Choshua 6:23 - Chahta Holisso Holitopa 1886

²³ Yohmi hatuk a̱ hatak himithowa na pisʋt a̱ya tuk ash osh pit chukowa cha, Lahab, mikmʋt i̱ki, micha ishki, micha i̱ nakfi ʋhleha, mikmʋt nana im ai asha tuk aiena moma ka ishit kohcha tok; yʋmma ai i̱ kanomi moyuma ka ishit kohchʋt Islael im ʋlbina kohcha ak o̱ ashachi tok.

Choshua 6:23 Iomraidhean Croise

Heblu 11:7

Noah yoka Chihowa hʋt nana im anohonli ma, nana ka ik peso ki̱sha ak inli kia, nʋkshopʋt holitobli hokʋt, i̱ yimmi pulla hosh in chuka‐chʋfa yʋt isht ai okchaya hi a̱ peni chito ya̱ ikbi tok; micha yʋmma yʋmohmi kak osh okla puta ai asha tok ash na palʋmmi ʋlhpisa hʋt onʋtula he ʋlhpesa ka isht otʋninchi tok; micha na yimmi isht ai ʋlhpiesa iesha hi ʋlhpesa hosh toba tok.

Efeshan 2:12

Yohmi kʋt yʋmma foka mʋno Klaist ibafoyuka keyut, Islael okla ai achʋfa hʋsh ahalaia keyu, micha nan im issa tok isht it im ʋlhpisa hʋch ik ahalaio, aiokcha̱ya pisa he ahni ik im iksho, Chihowa ik ithano yosh yakní a̱ hʋsh ai asha tok.

1 Kolinhlian 5:12

Kʋna hosh iksa ibafohka yatuk keyu yʋmmak kia nanta ho̱ isht im apesa la he ʋlhpesa ho̱? iksa ibafohka yʋmmak atuk okʋno hʋsh im apesa keyu ho̱?

Apostel isht Anumpa 27:24

Pal ʋt ik chi nukshopo kashke. Sesa itikba ya̱ ish ona chi̱ pulla hoke; mikmʋt Chihowa yʋt ai itapehʋt peni isht hʋsh a̱ya ka, yʋmma mominchit chima hoke; ahanchi tuk oka.

Apostel isht Anumpa 10:28

Yohmi mʋt Chu hatak okʋt okla inla takla a̱ya hokmá, keyukmʋt ont ibafohka hokmá nana ka kaniohmit im ai ʋlhpiesa keyu ka hʋsh ithaiyanʋshke; yohmi kia ʋno yokʋto hatak nana kia ik ʋlhpeso, micha okpulo a la he keyu ho̱, Chihowa yʋt ʋm abahanchi tuk oke.

Numbas 31:19

Micha bina ha̱ kucha hʋsh aiasha na nitak untuklashke; kʋna hosh hatak ʋbi tukmʋt, micha kʋna hosh illi ya̱ haleli tukmʋt, hʋchishno, micha hʋchi̱ yuka aiena kʋt, nitak ont isht atuchina, micha nitak ont isht untuklo ka̱ hʋsh ile kashoffashke.

Genesis 18:24

Tʋmaha holihta anu̱kaka ya̱ aiʋlhpiesa ʋt pokoli tahlapi hosh a̱sha yoba hokmʋno; aiʋlhpiesa pokoli tahlapi kʋt yʋmma a̱sha pulla kak o̱, tʋmaha holihta ya̱ chik apoancho hosh ishit ish kanchi hak inla hinla cho?

Genesis 12:2

Mikma okla chito fehna a chikbi la he, mikmʋt chi yukpali likmʋt, anonti chi hohchifo ha̱ holitoblichi la hi oke; mikma ishit na chi yukpa yachi̱ hoke.

Choshua 2:18

Yakeh! kaniohmi foka ho̱ yakni ilʋppa e la hokma, okhissushi isht pi a kohchi ilʋppa ponolushi tishepa ponola toba ilʋppa isht ish takchashke: yohmi cha chi̱ki, chishki, chi nakfi ʋhleha, micha chi̱ki in chuka achʋfa ya̱ moma chin chuka isht ish lashke.

Choshua 2:13

A̱ki, micha hʋshki, micha a̱ nakfi ʋhleha, micha itibapishi li ʋhleha, micha in chuka achʋfa aiena ka moma hʋsh okchalinchi cha, pilla he tuk a̱ hʋsh pi hlakofichi cha, ilʋppak o̱ nan isht ithana he a̱hli ka hʋs sʋmashke, im achi tok.

Genesis 19:29

Atuk o̱ yakohmi tok, Chitokaka yʋt yakni patali tʋmaha holihta puta ka̱ okpʋnit tahli mʋt, Eblaham a̱ ithaiyana tok; micha tʋmaha holihta puta Lot ʋt ai ʋtta yash okpʋnit tahli mʋt, nana okpulot taha kash im itin takla ya̱ ai ishit Lot a̱ kohchi tok.

Heblu 11:31

Na yimmi pulla kak osh Lehab ohoyo haui yatuk ʋt, yimma he keyu ʋhleha hoka ibafo̱kʋt illi tok keyu, na ti̱kba pisa ʋhleha hoka i̱ kanʋt ilap in chuka yoka ik chukowá, im ahni hatok okʋt.

Choshua 2:16

Micha ohoyo hash osh yʋmmak ash o̱, Hʋch iakaiyʋt itʋnowa yʋt hʋchi afama yoba na, nʋnih hak o̱ hʋsh ona cha, yʋmmak o̱ lumʋt hʋsh chi̱ya na nitak tuchina onashke: yohmi na hʋch iakaiyʋt itʋnowa yʋt falamʋt ʋla hok mak o̱, hʋsh ata̱ya hetuk ʋt hʋsh iashke, im achi tok.

Nan Apesa 1:25

Atuk o̱ tʋmaha holihta achukowa ya̱ pisachi ma, tʋmaha holihta ya̱ bʋshpo falaia halupa isht issot kanchi tok: amba hatak ash, micha in chuka achʋfa yano hlakofichi tok.