Choshua 4:7 - Chahta Holisso Holitopa 1886

⁷ Afalamichit, Chihowa nan it im apesa ʋt afoyuka itombi holitopa itikba ya̱ Chatan oka yʋt hokofa tok; yʋmmʋt Chatan a̱ tanʋbli ma, Chatan oka yʋt hokofa tok a̱ hʋsh im achashke; yohmi na tʋli ilʋppak o̱ Islael im ʋlla ʋhleha hʋt isht ithana na bilia hi oke, im achi tok.

Choshua 4:7 Iomraidhean Croise

Atʋloa 111:4

Nan inlah fehna yʋmi̱hi̱chi tuk a̱ isht ithaiyana ikbi tuk oke; Chihowa hʋt i̱ kana, micha i̱ nukha̱klo yoke.

Eksotʋs 12:14

Mikma himak nitak a̱ hʋsh ithana bilia yosh hʋchin takala chi̱ hoke, mikmʋt hʋchim aiitishali puta hlopulli ka̱ holitoblit Chihowah impʋchi isht hʋsh aiasha hi oke; nan ʋlhpisa bilia yo̱ impʋchi isht hʋsh aiasha hi oke.

Eksotʋs 28:12

Micha efot tahchi ak o̱ tʋli tuklo kash ish ontalohlashke; Islael ʋt tʋli nan isht ithaiyana na bilia yashke; mikma nan isht ithaiyana he mak o̱, Alon ʋt Chihowah itikba ya̱ tahchi ʋbanalit hikiashke.

Eksotʋs 30:16

Mikma Islael im ʋlla ʋhleha ha̱ nan isht atobbi tʋli holisso ya ish eshi cha, okla moma nan im ʋlhtipo nan isht ai ahanta isht ish apesashke; yʋmohmi ho̱ Islael im ʋlla ʋhleha ha̱ Chihowah itikba ai isht ithaiyana he, micha hʋchimi shilombish isht ʋlhtoba yoke, achi tok.

Numbas 16:40

Okla inla Alon isht atiaka keyu kʋt bili̱ka onʋt Chihowah itikba na balama ik im isso pulla hosh Kolah micha ai itʋpeha yatuk a̱ ik chohmo ka hi ʋt Chihowah ʋt Moses a̱ tohnot im achi tuk mak o̱ isht ithaiyana bilia hi atok.

Numbas 17:5

Atukma yakohma hi oke, hatak mihi yo̱ atokoli la chi̱ in tʋbi ʋt pakanla chi̱ hoke; micha Islael im ʋlla ʋhleha hʋt namihachit anumpuli ishit hʋchi̱ sanalit na mihachi ka̱ issʋchi li̱ a̱ kʋnia chi̱ hoke, achi tok.

1 Kolinhlian 11:24

Mihmʋt yʋmmak ash ot ʋba pit isht aiokpʋchi cha, pʋska yash boshullichi mʋt, Ieshi cha, ho ʋpá; ilʋppʋt sa haknip osh hʋchi̱ boshulli hoke: hʋs sʋthana chi̱ kʋt ilʋppak o̱ hʋsh yʋmihchashe, achi tok.

Tutelonomi 16:3

Pʋska shatʋmmi ya̱ aieninchit ish pa he keyu; nitak untuklo ho̱ pʋska ik shatʋmmo, ilbʋsha pʋska pulla ka̱ aieninchit ish pa hi oke; (anukwa̱ya hosh Echip yakni ya̱ kohchʋt ish minti tok okʋt:) yʋmohmi hosh chi okcha̱ya nitak moma kʋt Echip yakni ya̱ kohchʋt ish minti tok nitak a̱ ish ithaiyanashke.

Choshua 4:6

Yohmi na ilʋppak osh nan isht atokowa yʋt hʋch itin takla ya̱ itoyulashke; yohmi tuk o̱ himak a pilla kia hʋchim ʋlla ʋt i̱ki ʋhleha ha̱ i̱ ponaklot, Tʋli ilʋppak o̱ nanta ho̱ isht hʋsh apesa hoh cho? achi hokma,