Efeshan 1:4 - Chahta Holisso Holitopa 1886

⁴ Yohmi hosh yakni in tolahpi ʋt iksho pilla ma, Klaist a̱ a pi atokoli kʋt, i̱ hullot nan ai ashʋchi iksho, micha liteha iksho hosh yʋmma itikba il a̱ya he ak atok oke.

Efeshan 1:4 Iomraidhean Croise

2 Samuel 22:24

Micha itikba ya̱ ai a̱hli bieka hosh a̱ya lish, nana ai ashʋchi li ya̱ ak il ahalaiacho chatuk oke.

Atʋloa 135:4

Chihowa hʋt ilap immi ha chi̱ hosh Chekob a̱ ʋtokulih mʋt, ilap inli hosh iesha chi̱ kʋt Islael a̱ ʋtokule tuk oka̱.

Lefitikʋs 19:2

Islael im ʋlla ʋhleha okla moma ka̱ im anumpulit, Nan ashʋchi ik hʋchim iksho kashke: Chitokaka hʋchin Chihowah sia hʋt nanashʋchi ik sʋm iksho hoka.

Lefitikʋs 20:7

Yʋmohmi hoka, hʋsh ile hullochi cha hʋchi holitopashke; hʋchin Chitokaka Chihowah sia hoke.

Mahlu 24:22

Yohmi ka nitak yʋmma chohmi ka ik falaiacho ho̱ keyukma, hatak nana hosh okcha̱ya he keyushke: yohmi kia nan ʋlhtoka ʋlheha ak pulla tuk mak o̱ nitak yʋmma puta kʋt ik falaio ka hi oke.

Mahlu 24:24

Klaist ilahobi ʋhleha, micha hopaii ilahobi ʋhleha aiena kʋt hiohlit nan isht atokowa chinto puta, mikmʋt na fehna puta aiena ka okla otʋnicha he; yʋmohmi cha, yʋmmʋt yohma hinlakma, nan ʋlhtoka, ʋhleha fehna atuk kia yoshublicha hi oke.

Mahlu 24:31

Atuk ma yʋmmak ash osh im enchil ʋhleha ha̱ isht‐pu̱fa ola chinto ieshi ho̱ tihlihinlikma, ilap atokoli tok ʋhleha ha̱ a mahli ushta shutik ont ai ʋhli achʋfa ka ʋhlit iʋt in tʋnnʋp pit a fullota ka a hoyot itahohomba hi oke.

Mahlu 25:34

Yohmikmʋt Mi̱ko ash osh im ibbak isht‐impak‐imma a̱sha kash o̱, A̱ki i̱ holitopa hʋchia ma! ho minti, ʋba apehlichika yakni ʋt ik tobo ki̱sha mak o̱ hʋchim ʋlhtaha tok ʋt hʋsh ai ahantashke.

Chan 10:16

Yohmi kʋt chukfʋlhpoba inla mʋt ilʋppa a̱shaka ai achʋfa keyu kʋt ʋm a̱sha hoke: yʋmmakma pehlichit ʋla likma, ʋm anumpa ha̱ hakla hi oke: yohmikma aiasha ʋt achʋfakma, anonti chukfʋlhpoba apesʋchi ʋt achʋfa hi oke.

Chan 15:16

Hʋchishno ak osh hʋs si atokoli tok o̱ keyu; amba itʋnowʋt ʋnit hʋsh waya he ak atuk oke; yohmikma hʋchi a waya kʋt aiasha na A̱ki a̱ nana ho̱ a̱ hohchifo pulla kak o̱ isht hʋsh im asilhhakma, hʋch ima he mak o̱, ʋno ak osh ai atokolit hʋchim apesa li hatuk oke.

Chan 17:24

A̱ki ma! is sʋma tok ʋhleha hak kia kanima yo̱ ai ahanta likma, si api̱hʋt a̱sha cha, nan‐isht ʋm aholitopa yʋmma is sʋma tok a̱ pisa he ak o̱, ahni lishke: yakni ʋt ik tobo ki̱sha mak o̱ is sa holitobli tok mak oke.

Apostel isht Anumpa 13:48

Mihma okla nan ik ithano ʋhleha yʋt ilʋppa haklo mʋt, okla na yukpʋt Chitokaka im anumpa ha̱ aiokpahanchi tok. Mihma okcha̱yʋt bilia he isht im ʋlhpisa tok ʋto momʋt yimmi tok.

Apostel isht Anumpa 15:18

Ʋmmona pillʋt isht auehinchi ka Chihowa yʋt ilap nana a kaniohmi puta ka mominchit ithaiyana chatuk.

Apostel isht Anumpa 18:10

Ʋno ʋt chi awant a̱ya li hoka; hatak nana hosh chi onʋtulʋt chi hotopala he keyu hoke, tʋmaha ilʋppa okla lauʋt ʋm ai a̱shwa hoka; im achi tok.

