Choshua 6:2 - Chahta Holisso Holitopa 1886

² Yohmi ho̱ Chihowa ʋt Choshua ya̱, Cheliko, micha yʋmma i̱ mi̱ko, mikmʋt tʋshka hlampko hochukma, chilitʋt nukwia iksho ʋhleha aiena ka moma chibbak a̱ fohki li ka ish pisashke, im achi tok.

Choshua 6:2 Iomraidhean Croise

2 Samuel 5:19

Mihma Lewi ʋt Chihowa ya̱ i̱ ponaklot, Filistin ʋhleha aiasha ka ia la chi̱ cho? sʋbbak a̱ ish fohka chi̱ cho? achi tok. Mihma Chihowa ʋt, Ish iashke, chibbak a̱ fohki li pulla chi̱ hoka, im achi tok.

Tutelonomi 7:24

Micha i̱ mi̱ko ʋhleha ha̱ chibbak fohkikma, shutik nutaka ya̱ hohchifo ha̱ mosholichit ish kancha chi̱ hoke: hatak nana kia chi tikba ya̱ hikia he keyu ho̱, ish mosholicha hi oke.

Choshua 12:9

Cheliko i̱ mi̱ko ʋt achʋfa; Behlel ichapaka Ai i̱ mi̱ko ʋt achʋfa;

Choshua 2:24

Mihmʋt yʋmmak ash osh Choshua ya̱, Chihowa ʋt yakni moma pibbak a̱ fohki tuk pullʋshke: pishno ak atuk pulla mak o̱ yakni yʋmma ai asha kʋt momʋt bihinla chiyuhmi hoka, im achi tok.

Choshua 2:9

Hatak tuklo kash o̱, Yakni ya̱ Chihowa ʋt hʋch ima tok a̱ ithana lishke; yohmi ho̱ isht a hʋchi̱ nukshopa yʋt pi onʋtoyulʋshke; hʋchishno ak atuk pulla mak o̱ yakni ilʋppa okla ai asha tuk moma kʋt bihinla chiyuhmishke.

Choshua 20:1

Chihowa yʋt, Choshua ya̱ im anumpulit,

Choshua 6:1

Islael im ʋlla ʋhleha pulla hatuk mak o̱ Cheliko ʋt ʋlhkʋma kʋllo fehna ha tok; yohmi hatuk o̱ yʋmma a kohchʋt ia, anonti ant chukowa aiena kia iksho ki tok.

Choshua 6:3

Yohmi hoka hatak tʋnʋp a̱ya ʋhleha hʋchia hʋt momʋt tʋmaha holihta ya̱ hʋsh afolublashke; micha tʋmaha holihta ya̱ himonna ha̱ hʋsh apakfopashke; ilʋppa hʋsh yakoho̱mi na nitak hannalashke.

Choshua 8:1

Yʋmohmi ma Chihowa ʋt, Choshua ya̱, Ik chi nukshopashke, micha chi chu̱kʋsh ik iello kashke; hatak tʋnʋp a̱ya ʋhleha ha̱ moma il ai eshit, wakayʋt, Ai ya̱ ish iashke: yakeh! i̱ mi̱ko, mikmʋt im okla ʋhleha, micha in tʋmaha holihta, mikmʋt i̱ yakni aiena ka chibbak a̱ fohki li hoke.

Nan Apesa 11:21

Mihma Islael Chihowa in Chitokaka yʋt, Sihon, micha im okla moyuma ka Islael ibbak a̱ fohki na okla issot kanchi tok: yohmi ho̱ Islael ʋt yakni yʋmma okla Amolait ʋhleha i̱ yakni moma ka ishit a binili tok.

Nan Apesa 11:24

Chi̱ naholbʋt toba Chemosh ʋt chima tuk ak o̱ ish iesha he ʋlhpesa keyu̱? Yʋmohmi ka kʋna ho̱ Chihowa pin Chitokaka yʋt pi tikba a tihlelit kocha wehlikma yʋmmak oka il iesha chi̱ hoke.