Biblia Todo Logo
Bìoball air-loidhne

- Sanasan -




Efeshan 1:1 - Chahta Holisso Holitopa 1886

1 Pal, Chihowa nan ai ahni ha tuk pulla mak o̱ Chisʋs Klaist im apostel ʋt ʋbanumpuli a̱hli Efesʋs ai asha, micha Klaist Chisʋs i̱ yimmi aiena ka pit aiokpʋchishke.

Faic an caibideil Dèan lethbhreac




Efeshan 1:1
27 Iomraidhean Croise  

Yohmi kia an tishu Moses ʋt yohmi keyu, yʋmmak okʋt an chuka ya̱ nana aiasha moma ka̱ aia̱hli hoke.


Kʋna hosh nana kʋt moma ik a lauwo ho̱ aia̱hli achukma yatuk mʋt, nana kʋt ik aiaka kia aia̱hli achukma akinli chatuk; yohmikma kʋna hosh nana kʋt moma ik a lauwo ho̱ aia̱hli achukma atuk keyukmʋt, nana kʋt ik aiaka kia, aia̱hli achukma chatuk keyu akinli hoke.


Micha ilap ʋt in chuka chʋfa aienʋt baptismo mʋt, asilhhʋchit, Ʋno ʋt Chitokaka ya̱ pit im ai a̱hli li ka hʋchim ahobakmʋt, an chuka ya̱ ont hʋsh chukowa cha hʋsh a̱shwashke; ahanchi mʋt, pi atu̱shpalechi tok.


Micha Efesʋs a̱ ʋla mʋt, yʋmmak o̱ ant ashachi cha; amba ilapo ʋto ʋba isht ai anumpa chuka ont chukowa cha, Chu ʋhleha ya̱ im anumpohonli tok.


Micha okla ha̱ aiokpʋchi mʋt, Ik kaniohmi kia, impa holitopa mihinti ilʋppa Cheluselem ak o̱ ai isht anta la chi̱ hoke. Yohmi kia Chihowa ak osh ik yohmí ahni hokma, falamʋt chim a̱ya la he akinli hoke; ahanchi tok. Mihmʋt peni fohkʋt Efesʋs ʋttʋt ia tok.


Yohmi ma Ananaiʋs ashot afalaminchi mʋt, Chitokaka ma! hatak ilʋppʋt, chi̱ holitopa ʋhleha Cheluselem aiasha ka kaniohmit nan isht okpʋni ka, laua ho̱ a haklo li chatuk.


Pal, Chisʋs Klaist in tishu, apostel toba kʋt, Chihowa im ʋbanumpa isht ʋtta hi osh ʋlhtoka tok ʋt,


Lom aiasha moyuma Chihowa i̱ holitopa, ʋbanumpuli tohomba tok moyuma ka Pi̱ki Chihowa, micha Chitokaka Chisʋs Klaist ita tuklo nan isht i̱ kana, micha nan isht it i̱ nanaiya ita tuklo kʋt hʋchi anukfoyukashke.


Yʋmohmi hoka Klaist Chisʋs ibai achʋfa, haknip nan ai ahni kak o̱ yʋmohmi keyu, amba Shilombish nan ai ahni kak o̱ iakaiya ʋhleha hokʋno himonasi ka isht ai i̱ palʋmma he anumpa hʋt im ʋlhpisa keyu hoke.


Mihmʋt pishno pibbak ak inli ho̱ isht toksahanli hosh ont pi a hoyublishke. Isht pi atukhlakaha̱fa kia, i̱ kanʋt il anumpohonlishke: pi̱ palʋmihinchi kia, ʋlhpiesa il ahnishke.


Ilʋppa yakohmi kak o̱ Timohliʋs, sʋso a̱ holitopa, Chitokaka im ai a̱hlit achukma ya̱ pit hʋchi kanchi li ka, mihi yosh kanima moma iksa a hiohli puta ka Klaist isht abʋchit, nana a kaniohmi li puta ka anolit hʋchi anukfohkicha hi oke.


