilombish isht ai ʋni waya ʋmmona ka il ishi kʋt, pishno ak kia e hi̱hi̱ha kʋt ʋlla ai a̱hli e toba he, yʋmmʋt pi haknip isht a hlakofi yak o̱ e hoho̱yo hoke,

1 Kolinhlian 1:1

Pal, Chihowa nan ai ahni atuk pulla mak o̱ Chisʋs Klaist im apostel ʋlhtoka tok, micha il itibapishi Soshlenes ita tuklo kʋt,

1 Kolinhlian 1:21

Nan isht a hopoyuksa hosh Chihowa hʋt nan atahli tok kia, yakni ʋt ilap hopoyuksa kak osh Chihowa ya̱ isht ik ithano ma, ʋbanumpa isht anumpuli ik ahobo kia, kʋna hosh yimmi hokʋno mihi yo̱ Chihowa hʋt ʋlhpesa, ahnit isht okchalinchi yoke.

2 Kolinhlian 6:18

Yohmikmʋt hʋch I̱ki toba likma, anonti hʋchishno ʋt sʋso ʋhleha, sʋsotek ʋhleha hʋsh toba hi oke, Chihowa nana moma i̱ shahli hʋt achishke.

Kaleshan 3:26

Klaist Chisʋs a̱ i̱ yimmi pulla hosh hʋsh moma kʋt Chihowa im ʋlla hʋchia hokʋt.

Efeshan 1:11

Yʋmmak inli pulla ho̱ il ai isha he ʋlhpesa e toba hi osh, ilap nan ahni bieka hosh nana moma ka yʋmihchi chatuk im anufila ho̱, tikbanli pi ʋlhtoka tok:

Efeshan 1:9

Yʋmihcha he il ai ahni tok ʋt ʋlhpiesa ahni pulla hosh, im anukfila luma hatok a̱ pim otʋninchi kʋt;

Filippian 2:13

Chihowa ak osh ilap nan isht im ʋlhpesa hosh ai ahni kak o̱ ahnit, hʋsh yʋmihcha chi̱ ka hʋchi a toksahanli hoke.

Koloshan 1:19

I̱ki ʋt ʋlhpesa ahni kʋt, yʋmmak ash o̱ nan isht ai ʋlhtaha yʋt afoyuka he, ahni tok:

2 Hlessalonian 1:11

Yʋmohmi hoka anumpa ilbʋsha isht e hʋchim anumpohonli na bilia kʋt, pin Chihowa yʋt nan isht ilaiyukpa ilʋppak ash hʋsh isha hi a̱ ʋlhpesa hʋchi ahni cha, ilap nan isht i̱ kana aiokpancha he achukma moma, micha ai yimmi a toksʋli nan isht im ai a̱hli aiena ka isht hʋchim atahli hokbano il ai ahni hoke.

Heblu 2:4

Chihowa hak kia atokowa ibai anohonli kʋt, nan isht atokowa, nan isht anukhlakʋshli, micha nan isht ai a̱hli ilaiyuka, micha Shilombish Holitopa na hopela aiena ka ilap im anukfihinla hosh isht ai a̱hlichi tok:

1 Chan 3:1

Chihowa ushi ʋhleha hʋpi hohchifa hi a̱ Pi̱ki ʋt nan i̱ hullo kʋt a kaniohmit hʋp i̱ hullo tok a̱ ho pesá: yohmi hatuk o̱ yakni ʋt pishno a̱ ik hʋp ithano; yʋmma ik ithano tok okʋt.

Nan Otʋni 21:7

Kʋna hosh nana ka imaiyachi tuk mak osh nana moma ka ai immi ha chi̱ im ai ʋlhpiesa; mikma in Chihowa sia hokma, anonti ilap ʋt sʋso ha chi̱ hoke.