Choshua 8:1 - Chahta Holisso Holitopa 1886

¹ Yʋmohmi ma Chihowa ʋt, Choshua ya̱, Ik chi nukshopashke, micha chi chu̱kʋsh ik iello kashke; hatak tʋnʋp a̱ya ʋhleha ha̱ moma il ai eshit, wakayʋt, Ai ya̱ ish iashke: yakeh! i̱ mi̱ko, mikmʋt im okla ʋhleha, micha in tʋmaha holihta, mikmʋt i̱ yakni aiena ka chibbak a̱ fohki li hoke.

Choshua 8:1 Iomraidhean Croise

Atʋloa 27:1

Chihowa hak osh a̱ tohwikelika micha ʋm ai okcha̱ya yoke; kʋta ho̱ i̱ sʋ nukshopa hinlah choh? Chihowa hʋt ʋm ilhfiopak i̱ hulihta kʋllo yoke; kʋta ho̱ i̱ sʋ komuta hinlah choh?

Atʋloa 44:3

Yakni ya̱ ilap i̱ bʋshpo fʋlaya yak o̱ isht ʋsittʋbit ishi tok keyu hoka̱, micha ilap shakba yak inli hosh im aiyʋchi tok keyu hoke; amba chibbak ishtimpakimma, chish shakba, micha chi nʋsshuka tohwikeli aiena kak ʋttok oke; ish i̱ kana hʋttok okʋt.

Atʋloa 46:11

Nan u̱ha i̱ Chihowa yosh pibafoiyukka hoke; Chekob i̱ Chitokaka yak osh pim ahlʋkuffi chaha yoke. [Yukopa.

Mahlu 8:26

Mihma yʋmmak ash o̱, Na‐yimmi fehna keyu hʋchia ma! na katihmi ho̱ hʋchi nukshopa cho? im achi tok. Micha tani mʋt, mahli mikmʋt okhʋta aiena kash im alʋmmi tok; mihma yokopa ai a̱hlit talaia tok.

Tutelonomi 1:21

Yakeh, Chin Chitokaka Chihowah yʋt yakni yash chi tikba talalishke: hʋchi̱ke ʋhleha in Chitokaka Chihowah yʋt chim achi tuk mak o̱, iʋt ishi: chi nukshopa na, micha chi chu̱kʋsh ʋt ik ello kashke, chim achi li tok.

Tutelonomi 31:8

Mikma Chihowah yʋmmak osh chi tikba ia hoke, yʋmmak osh chiba foyuka chi̱ hoke; ik chim ai a̱hlo ka he keyu, micha chi kancha he keyu hoka; ik chi nukshopo kashke, micha ik chi nukhlakancho kashke, im achi tok,

Tutelonomi 7:18

Ish i̱ nukshopa he keyu hoke; amba chin Chitokaka Chihowah yʋt Falaoh, micha Echip moma ka̱ i̱ kaniohmichi tok a̱ ish ithaiyana fehna chi̱ hoke;

Tutelonomi 7:21

Ish i̱ nukshopa he keyu: chin Chitokaka Chihowah yʋt Chitokaka kʋllo, micha palʋmmi hosh hʋchi takla ahanta hoka.

Choshua 1:9

Ʋno ak osh chim apesa li tuk keyu cho? kʋllot chim anukfila cha, nukwia ikshot ish amosholashke: ik chi nukshopo kashke, micha chi chu̱kʋsh ik iello kashke: kanima ish a̱ya puta ka Chitokaka chin Chihowa ʋt chi awant a̱ya hoka, achi tok.

Choshua 10:7

Yohmi ma Choshua, micha hatak tʋnʋp a̱ya puta, micha hatak hlampko hochukma chilitʋt nukwia iksho puta aiena kʋt Kilkal a̱ ashʋt ia tok.

Choshua 10:8

Mihma Chihowa ʋt Choshua ya̱ Ish i̱ nukshopa ná: chibbak a̱ fohki li mak oka; hatak achʋfa kia chi tikba ya̱ hikia he keyu hoke, im achi tok.

Choshua 2:24

Mihmʋt yʋmmak ash osh Choshua ya̱, Chihowa ʋt yakni moma pibbak a̱ fohki tuk pullʋshke: pishno ak atuk pulla mak o̱ yakni yʋmma ai asha kʋt momʋt bihinla chiyuhmi hoka, im achi tok.

Choshua 6:2

Yohmi ho̱ Chihowa ʋt Choshua ya̱, Cheliko, micha yʋmma i̱ mi̱ko, mikmʋt tʋshka hlampko hochukma, chilitʋt nukwia iksho ʋhleha aiena ka moma chibbak a̱ fohki li ka ish pisashke, im achi tok.

Choshua 7:9

Kenanait ʋhleha, micha yakni ilʋppa hatak aiasha moma kʋt hakla chi̱ hoke; yohmi cha pi afolublit, pi̱ hohchifo ha̱ yakni paknaka ilʋppa a tʋblit kancha chi̱ hoke: yohmikma chi̱ hohchifo chinto ka nanta ho̱ ish i̱ katiohmicha chi̱ cho? achi tok.