Choshua 8:3 - Chahta Holisso Holitopa 1886

³ Yohmi ho̱ Choshua, micha hatak tʋnʋp a̱ya ʋhleha moma kʋt Ai ya̱ in tanampit ia tok: mihma Choshua ʋt hatak tʋnʋp a̱ya hlampko hochukma chilitʋt nukwia iksho tahlepa sipokni pokoli tuchina ho̱ atokolit ninak o̱ tihleli tok.

Choshua 8:3 Iomraidhean Croise

Eksotʋs 17:9

Mihma Moses ʋt Choshua ya, Hatak a̱ ish atokoli cha, kohchʋt iʋt Amalek a̱ ish itibashke; onnakma Chihowah in tʋbi ya̱ ieshi lish nʋnih paknaka ya̱ hikia la chi̱ hoke, im achi tok.

Mahlu 24:39

Yohmi ma ik ithano hosh okla aiasha na oka falama yʋt ʋla cha, mominchit ishit kaiyanchi tok a̱, Hatak Ushi ʋt mihinti kak kia yʋmmak inli ho̱ chiyuhma hi oke.

Mahlu 24:50

Tishu yʋmma i̱ shahli hatuk ʋt, yʋmmak ash osh ʋla chi̱ ik ahno nitak, mikmʋt ik akostinincho i̱ hʋshi kanʋlli ʋlhpisa ho̱ ʋla hi oke.

Mahlu 25:6

Atuk o̱ ninak ont iklʋnna ma tahpahanla kʋt, Inta! hatak himona ohoyo itauwaya chin tuk ash osh mintishke, iʋt ont oh afamá, achi tok.

1 Hlessalonian 5:2

Chitokaka i̱ nitak ʋt hu̱kopa yosh ninak o̱ a̱ya ho̱ chohmit ʋla hi okʋno, hʋchishno ak inli kʋt hʋsh ithana fehna hoka.

Choshua 10:7

Yohmi ma Choshua, micha hatak tʋnʋp a̱ya puta, micha hatak hlampko hochukma chilitʋt nukwia iksho puta aiena kʋt Kilkal a̱ ashʋt ia tok.

Choshua 8:2

Yohmi ka̱, Ai, mikmʋt i̱ mi̱ko Cheliko, mikmʋt i̱ mi̱ko aiena ka ish kaniohmichi tuk ʋt, yʋmmak inli ho̱ ish chohmicha chi̱ hoke: amba na wehpoa, micha wak aiena ak illa ak o̱ hʋchimmi ikbit hʋsh ishashke: tʋshka chipota ʋt im aiehcha chi̱ ka tʋmaha holihta im a̱shaka ya̱ ish ashachashke, im achi tok.

Choshua 8:4

Yohmi mʋt nan i̱ mihʋt, Yakeh! tʋmaha holihta ya̱ im aiehchit, tʋmaha holihta im a̱shaka i̱ hopaki keyu ho̱, moyumʋt hʋchim ʋlhtahʋt hʋsh aiashashke.

2 Pita 3:10

Yohmi kia Chitokaka i̱ nitak okʋt, ninak anu̱kaka yo̱ na hu̱kopa yʋt a̱ya chatuk mak o̱, chiyuhmit ʋla hi oke; yʋmohmikma shutik moma kʋt nan ola chinto ho̱ isht ai okpulot ont ai iksho ka he, mikma fochik moma kʋt luak lʋshpa fehna ho̱ isht a luʋt bihinlakma, yakni, micha nan oklu̱ha ai ʋlhtaiyaha puta tuk ʋt luʋt taiyaha hi oke.

Nan Apesa 9:32

Yohmi ka inta! ninak a̱ wakaya cha, chishno, micha okla chi apehʋt aiasha aiena kʋt, micha osapa yak o̱ hʋsh im aiehchashke.