Choshua 9:1 - Chahta Holisso Holitopa 1886

¹ Atuk o̱ yakohmi tok, mi̱ko ʋhleha Chatan ola in tʋnnʋp, nʋnih foka, micha okfa foka, micha okhʋta chito ʋhli moma Lebanon i chapaka, Hitait okla, micha Amolait okla, Kenanait okla, Pelissait okla, Hifait okla, micha Chebusait okla aiena aiasha kʋt haklo mʋt;

Choshua 9:1 Iomraidhean Croise

2 Samuel 24:7

Micha Taia holihta kʋllo ya̱ onʋt, Hifait okla in tʋmaha holihta puta, micha Kenanait okla in tʋmaha holihta puta moma ka ona tok: micha Chutah ya̱ im oka mahli pilla okla iʋt Bee‐sheba ont ʋhlichi tok.

Eksotʋs 23:23

Ʋm enchel ʋt chi tikba ia cha, Amolait, micha Hittait, micha Pelissait, micha Kananait, micha Hifait, micha Chebusait aiena aiasha ka̱ chisht onakma, ai ishit kanchi la hi oke.

Eksotʋs 23:31

Micha chim aiʋhli ya̱ okhʋta Humma ʋttʋt ia hosh Filistin im okhʋta ont ʋhli, micha chokushmi ʋttʋt ia hosh okhina ont ʋhli kak o̱, ʋhlichit apesa la hi oke; yakni ya̱ okla aiasha ka̱ chibbak fohki la chi̱ hoke; mikma chi tikba tihlelit ish kohcha hi oke.

Eksotʋs 3:17

Micha Echip aiilbʋsha ka̱ hʋchi kohchi lish, Kananait, micha Hittait, micha Amolait, micha Pelissait, micha Hifait, micha Chebusait aiena i̱ yakni, pishukchi, micha foebila a yana̱hanli yakni a̱ chishtona lashke, achi le tuk oke, achishke, ish im achashke.

Eksotʋs 34:11

Himak nitak a̱ chim apesa li ka̱ ish ithaiyanashke. Yakeh, Amolait, micha Kananait, micha Hittait, micha Pilissait, micha Hifait, micha Chibusait aiena ka̱ hʋchi tikba tihlelit kohcha wehli lishke.

Numbas 13:29

Amalekait ʋhleha hʋt oka mahli yakni ak o̱ aiashʋshke; mikma Hittait ʋhleha micha Chebusait ʋhleha, micha Amolait ʋhleha aiena kʋt nʋnih foka ak o̱ aiasha hoke; mikma Kenanait ʋhleha hʋt okhʋta bili̱ka micha Chatan aiʋhli aiena kak o̱ aiasha hoke, achi tok.

Numbas 34:6

Mihma hʋshi ai okatula ai ʋhli hokʋto okhʋta ak inli kak osh hʋchim ai ʋhla hi oke: ilʋppak osh hʋshi ai okʋtula hʋchim ai ʋhla hi oke.

Tutelonomi 1:7

Hʋsh fullota cha, itʋnowʋt a̱yʋt, Amolait okla i̱ nʋnih, micha bili̱ka taloha moma, yakni patali, micha nʋnih foka, micha okfa, micha okamahli, micha okhʋta lapalika aiena, Kananait okla i̱ yakni, micha Lebanon aiena ka̱ onʋt okhina chito Eufalates okhina ya̱ hʋsh onashke.

Tutelonomi 3:25

Chim asilhha lishke, ak hlopulli cha, yakni achukma yʋmmʋt Chatan mish tʋnnʋp talaia ka̱, nʋnih aiokli, micha Lebanon yʋmma ak pesá, achi li tuk.

Tutelonomi 4:49

Micha Chatan ola in tʋnnʋp hʋshi akochaka pilla yakni patali moma, okhʋta yakni patali Piskah kʋli puta nutaka ont ʋhli tok a̱ abinili tok.

Tutelonomi 7:1

Chin Chitokaka Chihowah yʋt ish a binila chi̱ hosh ish ia ka̱ yakni ya chishtona cha, oklushi laua, Hittait, micha Kikashait, micha Amolait micha Kananait, micha Pelisait, micha Hifait, micha Chebusait, oklushi untuklo hochito, micha kʋllo kʋt, chishno ya̱ chi̱ shahli ho̱ chi tikba ya akohchit kanchikmʋt;

Choshua 1:15

Yohmi na Chihowa ʋt afoha hʋch ima tok ʋt chohmichit hʋch itibapishi ʋhleha ha̱ afoha imashke; yohmi na yʋmmak kia yakni Chitokaka hʋchin Chihowa ʋt ima ka ishashke: yohmi hok mak o̱ falamʋt yakni hʋshi akochaka imma Chatan ola in tʋnnʋp talaia Moses, Chihowa in tishu hʋt hʋch ima tok a̱ ant hʋsh iesha hi oke, achi tok.

Choshua 1:4

Yakni haiaka ya̱ hikiʋt ia hosh Lebanon ilʋppa ona cha, okhina chito, okhina Euflates pit afullotʋt, Hitait i̱ yakni ʋt moyuma hosh, okhʋta chito hʋshi ai okatula imma itoyula ka ilʋppak o̱ ont hʋchim ai ʋhla hi oke.

