Efeshan 1:3 - Chahta Holisso Holitopa 1886

³ Chihowa pin Chitokaka Chisʋs Klaist I̱ki, yʋmmak osh Chisʋs ak atuk mak o̱ ʋba nana ishit pi yukpahanli yʋt holitopashke:

Efeshan 1:3 Iomraidhean Croise

Genesis 14:20

Mikma ʋba chaha moma i̱ shahli Chitokaka, yʋmmak osh chin tʋnʋp ʋhleha ha̱ chibbak fohki tuk ʋt holitopashke, achi tok. Mihma moma ka̱ ishit pokoli aiyukali ho̱ ai ishit Melkisetek ash ima tok.

Genesis 22:18

Mikma ʋm anumpa ha̱ ish im antia hoka, chim ishtatiaka ak o̱ oklushi moma yakni paknaka aiasha kʋt nan isht aiyukpa hi oke, achi li tuk oke, achi tok.

Atʋloa 134:3

Ʋba micha yakni ittʋtuklo ikbi tok Chihowa hʋt Saion a̱ binnilit hʋchi yokpalashke.

Atʋloa 72:17

Hohchifo hʋt tʋkkali na billiashke; hʋshi ʋt tʋllayah ta̱kla ka̱ hohchifo hʋt uffot ma̱ha̱yashke; mikma̱ okla hʋt yʋmmak o̱ nan isht il a yokpalashke; oklushi moma kʋt, “Na̱ yokpáh,” achashke.

Atʋloa 72:19

Mikmʋt hohchifoh hulittopa yʋt hulittopa na billiashke; micha yakni moma kʋt ahulittopa isht ʋluttoashke. Amen, ʋnonti Amen.

ʋBanumpa Luk Ʋt Holissochi Tok 2:28

Yohmi ma yʋmmak ash ot ibbak ishit sholi cha, Chihowa ya̱ pit aiokpahanchi mʋt,

Chan 14:20

Ʋno ʋt A̱ki a̱ ibai acha̱fa likma, anonti hʋchishno ʋt ʋno a̱ hʋs sʋbai acha̱fa na hʋchishno ma hʋch ibai acha̱fa li aiena ka, nitak yʋmma fehnakma hʋsh akostinincha hi oke.

Chan 17:21

Moyumʋt ai itib achʋfa kʋt, A̱ki chia hʋt ʋno a̱ is sʋbai acha̱fakma, anonti ʋno mʋt a chibai acha̱fa li kak inli ho̱ okla chiyuhmi cha, yʋmmak mʋt pishno a̱ a pibai acha̱fashke: yohmi na chishno ak osh auet is sa kanchi tok a̱ okla moma kʋt ithaiyanashke.

Chan 20:17

Chisʋs ʋt, Ʋba iʋt A̱ki a̱ ak im ono ki̱sha hoka, is sa potoli ná; amba iʋt tibapishi li ʋhleha aiasha kak o̱ ona cha, A̱ki, mikmʋt hʋch I̱ki, an Chihowa, mikmʋt hʋchin Chihowa im ia li ka, ish im anolashke, im achi tok.

Loman 12:5

E chiyuhmi hosh e laua kia, Klaist il ibai achʋfa kʋto haknip achʋfa pia, micha achʋfa aiyuka kʋt pit il it ibai achʋfa hoke.

Loman 15:6

Yohmi hosh hʋchim anukfila hʋt ai achʋfʋt, itih achʋfa hosh Chihowa, pin Chitokaka Chisʋs Klaist I̱ki yak fehna ka hʋsh holitobla hi atuk oke.

1 Kolinhlian 1:30

Yohmi kia hʋchishno ʋto yʋmmak atuk mak o̱ Klaist Chisʋs a̱ hʋsh ibai achʋfa ka yʋmmak o̱ Chihowa pulla kak o̱ isht pi a hopoyuksa, micha isht pi ai ʋlhpiesa, micha isht pi a kashofa, micha isht pi ai ʋlbi yoke:

1 Kolinhlian 12:12

Haknip okʋto achʋfa, yohmi kia yʋmma ai immi hokʋto in laua; mikma haknip achʋfa yʋmma ai immi moma kʋt laiyawa kia, haknip achʋfa hoke; yohmi ka Klaist ak kia ilʋppak inli ho̱ chohmi hoke.

