Choshua 7:7 - Chahta Holisso Holitopa 1886

⁷ Mihmʋt Choshua ash osh, Ikikkeh! Chitokaka Chihowa ma! nanta katiohmi ho̱ Amolait ʋhleha ibbak a̱ ish pi fohki na pi mosholicha chi̱ ka, okla ilʋppa Chatan a̱ ant ish pi tanʋblichi tuk oh cho? pim ʋlhpesa cha, Chatan mishtʋnʋp mak inli ho̱ il ai asha hatuk okbano!

Choshua 7:7 Iomraidhean Croise

2 Mi̱ko 3:10

Mihma Islael i̱ mi̱ko ʋt, Ikikkeh! Moab ibbak a̱, fohka chi̱ hosh, Chihowa yʋt mi̱ko tuchina ilʋppa hoyot itʋnahli tuk oka, achi tok.

Atʋloa 116:11

“Ʋno ʋt sʋ kummuntah mʋt, ‘Hʋttak moma kʋt hulabi yoke,’ achi li tok oke.”

Eksotʋs 16:3

Micha Islael im ʋlla ʋhleha hʋt, Chitokaka yʋt ahni na, Echip yakni ya̱ Chihowah ibbak ishit pilli tuk bano, nipi shuti yo̱ il a chieya, micha pʋska ʋpʋt pi kaiya ma, yakni haiaka ilʋppa pisht hʋshla, okla ilʋppa moma ho̱ hohchʋfo isht ʋbit hʋsh tahla chi̱ hoka, im achi tok.

Eksotʋs 17:3

Mihma okla hʋt yʋmma oka bʋnna tok; micha okla hʋt Moses a̱ na mihachit, Katiohmi ho̱ ilʋppa yʋmohmit pehlichit Echip a̱ ish pi kohchi cha, pim ʋlla ʋhleha, micha pi̱ nanʋlhpoa aiena ka̱ oka bʋnnʋchit ʋbit ish pi tahla chi̱ cho? achi tok.

Numbas 14:16

Chihowah yʋt yakni ya̱ ima he mihʋt anumpa kʋllo il onochi tuk ʋt pehlichit ishit chukowa he tuk ʋt, nanihma he keyu hatuk osh, yakni haiaka ai ʋbit tahlishke, acha hi oke.

Numbas 14:3

Nanta katiohmi ho̱ bʋshpo falaia ishit pi akakoha na, pi tekchi micha pim ʋlla aiena kʋt nawehpoa toba chi̱ ka̱, Chihowah yʋt pi pehlichit yakni ilʋppa pishit ʋla tuk oh cho? Echip yakni falamʋt il ona ka̱ achukma kʋt pim i̱ shahla hinla keyu cho? ahanchi tok.

Mahlu 17:17

Mihma Chisʋs ʋt afalaminchi mʋt, Na yimmi iksho, micha na shanaiya fehna okla hʋchia ma! hʋchi ta̱kla ahanta li̱ katiohmi foka chi̱ cho? nana ka isht ak hʋchi ahno ho̱ katiohmi foka chi̱ cho? Ilʋppak o̱ isht hʋs sʋm ʋlashke, achi tok.

Mahlu 17:20

Mihma Chisʋs ʋt, Nan ik hʋchi yimmo kak atuk oka; a̱hli mak o̱ hʋchim achi lishke: Na yimmi kʋt mʋstʋt nihi achʋfa yak o̱ chohmi hosh hʋchi nukfo̱ka hatuk okmʋt, nʋnih chaha ilʋppa, Ilʋppak atuk ma a kanʋllit yʋmmak o̱ ish onashke, hʋsh im achi hoka, yʋmmʋt kanʋlla hinla hoke: mikma nana hosh hʋchi̱ na fehna hi ʋt iksho ka hinla hoke.

Heblu 12:5

Micha isht a nuktʋla he anumpa hʋt hʋchim anumpuli kʋt ʋlla yo̱ chohmichit, Sʋso ma! Chitokaka i̱ nan isht kostininchi ya̱ chik ahobalo ki ná; micha yʋmmʋt chi kostininchikma, ʋm ai a̱hla he keyu, chik ai ahno kashke, achi ka chimi haksi tok o̱?

Choshua 7:6

Mihma Choshua ʋt i̱ nafohka ya̱ ita hlilʋffi cha, aka pit itulʋt Chihowa im itombi holitopa itikba ya̱ ilap, micha Islael okla im asʋnonchi ʋhleha aiena kʋt hlipkʋchit ma̱ya na opia tok: mihmʋt noshkobo ha̱ lukfi pushi okla o̱ fohopli tok.

Choshua 7:8

Chihowa ma! Islael okla hʋt in tʋnʋp ʋhleha ha̱ nʋli ak o̱ i̱ filihi̱mi ka, nanta hak o̱ miha la chi̱ cho?

Nan Apesa 20:23

(Mihma Islael im ʋlla ʋhleha hʋt Chihowa itikba ona cha, yaha̱ya na ont opia mʋt, Chihowa im anukfila im asilhhʋt, Anonti ia lish, itibapishi li Benchamin im ʋlla ʋhleha ha̱ itibi la chi̱ cho? achi tok. Mihma Chihowa yʋt, Itibit hʋsh iashke, achi tok.)

1 Samuel 4:3

Mihma okla hʋt falamʋt im ʋlbina ha̱ ona ma, Islael hatak im asʋnonchi ʋhleha hʋt, Katiohmi ho̱ Chihowa ʋt himak nitak a̱ Filistin okla itikba ya̱ issot pi akakohlichi cho? Chihowa nan it im apesa afoyuka itombi holitopa ya̱ Shiloh ya̱ ont ai isht iloh ʋlashke, yohmi na pititakla ʋlakmʋt, pin tʋnʋp ibbak a̱ kohchit pi hlakofichashke, achi tok.