Choshua 10:23

Mihma okla yʋmihchi tok; micha mi̱ko tahlapi, Chelusalem i̱ mi̱ko, Heblon i̱ mi̱ko, Chamulh i̱ mi̱ko, Lachish i̱ mi̱ko, micha Eklon i̱ mi̱ko aiena yʋmmak ash hichukbi a̱ a kohchit isht im ʋla tok.

Choshua 11:17

Sei pilla ia ka Halak nʋnih ha̱ ʋttʋt ia hosh, Lebanon okfa, Hemon nʋnih nuta Baal Kat ont ʋhli ka ishi tok: micha i̱ mi̱ko moma ka ishi cha, fahamʋt ʋbit tahli tok.

Choshua 13:5

Micha Kiblait ʋhleha i̱ yakni, micha hʋshi a kochaka imma Lebanon, Hemon nuta Baal‐kat a̱ ʋttʋt ia hosh Hamalh ont chukowa ka ont ʋhli hoke.

Choshua 15:12

Micha hʋshi ai okatula imma ai ʋhli ʋt okhʋta chito ya̱ ona cha, ontalaka a̱ya ka ai ʋhli tok: ilʋppak osh Chutah im ʋlla ʋhleha itakʋshkoa ʋlhpisa hosh im ai ʋhlit afullota tok oke.

Choshua 22:4

Atuk o̱ himak a̱ Chitokaka hʋchin Chihowa ʋt hʋchi itibapishi ʋhleha ha̱ im achi tok mak osh fohʋchishke: yʋmohmi hoka himak a falamʋt hʋchim ʋlbina aiyukali yakni hʋsh ishi tok Chatan mish‐tʋnnʋp Moses Chihowa in tishu hʋt hʋch ima tok a̱ hʋsh onashke.

Choshua 22:7

Atuk o̱ Manasseh ai unchololi iklʋna ka Bashan ak o̱ Moses ʋt yakni ai ima tok: amba iklʋna achʋfa kʋno Choshua ʋt Chatan ola in tʋnnʋp hʋshi ai okatula imma itibapishi takla yak o̱ ai ima tok. Micha yʋmmak kia Choshua ʋt im ʋlbina aiyukali pilla mʋt, yukpalit ai okpʋchi tok;

Choshua 23:4

Yakeh! hʋchim ishtatiaka puta i̱ yakni ya chi̱ ka, oklushi a̱sha moma puta ka nashoeli hosh hʋch itakʋshkolit, Chatan ʋttʋt a tʋptulit kanchi li tuk ʋt mominchit hʋshi ai okatula imma okhʋta chito ont ʋhli ka hʋch ima li tuk oke.

Choshua 24:11

Mihma Chatan a̱ hlopullit Cheliko ya̱ hʋsh la tok oke; mihma Cheliko okla Amolait ʋhleha, micha Pelissait ʋhleha, micha Kenanait ʋhleha, micha Hitait ʋhleha, micha Kikashait ʋhleha, micha Hifait ʋhleha, micha Chebusait ʋhleha aiena kʋt hʋchin tanampi tok; mihma hʋch ibbak fohki li tok oke.

Choshua 3:10

Mihmʋt Choshua ʋt Ilʋppa yakohmi kak o̱ Chihowa okcha̱ya yʋt hʋch ibatakla ahanta cha, nana ka ik ai onancho keyu hosh Kenanait ʋhleha micha Hitait ʋhleha, micha Pelesait ʋhleha micha Kikashait ʋhleha, micha Amolait ʋhleha, mikmʋt Chebusait ʋhleha aiena ka hʋchi tikba ya̱ tihlelit kocha wehla chi̱ ka isht hʋsh ithaiyana chi̱ hoke.

Choshua 3:17

Mihma na holitompa isht asha Chihowa nan it im apesa ʋt afoyuka itombi holitopa shoyuli hatuk ʋt Chatan iklʋna ya̱ kʋllot hieli na, Islael okla moyumʋt yakni shila ho̱ tanʋblit, okla moyumʋt Chatan a̱ ont hlopullit taha tok.

Choshua 5:1

Atuk o̱ yakohmi tok, Amolait okla i̱ mi̱ko ʋhleha Chatan hʋshi ai okatula imma aiasha tuk, micha Kenanait okla i̱ mi̱ko ʋhleha okhʋta lapalika ai asha tuk aiena kʋt, Chihowa ʋt Chatan oka ya̱ Islael im ʋlla ʋhleha itikba ya̱ a shilelit tahli na tanʋblit e taha tuk a̱ haklo mʋt, chu̱kʋsh ʋt bihinla tok; micha Islael im ʋlla ʋhleha hak a tok pulla mak o̱ himmakma hatak nana kia chilitʋt im anukfila kʋt iksho kamohmi tok.

Choshua 6:27

Yakohmit Chihowa ʋt Choshua ya̱ awant a̱ya tok: yohmi ho̱ yʋmma isht annoa kʋt yakni moma ka ai annoho̱wa tok.

Choshua 9:7

Mihma Islael hatak ʋhleha hʋt Hifait ʋhleha hash, Pi ta̱kla hʋsh a̱sha yoba hatuk a̱, yohmi hokmʋno katiohmi kak osh anumpa e hʋch it im apesa cho? im achi tok.