Choshua 6:7 - Chahta Holisso Holitopa 1886

⁷ Mihmʋt okla hash o̱, Hʋsh ia cha, tʋmaha holihta ya̱ hʋsh afolublashke; yohmi ka na halupa im ʋlhtaha hokʋto Chihowa im itombi holitopa itikba ak o̱ itʋnoho̱washke, im achi tok.

Choshua 6:7 Iomraidhean Croise

Choshua 1:14

Hʋchi tekchi, hʋchim ʋlla, micha hʋchi̱ nan ʋlhpoa moyuma kʋto yakni Moses ʋt hʋch ima tok Chatan ola in tʋnnʋp ak inli ho̱ aiashashke: amba hʋchishno hatak hlampko hochukma chilitʋt nukwia iksho hʋchia hokʋto, nahalupa im ʋlhtahʋt moyumʋt tikba iʋt, hʋch itibapishi ʋhleha ha̱ ont hʋsh apelashke.

Choshua 4:13

Tahlepa sipokni pokoli ushta foka hosh na halupa im ʋlhtahʋt tanampa chi̱ hosh Chihowa itikba ya̱ tanʋblit, Cheliko yakni matali ya̱ ona tok.

Choshua 6:3

Yohmi hoka hatak tʋnʋp a̱ya ʋhleha hʋchia hʋt momʋt tʋmaha holihta ya̱ hʋsh afolublashke; micha tʋmaha holihta ya̱ himonna ha̱ hʋsh apakfopashke; ilʋppa hʋsh yakoho̱mi na nitak hannalashke.

Choshua 6:6

Yohmi ma Choshua, Nun ushi ʋt na holitompa isht asha i̱ howa cha, Nan it im apesa yʋt afoyuka itombi holitopa yash ishit hʋsh sholashke; yohmikma na holitompa isht asha untuklo kʋt chukfi nakni lapish isht pu̱fa untuklo ka shoyuli hosh Chihowa im itombi holitopa itikba ya̱ hielashke, im achi tok.

Choshua 6:8

Atuk o̱ yakohmi tok, Choshua ʋt okla ha̱ im anumpulit issa ma, na holitompa isht asha untuklo chukfi nakni lapish isht pu̱fa untuklo shoyuli kash osh Chihowa itikba ya̱ ia cha, isht pu̱fa yash olahanchi tok: mihma Chihowa nan it im apesa ʋt afoyuka itombi holitopa ʋt pit iakaiya tok.