Choshua 4:6 - Chahta Holisso Holitopa 1886

⁶ Yohmi na ilʋppak osh nan isht atokowa yʋt hʋch itin takla ya̱ itoyulashke; yohmi tuk o̱ himak a pilla kia hʋchim ʋlla ʋt i̱ki ʋhleha ha̱ i̱ ponaklot, Tʋli ilʋppak o̱ nanta ho̱ isht hʋsh apesa hoh cho? achi hokma,

Choshua 4:6 Iomraidhean Croise

Atʋloa 44:1

Chitokaka ma, i̱ nittak, nittak cha̱shpo ka̱, na̱ toksʋli ish toksa̱ha̱li tok a̱ pi̱ki ʋhleha hʋt ʋnoli na, pi haksubish a̱ isht e hakloh chatuk oke.

Atʋloa 71:18

Mikmʋt sipokni, pa̱shi tohbit taiyaha ka̱ ona lih kia, chik sʋ kancho ho̱, isht ai unchululi himmak minti ka̱ chish shakba yʋt na̱ yʋmi̱hi̱chi tuk a̱ im ʋnoli likmʋt, nan isht chim aia̱hlika ya̱ himak pillah aiyasha he moma ka̱ im ʋnoli lashke.

Eksotʋs 12:14

Mikma himak nitak a̱ hʋsh ithana bilia yosh hʋchin takala chi̱ hoke, mikmʋt hʋchim aiitishali puta hlopulli ka̱ holitoblit Chihowah impʋchi isht hʋsh aiasha hi oke; nan ʋlhpisa bilia yo̱ impʋchi isht hʋsh aiasha hi oke.

Eksotʋs 13:14

Atukma yakohma hi oke, Nitak himak minti ka̱ chiso hʋt chim ponaklot, Ilʋppʋt nanta hoh cho? achikma, Chihowah yʋt ibbak hlampko hosh pehlichit Echip yakni, micha aboha ayuka ha̱ pi kohchi tok oke.

Eksotʋs 13:9

Mikma nan ishtatokowa yosh chibbak a̱ lapala chi̱, micha ishit hʋsh ithana bilia yosh hʋchi nishkin ititakla ya̱ takala chi̱ hoke; yʋmohmi ho̱ Chihowah i̱ nanʋlhpisa hʋt hʋch itih ha̱ foyuka chi̱ hoke; Chihowah yʋt ibbak hlampko hosh pehlichit Echip a̱ hