Choshua 5:9 - Chahta Holisso Holitopa 1886

⁹ Mihma Chihowa ʋt Choshua ya̱, Himak nitak ak o̱ Echip isht ahofahya ya̱ hʋchi̱ filʋmmichit kanima pit tonullichi lishke, im achi tok. Yohmi hatuk o̱ yakni yʋmmʋt Kilkal hohchifo na himak nitak a̱ ant ai ʋhli hoke.

Choshua 5:9 Iomraidhean Croise

Genesis 34:14

Nana ilʋppa e yʋmihcha he keyu, kʋna hosh hakshup tʋpa keyu ka̱ pin tek a̱ il ima he keyu hoke: yʋmmak okʋt ishit pi hofahya hinla hoka.

2 Samuel 19:15

Yohmi ho̱ mi̱ko ʋt falamʋt, Chatan a̱ ʋla tok. Mihma Chutah ʋt mi̱ko ya̱ afama cha, mi̱ko ya̱ ishit hlopullicha chi̱ hosh Kilkal a̱ ona tok.

Atʋloa 119:39

Nan ish ʋpehi̱sa yʋt hochukma hokʋt, nan isht ik si ʋhobalo i̱ sʋ kummuta ka̱ is sa̱ filʋmmichashke.

Lefitikʋs 24:14

Kallakshichit anumpuli tuk a̱ binah ha̱ kocha isht ish onashke; mikma haklo tuk moma kʋt ibbak a̱ noshkobo onochashke, mikma okla moma kʋt tʋli ishit bolashke.

Choshua 24:14

Yʋmohmi hoka Chihowa ya̱ hʋsh holitobli cha, chu̱kʋsh a̱hli, micha apissali bieka hosh hʋsh im antiashke; micha na holbʋt toba puta hʋch i̱ki ʋhleha hʋt okhina mish tʋnnʋp, micha Echip a̱ aiokpʋchi tok a̱ hʋsh kanchashke; micha Chihowa yak o̱ hʋsh im antiashke.

Choshua 4:19

Mihma hʋshi isht ia ʋmmona nitak ont ishit pokoli fehna ak o̱ okla hash osh Chatan a̱ auet a kohcha cha, Cheliko yakni hʋshi akochaka imma ʋhli Kilkal a̱ ont binanchi tok.

Choshua 5:8

Atuk o̱ yakohmi tok, okla puta ka hakshup tʋptulit okla tahli ma, im ʋlbina aiyukali aiashʋt okla hlakofit in taha tok.

1 Samuel 14:6

Mihma Chonahlan ʋt hatak himita i̱ nahalupa shoyuli ash, Inta! hakshup ik tapo ilʋppa i̱ holihta ya̱ il onashke; Chihowa ʋt pi apela hinla yoba ká: Chihowa ʋt laua hokmá, ik lauo hokmá, nana ho̱ isht hlakoficha hi ʋt im itilaui hokʋt, im achi tok.

1 Samuel 17:26

Mihma Lewi ʋt hatak bili̱ka hieli tuk a̱ im anumpuli mʋt, Hatak kʋna hosh Filistin ilʋppa ʋbi cha, Islael ishit hofahya ka ishit kanchikma, i̱ katiohma chi̱ cho? Filistin hatak hakshup ik tapo ilʋppʋt kʋta hatuk osh Chitokaka okcha̱ya in tʋshka chipota ya̱ pa̱fa hinla cho? achi tok.

1 Samuel 17:36

Chin tishu hʋt koi chito, micha nita ya̱ itaieninchit ʋbi li tok oke: micha Filistin hakshup ik tapo ilʋppʋt yʋmma achʋfa ka chohma chi̱ hoke; Chitokaka okcha̱ya in tʋshka chipota ya̱ pa̱fi tuk okʋt, im achi tok.

1 Samuel 7:16

Mikmʋt afʋmmi hosh afʋmmikma iʋt Behlel, micha Kilkal, micha Mispeh aiena ka fullota cha, tʋmaha holihta yʋmma moma ka Islael a̱ nana im ai apesa beka tok.