Choshua 8:5 - Chahta Holisso Holitopa 1886

⁵ Yohmikma ʋno, micha okla si apehʋt a̱ya tuk il aiena kʋt tʋmaha holihta ya̱ atikonofʋt e maha̱ya chi̱ hoke; atukma yakohma chi̱ hoke, ʋmmona tuk a̱ chohmit, okla pi afamʋt mintikma, il i̱ yihlepa chi̱ hoke.

Choshua 8:5 Iomraidhean Croise

Choshua 7:5

Mihma Ai okla hash osh pokoli tuchina akucha hannali foka ho̱ ai ʋbi tok: holihta okhissa itikba a hliolit isht ia mʋt, Shebalim a̱ isht ona hatuk osh takla ya̱ okʋtahʋt ia ka ai issot kanchi tok: yohmi hatuk o̱ okla chu̱kʋsh ʋt bilʋt oka yo̱ chiyuhmi tok.

Mahlu 10:16

Inta! chukfʋlhpoba yo̱ chohmichi hosh nashoba itintakla pit tihleli lishke; yohmi hoka kostini kʋt sinti ak o̱ hʋsh chiyuhmi cha, nuktaiyala mʋt pʋchi‐yoshuba ak o̱ hʋsh itilauashke.

Choshua 8:6

(Kohchʋt piaka̱ya chi̱ hoka) i̱ yihlepʋt ma̱ha̱yʋt tʋmaha holihta ya̱ e kohchicha chi̱ hoke; Ʋmmona ak inli tuk a̱ chohmit, pi̱ yihlepʋshke, acha chi̱ hoka: yohmi hatuk o̱ il i̱ yihlepa chi̱ hoke.