Choshua 8:4 - Chahta Holisso Holitopa 1886

⁴ Yohmi mʋt nan i̱ mihʋt, Yakeh! tʋmaha holihta ya̱ im aiehchit, tʋmaha holihta im a̱shaka i̱ hopaki keyu ho̱, moyumʋt hʋchim ʋlhtahʋt hʋsh aiashashke.

Choshua 8:4 Iomraidhean Croise

2 Mi̱ko 7:12

Mihma mi̱ko ʋt ninak a̱ wakaya cha, in tishu ʋhleha ha̱, Silia okla hʋt nana hʋpi kaniohmichi tuk a̱ hʋchim anoli lashke, hʋchim asilhha lishke, pi hohchʋfo ka okla ithana hoke; yohmi hatuk osh, Tʋmaha ha̱ okla kohchakma, okcha̱ya moma na e hokli cha, tʋmaha ha̱ e chukowashke, achi hosh i̱ binah ha̱ okla kohchʋt yakni haiaka ya̱ luma hoke, in achi tok.

Apostel isht Anumpa 23:21

Yohmi kia chishno ʋto ʋlhpesa, chik im ahno kashke; yʋmmak okʋt hatak pokoli ushta ka atampa hosh, yʋmma im aiechi kʋt ai asha hosh, yʋmmʋt anumpa kʋllo ya̱ isht il onochit, yʋmma okla ik bokmʋt nana kia ʋpʋt, ishkot ik ma̱yo ka chi̱, isht il apesa tuk oke; yohmi hatuk osh himak a̱ im ʋlhtahʋt, anumpa falama ka auet chim a hoyot ma̱ya hoke; achi tok.

Choshua 8:16

Mihma okla moyuma Ai aiasha tuk ʋt itʋnaha cha, yʋmma okla pit ahliyuha tok: yohmit Choshua ya̱ ahliyuha hosh tʋmaha holihta ya̱ akocha wiha tok.

Choshua 8:3

Yohmi ho̱ Choshua, micha hatak tʋnʋp a̱ya ʋhleha moma kʋt Ai ya̱ in tanampit ia tok: mihma Choshua ʋt hatak tʋnʋp a̱ya hlampko hochukma chilitʋt nukwia iksho tahlepa sipokni pokoli tuchina ho̱ atokolit ninak o̱ tihleli tok.

Nan Apesa 20:29

Mihma Islael ʋt im aiehchi ya̱ Kibeah apakfoblit ashachi tok.

Nan Apesa 20:33

Mihma Islael hatak moma kʋt aiasha tuk ʋt wakayʋt ia mʋt, Baal‐tama yak o̱ achukmʋt hiohlit, mikma im aiehchi Islael Kibeah oktak aiasha tuk ʋt akohcha tok.

Nan Apesa 20:36

Yohmi ma Benchamin im ʋlla ʋhleha hʋt ilap ak o̱ imaiya ka pisa tok: Islael hatak ʋhleha hʋt im aiehchi Kibeah bili̱ka okla ashachi tuk ak osh anukchieto hatuk osh Benchamin a̱ i̱ kanʋlli tok oke.

Nan Apesa 9:25

Mihma Shechem hatak ʋhleha hʋt im aiehchi hatak a̱ nʋnih paknaka ashachi na yʋmma pilla ka kʋna hosh a̱yakma, moma okla wehpuli tok: atuk o̱ Abimilech ʋt im annoa tok.

Nan Apesa 9:32

Yohmi ka inta! ninak a̱ wakaya cha, chishno, micha okla chi apehʋt aiasha aiena kʋt, micha osapa yak o̱ hʋsh im aiehchashke.

1 Samuel 15:2

Ʋba nan oklu̱ha il aieshi Chihowa ʋt, Amalek ʋt Islael a̱ kaniohmichi tok, Echip a̱ kohchʋt minti ma, hina takla im aiehchi tok a̱ ithaiyana lishke.

1 Samuel 15:5

Micha Sal ʋt Amalek in tʋmaha holihta ya̱ ona cha, okfa ha̱ im aiehchi tok.