Choshua 7:9 - Chahta Holisso Holitopa 1886

⁹ Kenanait ʋhleha, micha yakni ilʋppa hatak aiasha moma kʋt hakla chi̱ hoke; yohmi cha pi afolublit, pi̱ hohchifo ha̱ yakni paknaka ilʋppa a tʋblit kancha chi̱ hoke: yohmikma chi̱ hohchifo chinto ka nanta ho̱ ish i̱ katiohmicha chi̱ cho? achi tok.

Choshua 7:9 Iomraidhean Croise

Atʋloa 115:1

Nan isht ish i̱ hullo pulla kak o̱, chim ʋnnumpah a̱hli pulla kak o̱, pishno ak keyuh, Chihowa ma, pishno ak keyuh, amba chi hohchifo hak o̱ ish hulittoblashke.

Atʋloa 48:10

Chitokaka ma, chi hohchifo hak inli ho̱ chiyuhmit, chi hulittoblichi kʋt yakni ont ʋlhi putta ka̱ onʋshke; chim ishtimpakimma yʋt ai ʋlhpiesa yosh ʋlota hoke.

Atʋloa 79:9

Chitokaka il ai okcha̱ya ma, chi hohchifo hulittopa pulla hatuk mak o̱, ish pi ʋpelʋchashke; mikmʋt chi hohchifo hatuk pullah mak o̱ ish pi kohchi cha, il aiʋsshʋchika putta ka̱ ish pi̱ kʋshuffashke.

Atʋloa 83:4

“Intah! oklushi hieli tuk a̱ isht e kanchi na, kʋna hosh Islael hohchifo ha̱ himakma̱ ik ithano kashke,” oklah achishke.

Atʋloa 83:5

Chu̱kʋsh ittibaiachʋffʋt isht ittim ʋnumpuli hoka̱: chim asʋnalit oklah nan ittim ʋpesa kʋt,

Eksotʋs 32:12

Nanta katiohmi̱ ho̱ Echip okla hʋt nan ik achukmo yʋmihchit nʋnih fohka ai ʋbit tahlit yakni paknaka ai ishit kanchit mosholicha chi̱ hosh pehlichit kohcha tuk oke, acha chi̱ cho? chim ai i̱ nukkilli libbi kʋt ish shanaiya cha, nan ik achukmo chim okla i̱ sanali ilʋppa ish issashke.

Numbas 14:13

Mihma Moses ʋt Chihowah ya̱, Yohmikma Echip okla hʋt hakla chi̱ hoke (nan isht chim ai a̱hli pulla hosh okla ilʋppa im ai iti takla ya̱ akohchit isht ishla tuk oka;)

Chan 12:28

Chi̱ hohchifo ha̱ ish holitoblichashke, A̱ki ma! achi tok. Yohma ma ʋba ya̱ auet ai anumpa kʋt, Yʋmmak oka holitoblichi li tuk osh, anonti himmakma holitoblichi la chi̱ akinli hoke, achi tok.

Tutelonomi 9:28

Yʋmohmikma yakni apehlichit ish pi kohchi tok ʋt, Chihowah yʋt yakni im issa tok ʋt isht ona he keyu ha tuk osh, micha i̱ nukkilli ha tuk osh, yakni haiaka ai ʋbit tahla chi̱ hosh pehlichit kohcha tuk oke, achi yoba na.

Choshua 7:10

Mihma Chihowa yʋt Choshua ya̱, Ish tanashke; nanta katiohmi ho̱ yakohmit ish hlipia cho?

Choshua 7:8

Chihowa ma! Islael okla hʋt in tʋnʋp ʋhleha ha̱ nʋli ak o̱ i̱ filihi̱mi ka, nanta hak o̱ miha la chi̱ cho?

1 Samuel 12:22

Chihowa ʋt ilap hohchifo holitopa ak atuk pulla kak o̱ im okla ha̱ kancha he keyu: Chihowa ʋt ʋlhpesa ahni pulla cha, im okla hʋch ikbi tuk okʋt,