Loman 8:33

Kʋta hak osh Chihowa im ʋlhtoka ʋhleha ha̱ isht ai i̱ palʋmmi anumpa kia onocha hinla ho̱? Chihowa ak osh i̱ kashofi hoke.

1 Kolinhlian 1:8

Yʋmmak ash inli hosh hʋchi ai a̱hlihinchit ont ai ʋhli ka isht hʋch ona hi oke: yohmi ho̱ pin Chitokaka Chisʋs Klaist i̱ nitak fehna ka anumpa isht a hʋchi onʋtula hi ʋt iksho ka hi oke.

Kaleshan 5:13

Itibapishi li ʋhleha ma! a yuka keyu yo̱ hʋch isht ona tuk oke; a yuka keyu yʋto haknip yukpali keyu, amba it i̱ hullot it apelahanchi yak oke.

Kaleshan 5:22

Amba Shilombish o̱ isht ai ʋni hokʋto, I̱ hullo, nayukpa, it i̱ nanaiya, nuktaiyalʋt nokowa sʋlaha, anukfila yohbi, nana achukma yʋmohmi, na yimmi,

Kaleshan 5:6

Chisʋs Klaist imma hokʋno hakshup tʋpa yokmá, hakshup ik tapo yokmá, nana hoh kia nana a kanihma he keyu hoke; amba ai yimmi ka i̱ hullo isht atoba yak oke.

Efeshan 2:10

Yʋmma im a toba hʋpia kʋt, nan toksʋli achukma isht il ahanta hi osh Klaist Chisʋs ak o̱ il a toba tok; yʋmma il ai itʋnowa hi o̱ Chihowa hʋt tikbanli apesa tok.

Efeshan 3:17

Micha na hʋchi yimmi ho̱ Klaist ʋt hʋchi chu̱kʋsh a̱ anukfoyuka he yohmi lishke; yohmi ho̱ nan isht i̱ hullo a̱ akshish a tobʋt a hʋchi kʋllo hosh,

Efeshan 4:2

Chu̱kʋsh akanlosi, micha chu̱kʋsh yohbi, micha anukhobela sʋlahʋt, iti̱ hullot, it im i̱ nuktaiyalʋt;

Efeshan 5:2

Micha Klaist ʋt pi̱ hullo cha, pishno ak atuk mak o̱ nan ashʋchi isht ʋlhtoba, Chihowa nan i̱ balama, isht il im issa tok a̱ chiyuhmit, ai it i̱ hullot hʋsh ai itʋnowashke.

Efeshan 5:27

Chʋch holitopa, na liteha lapali iksho, shinowa, yʋm ma chohmi nana kia iksho ho̱ ilap itikba hilecha chi̱ hatok; a̱hli a holitopa, imomokpulo keyu ho̱ ilap itikba hilech, chi̱ hatok.

Filippian 2:15

Anumpa nana kia hʋchi onʋtonla keyu, nan okpʋni keyu, na liteha lapanli keyu hosh okla shanaiowa, micha nan ai ashʋchi ai ititakla yo̱ yʋmma i̱ pʋla tohwikeli chohmit yakni paknaka ya̱ hʋsh ai ashʋshke.

Koloshan 1:22

Ilap haknip nipi illi kak o̱ himak ano hʋch il i̱ kanʋchi tuk; yʋmohmi hosh nan ai ashʋchi iksho, micha liteha a lapali iksho, micha anumpa nana kia hʋchi onʋtula he keyu ho̱ ilap a̱ itikba ya̱ hʋchi hilecha hi atok:

Koloshan 2:2

Yʋmohmi ho̱ chu̱kʋsh ʋt it i̱ hullot itʋshekonompa hosh chu̱kʋsh ʋt hopoho̱hlashke: yʋmohmi hosh ai yimmi a̱hli isht ai yukpa chinto ka ai a̱hlit ithana he, yohmi hosh Chihowa yʋmmʋt I̱ki, micha Klaist isht anumpa luma hatok ma otʋnihincha he ak atok;

Koloshan 3:12

Yʋmohmi hoka Chihowa im ʋlhtoka nan ashʋchi iksho, holitopa hʋchia hokʋt hiahni, i̱ kana, anukfila akanlosi, chu̱kʋsh yohbi, anukhobela sʋlahʋt nuktaiyala aiena kak o̱ hʋsh foyukashke.

1 Hlessalonian 3:12

Micha Chitokaka yʋt hʋsh it i̱ hullo ka i̱ shahlit isht ia, micha hatak moma hʋsh i̱ hullo ka i̱ shahlit isht ia, a chinto ka hʋchim ahnashke; pishno e hʋchi̱ hullo ka hʋsh chohmashke:

1 Hlessalonian 4:7

Chihowa yʋt a liteha yo̱ a pi atokoli tok keyu, amba nan il ai ashʋchi iksho ka hi ak atuk oke.

