Choshua 6:3 - Chahta Holisso Holitopa 1886

³ Yohmi hoka hatak tʋnʋp a̱ya ʋhleha hʋchia hʋt momʋt tʋmaha holihta ya̱ hʋsh afolublashke; micha tʋmaha holihta ya̱ himonna ha̱ hʋsh apakfopashke; ilʋppa hʋsh yakoho̱mi na nitak hannalashke.

Choshua 6:3 Iomraidhean Croise

Numbas 14:9

Peh, Chihowah ya̱ i̱ yoshobʋt hʋchik i̱ filʋmmo kashke, micha okla yakni ai asha ka̱ hʋchik i̱ nukshopo kashke; yʋmmʋt pi̱ pʋska yoka; yʋmma ai atukko yʋt i̱ kʋnia hoke, mikma Chihowah yʋt piba foyuka hoke; hʋchik i̱ nukshopo kashke, im achi tok.

2 Kolinhlian 4:7

Yohmi kia nan isht ai a̱hli chinto fehna kʋt pishno ak o̱ keyu, amba Chihowa ak o̱ immi ha chi̱ ka, nan ila̱yak holitopa ilʋppak ash o̱ nan ai ʋlhto okfulush toba ho̱ isht il ieshi hoke.

Choshua 6:11

Yohmi ho̱ Chihowa im itombi holitopa hʋt tʋmaha holihta ya̱ apakfopa tok; himonna ha okla apakfopa mʋt, ʋlbina hak o̱ ona cha, ʋlbina hak o̱ a nusi tok.

Choshua 6:14

Mihma nitak ont atukla ma himonna ha tʋmaha holihta ya̱ apakfopa mʋt, falamʋt ʋlbina ha̱ ai ona tok. Yohmi kʋt nitak hannali ho̱ yʋmohmi tok.

Choshua 6:2

Yohmi ho̱ Chihowa ʋt Choshua ya̱, Cheliko, micha yʋmma i̱ mi̱ko, mikmʋt tʋshka hlampko hochukma, chilitʋt nukwia iksho ʋhleha aiena ka moma chibbak a̱ fohki li ka ish pisashke, im achi tok.

Choshua 6:4

Yohmi ka na holitompa isht asha untuklo chukfi nakni lapish isht pu̱fa sholi hosh itombi holitopa yash itikba ya̱ hielashke: atuk osh nitak ont isht untuklo mʋno untuklo ha hʋsh apakfopashke; mikma na holitompa isht asha yʋt isht pu̱fa ya̱ olahanchashke.

Choshua 6:7

Mihmʋt okla hash o̱, Hʋsh ia cha, tʋmaha holihta ya̱ hʋsh afolublashke; yohmi ka na halupa im ʋlhtaha hokʋto Chihowa im itombi holitopa itikba ak o̱ itʋnoho̱washke, im achi tok.