Choshua 9:4 - Chahta Holisso Holitopa 1886

⁴ I̱ kostinit okla im anukfila cha, okla inla im anumpa shali atuk ilahobit, bahta hlipa puta, micha oka pa̱ki kotoba sipokni hlilahlit ʋlhkʋta puta aiena ka issuba haksobish falaia ya̱ onochi tok.

Choshua 9:4 Iomraidhean Croise

Genesis 34:13

Mihma Chekob ushi ʋhleha hʋt, in tek Tinah ya̱ litehli tuk ak o̱, Shekem, micha i̱ki Hamo itatuklo ka̱ haksichi hosh afalaminchit,

Atʋloa 119:83

Na̱ hakshup kutoba o̱ shubulli ak o̱ ittillawwi lih kia, chi̱ nan ʋlhpisa putta ka̱ ik sʋm ihaksoshke.

Mahlu 10:16

Inta! chukfʋlhpoba yo̱ chohmichi hosh nashoba itintakla pit tihleli lishke; yohmi hoka kostini kʋt sinti ak o̱ hʋsh chiyuhmi cha, nuktaiyala mʋt pʋchi‐yoshuba ak o̱ hʋsh itilauashke.

Mahlu 9:17

Mikma hatak puta kʋt oka‐pa̱ki himona ya̱ shukcha sipokni yo̱ apitta chatuk keyu; yʋmmak keyukma shukcha yʋt mitahli na oka‐pa̱ki yʋt hlayakma, shukcha yʋto okpulo chatuk; amba oka pa̱ki himona ya̱ shukcha himona yo̱ apittakmak o̱, tu̱klot nan ik okpulo chatuk oke, im achi tok.

Mark i̱ Holisso 2:22

Mikma hatak nana kia oka‐pa̱ki himona ya̱ shukcha sipokni yo̱ apitta chatuk keyu: yʋmmak keyukma, oka‐pa̱ki himona yash ot shukcha yash mitahlichi na hlayakma; shukcha yash ot okpula hinlʋshke: amba oka‐pa̱ki himona ʋt shukcha himona yo̱ ʋlhpitta pullashke, im achi tok.

ʋBanumpa Luk Ʋt Holissochi Tok 16:8

Yohmi ma nan‐apesʋchi nan ik ai ʋlhpeso ash ot kostini fehnʋt yʋmohmi hatuk o̱, i̱ shahli hʋt im ai okpahanchi tok: yakni ilʋppa im ʋlla ʋhleha hʋt ilap bi̱ka nan it im a kaniohmit hopoyuksa kʋt, a nita̱ki im ʋlla ʋhleha ha̱ i̱ shahli hoke.

Choshua 9:12

Pʋska ilʋppa kohchʋt hʋchi afama chi̱ hosh e minti nitak ak osh lʋshpa moma ho̱ pin chuka ya̱ ai ishit e kohcha tok oke; yohmi tok kia yakeh! himak ano shilʋt bokbokit tahʋshke.

Choshua 9:13

Oka pa̱ki i̱ kotoba puta ilʋppa il alotuli mʋno himona tok; atuk osh yakeh! hlilahlishke: micha pi̱ nafohka ilʋppa puta, micha pi̱ shulush puta aiena kʋt, hopaki fehna e nowa hatuk o̱ hlipʋt tahʋshke, okla im achi tok.

Choshua 9:3

Atuk o̱ Kibeon aiasha ʋt, Choshua ʋt Cheliko, micha Ai ita tuklo ka kaniohmichi tuk a̱ haklo mʋt,

Choshua 9:5

Micha shulush sipokni ʋlhkʋta ishit hoyolo, micha nafohka sipokni isht foyuka tok: mikmʋt pʋska il atahli tuk moma kʋt shilʋt bokbokit taha tok.