Choshua 6:5 - Chahta Holisso Holitopa 1886

⁵ Atukma yakohma chi̱ hoke, yʋmmak ash osh chukfi nakni lapish ash fiopa falaiachi fehna hosh pu̱fakma, yʋmmʋt ola ka hʋsh haklokmʋt, okla moma kʋt chitoli fehna hosh shakapashke: yohmikma tʋmaha tʋli holihta yatuk ʋt tiapʋt aka fohopa chi̱ hoke; yohmikma okla hʋt achʋfa aiyukali kʋt ilap a hikia tuk itikba ya̱ apissanlit oiyashke, im achi tok.

Choshua 6:5 Iomraidhean Croise

Eksotʋs 19:19

Atuk o̱ ishtpu̱fa falaia ola kʋt falaiʋt chitoli kʋt isht i̱ shahlit ma̱ha̱ya ma, Moses ʋt anumpuli ma Chitokaka yʋt anumpa ha̱ isht im afalaminchi tok.

Heblu 11:30

Na yimmi pulla kak o̱ Cheliko tʋli isht a holihta yokʋt okla apakfohompa na nitak untuklo ma aka itula tok.

Choshua 6:16

Atuk o̱ yakohmi tok, ont isht untuklo ka apakfopʋt a̱ya ma, na holitompa isht asha yʋt isht pu̱fa olachi ma, Choshua ʋt okla hash o̱ Tʋmaha holihta ya̱ Chihowa yʋt hʋch ima hoka, ho shakapá, im achi tok.

Choshua 6:20

Yohmi ma na holitompa isht asha yʋt isht pu̱fa olahanchi ma, okla hʋt shakapa tok: atuk o̱ yakohmi tok, okla hash osh isht pu̱fa yʋt ola na haklo mʋt, okla shakapa kʋt chitoli fehna hosh shakapa tok; yohmi ma tʋli holihta yʋt tiapʋt aka fohopa tok; yohmi hatuk o̱ okla hʋt ilap a hikia tuk aiyukali itikba ya̱ apissanlit tʋmaha ha̱ pit abeha tok; micha tʋmaha ha̱ ishi tok.

Choshua 6:4

Yohmi ka na holitompa isht asha untuklo chukfi nakni lapish isht pu̱fa sholi hosh itombi holitopa yash itikba ya̱ hielashke: atuk osh nitak ont isht untuklo mʋno untuklo ha hʋsh apakfopashke; mikma na holitompa isht asha yʋt isht pu̱fa ya̱ olahanchashke.

Choshua 6:6

Yohmi ma Choshua, Nun ushi ʋt na holitompa isht asha i̱ howa cha, Nan it im apesa yʋt afoyuka itombi holitopa yash ishit hʋsh sholashke; yohmikma na holitompa isht asha untuklo kʋt chukfi nakni lapish isht pu̱fa untuklo ka shoyuli hosh Chihowa im itombi holitopa itikba ya̱ hielashke, im achi tok.

Nan Apesa 20:37

Mihma im aiehchi ʋt tu̱shpa hosh Kibeah ya̱ o̱ yihlepa tok; mihmʋt im aiehchi yash osh auatʋt ma̱ya mʋt, tʋmaha holihta ya̱ bʋshpo falaia halupa ya̱ isht issot kanchi tok.

1 Samuel 17:20

Atuk o̱ Lewi ʋt onna ha onnahinli ho̱ wakaya cha, chukfʋlhpoa ya̱ apistikeli im ashachi mʋt, i̱ki ʋt im apesa tuk mak o̱ ishi cha, ia tok: micha itichanʋlli aiasha ya̱ ona ma, tʋshka chipota ʋt itiba chi̱ hosh im ʋlhtahʋt achukmʋt hiohli hosh itiba chi̱ kʋt shakapa tok.

1 Samuel 17:52

Mihma Islael hatak ʋhleha, micha Chutah hatak ʋhleha aiena kʋt wakaya cha, shakampa mʋt, hliolit isht ia hosh okfa ish ona ka, micha Eklon holihta okhissa ya̱ isht ona tok. Mihma Filistin ʋhleha hʋt nʋhlʋt chilofʋt ma̱ya kʋt, Shaalaim pilla ma̱yʋt Kalh, micha Eklon a̱ ont ʋhli tok.

1 Samuel 4:5

Atuk o̱ Chihowa nan it im apesa afoyuka itombi holitopa ʋt binah ha̱ ʋla ma, Islael moma kʋt shakapa chito shakapa tok; yohmi ho̱ anonti yakni ʋt winihʋchi tok.