2 Kolinhlian 1:3

Pin Chitokaka Chisʋs Klaist I̱ki, Chihowa, nan i̱ nukha̱klo fehna I̱ki, micha nan isht anuktanla moma in Chihowa yʋt holitopashke.

2 Kolinhlian 11:31

Chihowa pin Chitokaka Chisʋs Klaist I̱ki, holitopa bilia yak osh, holabi li keyu ka ithaiyana hoke.

2 Kolinhlian 5:17

Yʋmohmi ka hatak nana hosh Klaist a̱ ibai achʋfa hokmʋt, mihi yosh nana toba himona yoke: na sipokni atuk ʋt ont ai ikshot kʋnia na, yakeh! nana puta kʋt himonʋt toba hoke.

2 Kolinhlian 5:21

Yʋmmak atuk mak o̱ Chihowa nan isht im ai ʋlhpiesa e toba chi̱ ka, yʋmmʋt nan ashʋchi ithaiyana tok keyu ka, yʋmmak ash o̱ Chihowa yʋt nan ashʋchi yo̱ pim ikbi tok.

Kaleshan 3:9

Yʋmohmi hoka kʋna hosh yimmi yokʋto, mihi yosh na yimmi Eblaham a̱ iba ta̱klʋt na yukpa hoke.

Efeshan 1:10

Yʋmmʋt nitak ʋt ont ai ʋlhpiesakma, nana puta ʋba ai asha, micha yakni pakna ai asha aiena ka itahobit achʋfalechit, Klaist yʋmma fehna ka i̱ nutakacha he ak atok:

Efeshan 1:17

Yohmi ka pin Chitokaka Chisʋs Klaist in Chihowa, na holitopa puta I̱ki ʋt Shilombish isht a hopoyuksa, micha isht otʋninchi hʋch ima na yʋmma ithaiyanʋt hʋsh maha̱ya he;

Efeshan 1:20

Yʋmmak ash o̱ yʋmihchi hosh, Klaist illi tuk a̱ falaminchit tanichit, ʋba a holitopa ilap ak inli ibbak isht impakimma yo̱ binilichit,

Efeshan 2:6

Micha Chisʋs Klaist ibafohkit wakayʋchit, ʋba a holitopa puta pi binilichi tok oke;

Efeshan 3:10

Yʋmohma hi o̱ himak ano hochitoka ilaiyuka, nan ʋlhtoka ilaiyuka, ʋba a holitopa ai asha kʋt, chʋch pulla atuk mak o̱ Chihowa a hopoyuksa chinto kʋt im otaiyana hi atok.

Efeshan 6:12

Nipi, micha issish o̱ im i̱ sanalit il itibi keyu, amba mi̱ko ʋhleha, nan ʋhltoka, hochitoka, yakni ai okhlili ka ilʋppa pehlichi ʋhleha, shilombish okpulo ʋba itʋnowa puta aiena kak oke.

Filippian 2:11

Micha hatak isunlʋsh puta kʋt I̱ki Chihowa yʋt isht a holitopa he mak o̱, Chisʋs Klaist ʋt Chitokaka ya he, achit anohonlashke.

Heblu 8:5

Yʋmmak okʋt nan isht ahanta kʋt ʋba yakni nana ai asha kak o̱ isht ʋlhpisa, micha isht a hoyulba mak o̱ isht ai yʋmihchi hoke: yohmi ka Moses ʋt ʋlhtipo ya̱ ikba chi̱kma, Chihowa hʋt nan i̱ miha kʋt, Ahah! ahnit nan isht a holba nʋnih paknaka chim ai otʋni tok ak o̱ chiyuhmi ho̱ nan oklu̱ha ka ish ikbashke, achi tok oka.

Heblu 9:23

Yohmi hoka nana ʋba ai asha puta ka isht ʋlhpisa puta kʋt ilʋppak ash o̱ isht a kashofa hi atuk; amba nana ʋba ai asha yʋmmak oka nan ai ashʋchika isht ʋlhtoba achukma kʋt ilʋppak ash o̱ i̱ shahli ho̱ isht a kashofa hi atuk oke.

1 Pita 1:3

Pin Chitokaka Chisʋs Klaist I̱ki, micha in Chihowa hokʋt holitopashke, yʋmmak osh pi̱ nukha̱klo chinto hatuk osh, Chisʋs Klaist ʋt illi tuk kia, falaminchit tanichi kak osh anonti himonʋchit pikbi tok o̱, na yukpa fehna hosh,