Choshua 7:6 - Chahta Holisso Holitopa 1886

⁶ Mihma Choshua ʋt i̱ nafohka ya̱ ita hlilʋffi cha, aka pit itulʋt Chihowa im itombi holitopa itikba ya̱ ilap, micha Islael okla im asʋnonchi ʋhleha aiena kʋt hlipkʋchit ma̱ya na opia tok: mihmʋt noshkobo ha̱ lukfi pushi okla o̱ fohopli tok.

Choshua 7:6 Iomraidhean Croise

Genesis 37:29

Atuk o̱ Luben ʋt falamʋt hichukbi ya̱ ona tok: mihma yakeh, Chosef ʋt hichukbi ya̱ iksho tok: mihma i̱ nafohka ya̱ hlilʋffi tok.

Genesis 37:34

Mihmʋt Chekob ʋt i̱ nafohka ya̱ hlilʋffi cha, na hishi tʋnna isht ʋskofʋchi mʋt, nitak laua ho̱ ushi ya̱ ishit ya̱ha̱ya tok.

2 Samuel 1:11

Yohmi ma Lewi ʋt i̱ nafohka ya̱ halʋllit hlilʋffi tok; mihma hatak apehʋt aiasha tuk kak kia moma kʋt yʋmihchi tok.

2 Samuel 1:12

Mihmʋt Sal, micha ushi Chonahlan, mikma Chihowa im okla ʋhleha, micha Islael in chuka achʋfa aiena ka bʋshpo falaia isht akakoha pulla kak o̱ ishit nukha̱klot yaiyʋt, ik impo hosh okla anta na opia tok.

2 Samuel 1:2

Micha nitak ont atuchina ho̱ yakohmi tok, yakeh! hatak ʋt Sal im ʋlbina ha̱ akohchʋt minti hosh, i̱ nafohka hʋt hlilafa cha, lukfi pushi ʋt noshkobo onʋtoyula hosh ʋla tok: atuk osh Lewi ya̱ im ʋla mʋt, yakohmi tok, aka pit hlipia cha, aiokpʋchi tok.

2 Samuel 12:16

Yʋmohmi hatuk o̱ Lewi ʋt ʋlla ya̱ Chitokaka isht im asilhha tok: micha Lewi ʋt ik impo hosh ont chukowʋt aka itoyula na ninak ʋt ont onna tok.

2 Samuel 13:19

Mihma Tama ʋt hituk chubbi ya̱ noshkobo ha̱ o̱ ashachi cha, i̱ nafohka pisa ilaiyukali fohka tuk ʋt hlilʋffi mʋt, ibbak a̱ noshkobo onochi cha, yaha̱yʋt ia tok.

2 Samuel 13:31

Mihma mi̱ko ʋt wakaya cha, i̱ nafohka ya̱ hlilʋffi mʋt, aka itoyula tok: mihma in tishu ʋhleha moma kʋt i̱ nafohka hlilafa yosh afolublit hieli tok.

2 Mi̱ko 22:11

Atuk o̱ yakohmi tok, mi̱ko ʋt nan ʋlhpisa holisso hash im anumpa ha̱ haklo mʋt, i̱ nafohka ya̱ hlilʋffi tok.

Numbas 14:6

Mihma Nʋn ushi Choshua micha Chifʋnneh ushi Kaleb ita tuklo yʋmmʋt yakni yash ahopo̱koyo aiena tuk osh i̱ nafohka ya̱ hlilʋffi tok.

Numbas 16:22

Mihma nashuka ishit hlipkaiyachi cha Chitokaka ma! Nipi moma imi shilombish in Chitokaka ma! hatak achʋfa hosh yoshoba na okla moma ka̱ ish i̱ nukkilla chi̱ cho? achi tok.

Numbas 16:45

Okla moma ilʋppa wakayʋt ish i̱ filʋmmashke mikma yakosi iti takla chohmi ho̱ ʋbit lushummi lashke, achi tok. Mihma nashuka ya̱ aka ishit hlipkaiyachi tok,

Apostel isht Anumpa 14:14

Mihma ʋbanumpeshi ʋhleha Banabas, micha Pal ita tuklo kʋt haklo mʋt, im ilefohka ya̱ ita hlilʋffit, okla mʋt pit tihlaiyʋt okla ha̱ iba chukowa cha, tahpʋlʋt,

Choshua 7:7

Mihmʋt Choshua ash osh, Ikikkeh! Chitokaka Chihowa ma! nanta katiohmi ho̱ Amolait ʋhleha ibbak a̱ ish pi fohki na pi mosholicha chi̱ ka, okla ilʋppa Chatan a̱ ant ish pi tanʋblichi tuk oh cho? pim ʋlhpesa cha, Chatan mishtʋnʋp mak inli ho̱ il ai asha hatuk okbano!

Nan Otʋni 18:19

Mihmʋt hituk chubbi okla ishit noshkobo il o̱ fohopli mʋt, tahpʋlʋt, nishkin okchi mihintit yaha̱ya hosh Ikikkeh! ikikkeh! tʋmaha chito yʋmmak amo! yʋmmʋt nan isht il ahayuchit, nan isht shema ai ʋlli hochito puta ka chumpa hatuk mak o̱, okhʋta pakna peni im a takohli ma̱ya moma kʋt nan in laua yo̱ toba kʋmo! hʋshi kanʋlli achʋfa ma yʋmmak ash ot a chukillissʋt kʋnʋishke, ahanchi tok.

Nan Apesa 11:35

Atuk o̱ yakohmi tok, pisa mʋt, im anchi ya̱ ita hlilʋffi cha, Ikikkeh! sʋso tek ma! akanlosi is sʋsht onʋshke, sa nukha̱klochi ya̱ ish ibai achʋfa hoke: sʋtih ha̱ wakʋmmit Chihowa ya̱ im anumpuli li tuk osh, falama la he keyu hokʋt, achi tok.

Nan Apesa 20:23

(Mihma Islael im ʋlla ʋhleha hʋt Chihowa itikba ona cha, yaha̱ya na ont opia mʋt, Chihowa im anukfila im asilhhʋt, Anonti ia lish, itibapishi li Benchamin im ʋlla ʋhleha ha̱ itibi la chi̱ cho? achi tok. Mihma Chihowa yʋt, Itibit hʋsh iashke, achi tok.)

Nan Apesa 20:26

Yohmi ma Islael im ʋlla ʋhleha, micha okla moma kʋt iʋt Chitokaka im aboha ona cha, Chihowa itikba chieyʋt yaha̱ya tok: micha nitak yʋmma nahullochit aiasha na opia mʋt, Chihowa itikba ya̱ na hukmit isht aiokpʋchi, micha it i̱ nanaiyʋchi isht aiokpʋchi aiena ka ai imihi̱sa tok.

Nan Apesa 21:2

Mihmʋt okla hʋt Chitokaka im aboha ona cha, Chitokaka itikba aiasha na opia tok: micha itih ha̱ ʋba takalechit yaha̱ya fehna tok.

1 Samuel 4:12

Mihma Benchamin hatak osh tʋshka chipota aiasha ka hikiʋt maleli mʋt, mih nitak akinli ho̱ Shiloh ya̱ i̱ nafohka ʋt hlilafa cha, lukfi ʋt noshkobo ha̱ onʋtoyula hosh ona tok.