Choshua 8:2 - Chahta Holisso Holitopa 1886

² Yohmi ka̱, Ai, mikmʋt i̱ mi̱ko Cheliko, mikmʋt i̱ mi̱ko aiena ka ish kaniohmichi tuk ʋt, yʋmmak inli ho̱ ish chohmicha chi̱ hoke: amba na wehpoa, micha wak aiena ak illa ak o̱ hʋchimmi ikbit hʋsh ishashke: tʋshka chipota ʋt im aiehcha chi̱ ka tʋmaha holihta im a̱shaka ya̱ ish ashachashke, im achi tok.

Choshua 8:2 Iomraidhean Croise

Atʋloa 39:6

Hʋttak ʋt pe ʋhobah illa hosh ittʋno̱ho̱wa hoke; pe nan ik ʋhobo yo̱ oklah nan isht ʋtaklʋma hoke; nan ittʋhobbi hoh kia, kʋna hosh isha hi a̱ ithana he keyu hoke.

Tutelonomi 2:35

Peh nan ʋlhpoa ak illa ho̱, na wehpoa il il aieshi tok; micha tʋmaha holihta il ishi ha tuk a̱ na wehpoa aiena ak a tok.

Tutelonomi 20:14

Amba ohoyo micha ʋlla, micha nan ʋlhpoba, micha nana hosh tʋmaha holihta ya̱ aiasha kʋt moma, na wehpoa puta moma fehna ka̱ ish isha hi oke; chin tʋnʋp ʋhleha i̱ na wehpoa yʋmmak oka chin Chitokaka Chihowah yʋt chima tuk oka, ish ai ʋpa hi oke.

Tutelonomi 3:2

Mihma Chihowah yʋt, Ish i̱ nukshopa na, yʋmma micha im okla moma, micha i̱ yakni ya̱ chibbak fohki la chi̱ hoke; mikma Amolait ʋhleha, yʋmmʋt Heshbon aiasha tuk i̱ mi̱ko Sihon a̱ ish yʋmihchi tuk ʋt ish chohmicha chi̱ hoke, ʋm achi tok.

Choshua 10:1

Atuk o̱ yakohmi tok, Choshua ʋt Ai ya̱ ishi cha, okpʋnit ʋmohmichi tuk ʋt Cheliko, micha i̱ mi̱ko ya̱ kaniohmichi tuk ʋt, chohmichit Ai, micha i̱ mi̱ko ya̱ yʋmihchi tuk: micha Kibeon okla hʋt Islael a̱ it i̱ nanaiya cha, ibʋlhto ho̱, Chelusalem i̱ mi̱ko Atoni‐setek ʋt haklo mʋt;

Choshua 10:28

Yohmi ma nitak yʋmma Choshua ʋt Makketah ya̱ ishi cha, bʋshpo falaia halupa isht issot kanchi tok: micha mi̱ko ya̱ mosholichit ʋmohmichi mʋt, yʋmma, micha shilombish yʋmma aiasha tuk aieninchi tok; achʋfa kia ik hlakofecho ki tok: micha Cheliko i̱ mi̱ko ya̱ yʋmihchi tuk a̱ chohmichit Makketah i̱ mi̱ko ya̱ yʋmihchi tok.

Choshua 11:14

Micha tʋmaha holihta ilʋppa puta ka na wehpoa moma, micha wak aiena kʋno Islael im ʋlla ʋhleha hʋt immi ha chi̱ hosh ishi tok: amba hatak puta kʋno, bʋshpo falaia halupa isht issot ont kanchi cha, fiopa chi̱ ka achʋfa kia okla ik hlakofecho tok.

Choshua 6:21

Mihmʋt nana moyuma tʋmaha holihta aiasha tuk, nakni, micha ohoyo moma, himithowa, micha sipokni moma, mikmʋt wak, micha chukfi, mikmʋt issuba haksobish falaia aiena moma ka bʋshpo falaia halupa yo̱ isht okpʋnit okla kaiyanchi tok.

Choshua 8:12

Yʋmohmi mʋt hatak tahlepa sipokni tahlapi foka ho̱ ishi cha, aiehcha chi̱ ka Behlel, Ai itintakla tʋmaha holihta ya̱ i̱ hʋshi ai okatula imma ho̱ ont ashachi tok.

Choshua 8:14

Atuk o̱ yakohmi tok, Ai i̱ mi̱ko ʋt yʋmma pisa mʋt, tushpʋt onnahinli fehna okla tani cha, tʋmaha holihta yʋmma hatak ʋhleha hʋt Islael itiba chi̱ hosh yʋmma, micha okla moyuma aiena kʋt hʋshí kanʋlli ʋlhpisa ont ai ʋlhpesa tukma, okfa hash itikba ai ona tok: yohmi kia tʋmaha holihta im ashaka ya̱ im aiehchi hosh aiasha ka, ik akostinincho hatok.

Choshua 8:19

Yohmi ma im aiehchit aiasha tuk ʋt chekosi fehna kocha wihʋt, ibbak a̱ ʋba weli mak inli ho̱, yihlepʋt tʋmaha holihta ya̱ ont chukowʋt, ishi tok; micha tu̱shpʋt tʋmaha holihta yash hukmi tok.

Choshua 8:24

Atuk o̱ yakohmi tok, Islael okla hʋt Ai okla ha̱, osapa, yakni haiaka aiena ai ahliyuhʋt isht a̱yʋt, yʋmma okla ai ʋbit tahli tok: yʋmmak ash osh bʋshpo falaia halupa ya̱ onʋtohonlʋt, momʋt illit taiyaha ma, Islael okla hash osh momʋt falamʋt Ai ya̱ ona cha, bʋshpo falaia halupa isht issot kanchi tok.

Choshua 8:3

Yohmi ho̱ Choshua, micha hatak tʋnʋp a̱ya ʋhleha moma kʋt Ai ya̱ in tanampit ia tok: mihma Choshua ʋt hatak tʋnʋp a̱ya hlampko hochukma chilitʋt nukwia iksho tahlepa sipokni pokoli tuchina ho̱ atokolit ninak o̱ tihleli tok.

Choshua 8:7

Yohmikma tʋmaha holihta ya̱ im aiehchit hʋsh aiasha tuk ʋt, wakayʋt tʋmaha holihta ya̱ hʋsh ishashke; Chitokaka hʋchin Chihowa yʋt hʋch ibbak a̱ fohka chi̱ hoka.

Choshua 8:8

Atukma yakohma chi̱ hoke, tʋmaha holihta ya̱ hʋsh ishikmʋt, Chihowa hʋt apihi̱sa tuk mak o̱ yʋmihchit luak isht hʋsh hukma chi̱ hoke: yakeh! hʋchim apesa lishke, achi tok.

Choshua 8:9

Yʋmohmi hatuk osh Choshua ʋt yʋmmak ash pit tihleli tok; yohmi na aiehcha chi̱ hosh okla hʋt Ai i̱ hʋshi ai okatula imma Behlel, Ai itintakla ak o̱ aiasha tok: amba Choshua ʋto ninak yʋmma okla hak o̱ iba binachi tok.

Choshua 9:3

Atuk o̱ Kibeon aiasha ʋt, Choshua ʋt Cheliko, micha Ai ita tuklo ka kaniohmichi tuk a̱ haklo mʋt,