Choshua 5:1 - Chahta Holisso Holitopa 1886

¹ Atuk o̱ yakohmi tok, Amolait okla i̱ mi̱ko ʋhleha Chatan hʋshi ai okatula imma aiasha tuk, micha Kenanait okla i̱ mi̱ko ʋhleha okhʋta lapalika ai asha tuk aiena kʋt, Chihowa ʋt Chatan oka ya̱ Islael im ʋlla ʋhleha itikba ya̱ a shilelit tahli na tanʋblit e taha tuk a̱ haklo mʋt, chu̱kʋsh ʋt bihinla tok; micha Islael im ʋlla ʋhleha hak a tok pulla mak o̱ himmakma hatak nana kia chilitʋt im anukfila kʋt iksho kamohmi tok.

Choshua 5:1 Iomraidhean Croise

Genesis 12:6

Mihma Eblam ʋt yakni yash hlopullit a̱yʋt Moleh i̱ baiyi hieli Sikem a̱ ona tok. Yohmi ma Kenan okla hʋt yakni ya̱ aiasha hatok.

Genesis 48:22

Micha kʋshkoa achʋfa chitibapishi ʋhleha ha̱ i̱ shahlichit, yʋmma a̱ bʋshpo falaia, micha ʋm ititanampo ak o̱ Amolait hatak ibbak a̱ a kohchit isht im ishi li tok ʋt chima lishke, im achi tok.

2 Samuel 21:2

Mihma mi̱ko ʋt Kibeonait ʋhleha ha̱ i̱ howa cha, im achi tok; (mihma Kibeonait ʋhleha hʋt Islael im ʋlla ʋhleha ha̱ ai achʋfa keyu, amba Amolait okla ha̱ ai unchololi a tok; mihma Islael im ʋlla ʋhleha hʋt anumpa kʋllo il onochit i̱ miha tok atok: mihma Sal ʋt Islael, micha Chutah aiena ka i̱ hullot amohsholi hosh ʋbi bʋnna tok.)

1 Mi̱ko 10:5

Micha ilhpak im aiimpa aiasha, micha in tishu ʋhleha hʋt kaniohmit chieya, micha nan im isht asha ʋhleha hʋt kaniohmit hieli, micha i̱ nafohka aiena, micha isht ishko sholi ʋhleha, micha ai oiyʋt Chihowa in chuka ona aiena ka pisa mʋt, shilombish kʋnia chiyuhmi tok.

Eksotʋs 23:28

Micha fohkʋt puta ka̱ chitikba ya̱ pila likma, Hifait, Kananait, micha Hittait chi tikba tihlela chi̱ hoke.

Numbas 13:29

Amalekait ʋhleha hʋt oka mahli yakni ak o̱ aiashʋshke; mikma Hittait ʋhleha micha Chebusait ʋhleha, micha Amolait ʋhleha aiena kʋt nʋnih foka ak o̱ aiasha hoke; mikma Kenanait ʋhleha hʋt okhʋta bili̱ka micha Chatan aiʋhli aiena kak o̱ aiasha hoke, achi tok.

Choshua 17:12

Yohmi kia Manasseh im ʋlla ʋhleha hʋt tʋmaha holihta yʋmma okla ai asha tuk a̱ tihlelit kocha wehla he keyu tok; amba Kenanait ʋhleha hʋt yakni yʋmma ai asha pulla kak o̱ ahni tok.

Choshua 17:18

Amba nʋnih ak osh hʋch immi ha chi̱ hoke; iti foka yoka, micha chanlit hʋsh akakohla chi̱ hoke: micha akohchʋt ia yʋt hʋch immi ya chi̱ hoke; tʋli iti chanʋlli im a̱sha, micha hlampko kia Kenanait ʋhleha ha̱ tihlelit kocha hʋsh wehla chi̱ hoke, achi tok.

Choshua 24:15

Micha Chihowa im antia ka ik achukmo hʋsh ahnikmʋt, kʋna ho̱ hʋsh im antia chi̱k mʋt himak nitak a̱ hʋsh atokolashke, na holbʋt toba puta okhina mish tʋnnʋp aiasha na hʋch i̱ki ʋhleha hʋt aiokpʋchi tok ak okmá, keyukmʋt Amolait okla i̱ yakni ya̱ hʋsh aiasha kʋt i̱ na holbʋt toba puta yak okmá nanakmʋt, amba ʋno, micha an chuka achʋfa ʋto Chihowa ak o̱ il im antia chi̱ hoke, im achi tok.

Choshua 3:16

Oka ibetʋp imma minti hatuk ʋt yokopa cha, itʋnahachit falamʋt hopakichit, Alam tʋmaha holihta Saletan bili̱ka talaia ka ona tok: yohmikma yakni patali okhʋta hʋpi okhʋta imma ia hatuk ʋt tahʋt hokofa na okla hʋt Cheliko ichapaka fehna hak o̱ a hlopulli tok.

Choshua 3:17

Mihma na holitompa isht asha Chihowa nan it im apesa ʋt afoyuka itombi holitopa shoyuli hatuk ʋt Chatan iklʋna ya̱ kʋllot hieli na, Islael okla moyumʋt yakni shila ho̱ tanʋblit, okla moyumʋt Chatan a̱ ont hlopullit taha tok.

Nan Otʋni 18:10

Yʋmmʋt nan isht i̱ palʋmmi ka nukshopa hatuk osh, auet i̱ mishema ho̱ hiohma̱yʋt Ikikkeh! ikikkeh! tʋmaha chito, Babulon tʋmaha chinto kʋllo atampa, yʋmmʋt hʋshi kanʋlli achʋfa mak inli ho̱ nan isht palʋmmi chim ʋlhpisa kʋt chim a̱yʋshke.

Nan Apesa 1:1

Yʋmohmi ma Choshua ʋt illi haya̱ yakohmi tok, Islael im ʋlla ʋhleha hʋt Chihowa ya̱ i̱ ponaklot, Kʋta hosh Kenanait ʋhleha ha̱ ti̱kba itiba chi̱ hosh pim ia chi̱ cho? achi tok.

Nan Apesa 11:23

Yʋmohmi ka himak a̱ Islael Chihowa in Chitokaka ak osh Amolait ʋhleha yakni ya̱ im ishit im okla Islael a̱ i̱ kanʋllichi tok a̱, chishno ʋt ish isha he ʋlhpesa cho?

Nan Apesa 3:3

Yakohmi ak atok, Filistin hochitoka tahlapi, micha Kenanait ʋhleha moma, micha Sitonian ʋhleha, micha Hifait ʋhleha Lebanon ai asha, Baal‐hemon nʋnih asht isht ia hosh Hamalh a chukowa ont ai ʋhli tok.

Nan Apesa 4:2

Mihma Chihowa yʋt kanchit Chabin Kenan i̱ mi̱ko, yʋmmʋt Haso ak o̱ apehlichi ya̱ in tʋshka chipota i̱ kʋpitʋni hʋt Sisela atok, yʋmmʋt Chentail Haloshelh ak o̱ ai ʋtta beka tok.

1 Samuel 25:37

Atuk oh kia yakohmi tok, onnahinli ak o̱ oka pa̱ki ʋt i̱ kʋniʋt taha ma, tekchi ʋt ilʋppa puta ka im anoli ma, chu̱kʋsh ʋt illi mʋt, tʋli nana kia chohmi tok.