Chihowa nan ai ahni atuk pulla mak o̱ Chisʋs Klaist im apostel Pal, micha il itibapishi Timohli ita tuklo kʋt Chihowa in chʋch, yʋmmʋt Kolinhla a hikia, mikmʋt na yimmi a̱hli moma yʋmmʋt Akaia moma ka ai asha ka aieninchit pit aiokpʋchi kʋt,


Pal apostel sia kʋt hatak kaniohmi ho̱ nan a si ʋlhtoka tok keyu, mikmʋt hatak nan ahni hatok keyu, Chisʋs Klaist, micha I̱ki Chihowa, yʋmmʋt illi tok a̱ falaminchit tanichi tok ita tuklo kak atok:


Klaist Chisʋs a̱ i̱ yimmi pulla hosh hʋsh moma kʋt Chihowa im ʋlla hʋchia hokʋt.


Chu okmá, Klik okmá, nana kʋt iksho; yuka yokmá, yuka keyu yokmá, nana kʋt iksho; nakni okmá, ohoyo hokmá nana kʋt iksho, amba hʋsh moyuma kʋt achʋfʋt Klaist Chisʋs a̱ hʋsh ibafoyuka hoke.


Yʋmohmi hoka kʋna hosh yimmi yokʋto, mihi yosh na yimmi Eblaham a̱ iba ta̱klʋt na yukpa hoke.


Yʋmohmi ka ʋno yak kia Chitokaka Chisʋs a̱ hʋsh i̱ yimmi, micha ʋbanumpa yimmi a̱hli moma ka hʋsh i̱ hullo ka, haklo li hayʋt,


Yʋmma im a toba hʋpia kʋt, nan toksʋli achukma isht il ahanta hi osh Klaist Chisʋs ak o̱ il a toba tok; yʋmma il ai itʋnowa hi o̱ Chihowa hʋt tikbanli apesa tok.


Yohmi tok kia himak ano Chisʋs Klaist pulla hatuk mak o̱ hʋchishno ʋt ti̱kba mʋno hʋsh mishemanchi tuk ʋt, Chisʋs im issish o̱ isht hʋsh a bili̱ka kʋt hʋsh ithaiyanashke.


Micha Chisʋs Klaist ibafohkit wakayʋchit, ʋba a holitopa puta pi binilichi tok oke;


Amba nana ʋm a kaniohmi, micha nana isht anta li aiena ka hʋsh akostinincha chi̱ ak inli kʋno, Tikikʋs itibapishi a̱ holitopa, micha Chitokaka nan im isht ʋtta ai a̱hli ak osh nana moma ka hʋchim anola chi̱ hoke.


Ʋbanumpa yimmi a̱hli ʋhleha, il itibapishi a̱hli Klaist a̱ ibafoyuka Kolossi ai asha ka pit aiokpʋchi kʋt, Pi̱ki Chihowa, micha Chitokaka Chisʋs Klaist ita tuklo nan isht i̱ kana, micha nan isht it i̱ nanaiya ita tuklo mak osh hʋchi anukfoyukashke, hʋchim ahnishke.


Mikmʋt ilʋppak ash ot Chukfʋlhpobushi ya̱ itintanampa chi̱, mikma yʋmmak okʋt chitokaka ʋhleha in Chitokaka, micha mi̱ko ʋhleha i̱ Mi̱ko yokʋt Chukfʋlhpobushi yash ot yʋmmak ash o̱ imaiyacha chi̱ hoke; yohmi ka kʋna hosh yʋmma ai ibachʋfa hokʋto ʋlhtoka, mikmʋt ai a̱hli, micha holitopa mak oke, ʋm achi tok.


Nana kʋt isht chi ai ilbʋsha he puta a̱sha ka chik i̱ komunto kashke. Yakeh! hʋsh kanima ka hʋch imomaka pisa chi̱ ka, Setan ʋt aboha kʋllo a̱ hʋchi apitta he; yohmikma nitak pokoli ho̱ na palʋmmi hʋsh pisa chi̱ hoke: ai a̱hlit ma̱ha̱yʋt ont chillashke; yohmikma iachuka okcha̱ya yo̱ chima la he mak oke.


Nana ish a kaniohmi puta, mikmʋt kanima yo̱ Setan ʋt apehlichi yʋmmak kia ish ai ʋtta ka ithana lishke; yohmi kʋt sa hohchifo hatuk ma kʋllochit ish ieshi mʋt, anonti Antipas yʋmmak okʋt ʋm antia ai a̱hlit atokowa otʋninchi yosh hʋchi ta̱kla ahanta tok a̱ Setan ai ʋtta yak o̱ ai ʋbi tok nitak foka kak kia, ʋno a̱ is sai yimmi tuk ʋt chik kancho tok a̱ ithana lishke.


Lean sinn:

Sanasan


Sanasan