Choshua 6:1 - Chahta Holisso Holitopa 1886

¹ Islael im ʋlla ʋhleha pulla hatuk mak o̱ Cheliko ʋt ʋlhkʋma kʋllo fehna ha tok; yohmi hatuk o̱ yʋmma a kohchʋt ia, anonti ant chukowa aiena kia iksho ki tok.

Choshua 6:1 Iomraidhean Croise

2 Samuel 10:5

Lewi ya̱ im anoli ma, hatak ʋhleha hash osh hofahya fehna hatuk o̱, afama chi̱ ho̱ pit pila tok. Micha mi̱ko ʋt Cheliko ak inli ho̱ hʋsh a̱sha na hʋchi nutakhish ʋt falaiʋt tahak mak osh hʋsh falamashke, achi tok.

2 Mi̱ko 17:4

Atuk o̱ Hoshea ʋt i̱ sanalit anumpa luma ikbi ho̱ Assilia i̱ mi̱ko ʋt im akostininchi tok: Echip i̱ mi̱ko So ya̱ anumpa shali ʋhleha i̱ pila cha, Assilia i̱ mi̱ko ya̱ afʋmmi hosh ont afʋmmikma yʋmihchi chatuk ʋt nahʋlbina pit ik i̱ pelo tok oka; yʋmohmi hatuk o̱ Assilia i̱ mi̱ko ʋt im okhishta cha, takchit aboha kʋllo fohki tok.

2 Mi̱ko 2:4

Mihma Elichah ʋt, Elisha ma! ilʋppak o̱ a̱shá, chim asilhha lishke; Chihowa yʋt Cheliko ya̱ sa pila tuk oka, im achi tok. Mihma, Chihowa yʋt okcha̱ya pulla ka, micha chimi shilombish ʋt okcha̱ya pulla ka, chissa la he keyu hoke, achi tok. Yohmi ho̱ Cheliko ya̱ itonachi tok.

Atʋloa 127:1

Chihowa hak osh ʋboha ya̱ ikbih keyu hokʋno, pe pilla ho̱ chukkikbi ʋhleha hʋt a toksʋli hoke: Chihowa hak osh tʋmahah chito ieshih keyu hokʋno, pe pilla ho̱ ʋpesʋchi ʋt o̱kchʋt ʋpesʋchi hoke.

Choshua 16:7

Micha okʋtahʋt Chanohah ya̱ ʋttʋt ia hosh Atalolh a̱ ona cha, Naalolh a̱ ona mʋt, Cheliko ya̱ ona cha, Chatan a̱ ont kohcha tok;

Choshua 18:21

Mihma Benchamin im ʋlla ʋhleha apehlichi itakʋshkoa ʋlhpisa hosh tʋmaha holihta puta kʋt Cheliko, micha Belh‐hoklah, micha okfa Kesis,

Choshua 2:1

Yʋmohmi ma Choshua, Nun ushi ʋt Shittim ak o̱ hatak tuklo kʋt lumʋt na pisʋt a̱ya chi̱ ho̱ a chʋffichi tok; yohmi mʋt, Hʋsh ia cha, yakni Cheliko yʋmma ont hʋsh pisashke, im achi tok. Yohmi ma itiachi tuk osh ohoyo haui hohchifo kʋt Lahab o̱ in chuka itonachi cha, yʋmmak o̱ a nusi tok.

Choshua 2:24

Mihmʋt yʋmmak ash osh Choshua ya̱, Chihowa ʋt yakni moma pibbak a̱ fohki tuk pullʋshke: pishno ak atuk pulla mak o̱ yakni yʋmma ai asha kʋt momʋt bihinla chiyuhmi hoka, im achi tok.

Choshua 2:7

Yohmi ma okla iakaiyʋt Chatan imma iʋt okhina akocha puta ka ona tok: mihma okla iakaiya yʋmmʋt akohcha mak inli ho̱, holihta okhissa ya̱ akʋmmi tok.

Choshua 5:15

Mihma Chihowa in tʋshka ʋhleha ha̱ i̱ kʋpitʋni hash osh Choshua ya̱, Yakni yʋmma ish ai o̱ hikia kʋt holitopa hoka, chi̱ shulush a̱ ish shu̱fashke, im achi tok: mihma Choshua ʋt yʋmohmi tok.

Choshua 6:2

Yohmi ho̱ Chihowa ʋt Choshua ya̱, Cheliko, micha yʋmma i̱ mi̱ko, mikmʋt tʋshka hlampko hochukma, chilitʋt nukwia iksho ʋhleha aiena ka moma chibbak a̱ fohki li ka ish pisashke, im achi tok.