2 Timohli 1:9

Yʋmmak osh pi okchalinchi cha, ʋba nan isht ilaiyuk pa holitopa ho̱ il iesha he mak o̱ pi atokoli kʋt, pishno nan il ai isha he ai ʋlhpiesa kak o̱ yohmi keyu, amba ilap nan isht im anukfihinla hosh, yakni ik tobo pilla kash inli ho̱ ilap isht i̱ kana ya̱ Chisʋs Klaist ak atuk pulla mak o̱ pihi̱ma kak a tok oke:

2 Timohli 2:10

Yohmi ka ai‐okcha̱ya pisa he ʋlhtoka tok ʋhleha atuk pulla kak o̱ na‐palʋmmi puta pihi̱sa li kʋt, yʋmmak kia Chisʋs Klaist ʋt ai‐okcha̱ya ataiyahli tok a̱, micha nan isht a holitopa aiena ka isha chi̱ ka si yʋmohmi hoke.

2 Timohli 2:19

Yohmi kia Chihowa im intolahpi yʋt kʋllo ai a̱hli hoke: anumpa ilʋppak osh ai o̱ holisso kak o̱, Ilap immi ka Chitokaka yʋto ithana hoke. Mikmʋt Klaist hohchifo hochihi̱fo kʋt moyumʋt nan ai ʋlhpesa keyu ka i̱ filʋmmashke.

Chemis 2:5

Itibapishi li a̱ holitopa ʋhleha ma! hʋsh haponaklashke; yakni pakna ilʋppa ilbʋshʋt aiasha kʋt ai yimmi ka yo̱ nan isht ai in laua chi̱, micha kʋna hosh ilap a̱ holitobli tuk ma, ʋba apehlichika yo̱ ima hi ʋt miha tok mak o̱ immi ha chi̱ ka, Chihowa hʋt atokolichi tok keyu̱?

1 Pita 1:2

I̱ki Chihowa hak osh tikbanli ithaiyanʋt, okcha̱ya he atokoli tok yʋmmak oka Shilombish Holitopa yak osh kashoho̱fi na, nana ka im antia ho̱ Chisʋs Klaist im issish isht o̱ fima tok hʋchia hoka; Nan isht i̱ kana yʋt hʋchi anukfoyuka, micha nan isht it i̱ nanaiya yʋt hʋchin lauashke.

1 Pita 1:20

Yʋmmak osh yakni intolahpi ʋt ik tobo pilla kash o̱ tikbanli ʋlhtoka tok osh, hʋchishno yak atuk pulla kak o̱ himak ont ishtaiyopi ilʋppa otaiyani tok oke;

1 Pita 2:9

Amba isht atiaka ʋlhtoka, mi̱ko i̱ na holitompa isht ʋtta; oklushi holitopa, Chihowa immi ai a̱hli fehna hʋchia hoke: yohmi ka yʋmmak osh hʋchi̱ ho̱wʋt ai okhlilika ya̱ a kohchit im atohwikeli chinto ka hʋchi foyuki tuk o̱, ilap isht aiokpahancha he a̱ puta ka otʋninchit hʋsh ano̱honla he a tok:

2 Pita 3:14

Yʋmohmi ka a̱ holitopa ʋhleha ma! nana ilʋppa chiyuhmi puta ho̱ hʋsh hoho̱yo hokʋt, anumpa isht ai onʋtula he, micha na liteha aiena ik hʋchim iksho hosh hʋsh i̱ nanaiya ho̱, hʋsh im otaiyana hi ʋt hʋsh achunanchashke.

1 Chan 4:16

Mikmʋt pishno a̱ Chihowa ʋt pi̱ hullo ka il akostininchi, micha pi yimmi aiena tok. Chihowa ʋt nan i̱ hullo hoke: yohmi ka kʋna hosh nan i̱ hullot ahanta hokʋt, Chihowa ak o̱ ai ib anukfoyukakma, anonti Chihowa mʋt ilap a̱ ai ib anukfoyuka hoke.

Nan Otʋni 13:8

Mikma kʋna hosh hohchifo hʋt yakni tobʋt a minti tok ai ʋhli ka ʋlhtobʋt illi tok Chukfʋlhpobushi i̱ holisso ai‐okcha̱ya a holisso tok keyu kʋt, yakni pakna ai asha moma kʋt yʋmmak ash o̱ aiokpahancha chi̱ hoke.

Nan Otʋni 17:8

Nampoa nukshopa yash, yʋmma ish pi̱sa tuk a̱ anta tuk osh, anonti ikshoshke; yohmi kia yʋmmʋt chiluk hofobi ai ʋhli iksho a̱ auet a kohcha chi̱ hoke; mikmʋt aiokpuloka ont chukowa chi̱ hoke: mikma yakni pakna ai asha puta kʋt, kʋna hosh i̱ hohchifo hʋt yakni toba tok taiyakla ka holisso ai okcha̱ya ya̱ a holisso tok keyukmʋt, nampoa nukshopa, yʋmmʋt anta tok osh, anonti iksho kia, anonti anta ak inli ka okla pisakmʋt, nukhlakancha chi̱ hoke.