Choshua 8:8 - Chahta Holisso Holitopa 1886

⁸ Atukma yakohma chi̱ hoke, tʋmaha holihta ya̱ hʋsh ishikmʋt, Chihowa hʋt apihi̱sa tuk mak o̱ yʋmihchit luak isht hʋsh hukma chi̱ hoke: yakeh! hʋchim apesa lishke, achi tok.

Choshua 8:8 Iomraidhean Croise

2 Samuel 13:28

Mihma Absalom ʋt in tishu ʋhleha ha̱, yakohmi hʋsh ahni cha, Amnon chu̱kʋsh ʋt oka pa̱ki isht im achukmʋt tahakma, Amnon a oh ʋbí, hʋchim achi likma; yohmikma hʋsh bashke; hʋchi nukshopa ná, hʋchim apesa li tuk keyu cho? nukwia ikshot amosholit hʋsh chilitashke, im achi tok.

Choshua 1:16

Mihma okla afalamichit Choshua ash o̱, Nana ho̱ ish pi̱ miha ka moyuma e yʋmohma he bano hoke, micha kanima ho̱ pit ish pi tihlelikma, il ia he bano hoke.

Choshua 1:9

Ʋno ak osh chim apesa li tuk keyu cho? kʋllot chim anukfila cha, nukwia ikshot ish amosholashke: ik chi nukshopo kashke, micha chi chu̱kʋsh ik iello kashke: kanima ish a̱ya puta ka Chitokaka chin Chihowa ʋt chi awant a̱ya hoka, achi tok.

Nan Apesa 4:6

Mihma Abinoam ushi Balak a̱ pit hoyot Ketesh‐naftali ai isht ʋla mʋt, Islael in Chihowa Chitokaka yʋt apesa kʋt, Iʋt Tabo nʋnih ha̱ pit akanʋlli cha, Naftali im ʋlla ʋhleha, micha Sebulun im ʋlla ʋhleha aiena hatak tahlepa sipokni pokoli ho̱ i̱sht ish iashke,

Choshua 8:28

Mihma chiffo̱kot ai asha na bilia he mak o̱ Choshua ʋt Ai ya̱ hukmit kanchi tok: yohmi tok o̱ aiokpulokʋt kʋniʋt himak nitak a̱ ant ai ʋhlishke.

Choshua 6:24

Yohmi ma tʋmaha holihta, micha nana yʋmma anu̱kaka aiasha tuk aiena ka luak isht hukmi tok: amba tʋli hʋta, micha tʋli holisso lakna, mikmʋt tʋli, micha tʋli lakna aiena nan ai ʋlhpitta toba ak illa ho̱ Chihowa i̱ na holitopa ai asha chuka ya̱ pit apitta tok.

Tutelonomi 20:16

Amba okla ilʋppa in tʋmaha holihta puta chi̱ yakni ya chi̱ ka̱, chin Chitokaka Chihowah yʋt chima tok ano, nana hosh fiopa kʋt a̱shakma ish okchalincha he keyu hoke.

Choshua 8:2

Yohmi ka̱, Ai, mikmʋt i̱ mi̱ko Cheliko, mikmʋt i̱ mi̱ko aiena ka ish kaniohmichi tuk ʋt, yʋmmak inli ho̱ ish chohmicha chi̱ hoke: amba na wehpoa, micha wak aiena ak illa ak o̱ hʋchimmi ikbit hʋsh ishashke: tʋshka chipota ʋt im aiehcha chi̱ ka tʋmaha holihta im a̱shaka ya̱ ish ashachashke, im achi tok.

Choshua 8:7

Yohmikma tʋmaha holihta ya̱ im aiehchit hʋsh aiasha tuk ʋt, wakayʋt tʋmaha holihta ya̱ hʋsh ishashke; Chitokaka hʋchin Chihowa yʋt hʋch ibbak a̱ fohka chi̱ hoka.

Choshua 8:9

Yʋmohmi hatuk osh Choshua ʋt yʋmmak ash pit tihleli tok; yohmi na aiehcha chi̱ hosh okla hʋt Ai i̱ hʋshi ai okatula imma Behlel, Ai itintakla ak o̱ aiasha tok: amba Choshua ʋto ninak yʋmma okla hak o̱ iba binachi tok.

Choshua 8:22

Mihma inla yash osh tʋmaha holihta ya̱ a kohchʋt o̱ yihlepa tok; yohmi hatuk o̱ Islael okla ha̱ iklʋna ka yo̱ hieli tok; yohmi ka kaniohmi kʋt ilʋppa in tʋnʋp ashakma, anonti kaniohmi kʋt yʋmma in tʋnnʋp asha tok: yohmi hatuk osh issot kanchi tok; yohmi cha achʋfa kia okchalinchit ik hlakofecho ki tok.

Choshua 8:13

Yʋmohmi mʋt okla moyuma, tʋshka chipota ʋhleha tʋmaha holihta i̱ falʋmmi imma ai asha tuk, micha aiehchi tʋmaha holihta i̱ hʋshi ai okatula imma aiasha tuk aiena ka achukmalit kahpuli na im ʋlhtaha ma, Choshua ʋt ninak yʋmma okfa hash iklʋna ya̱ ona tok.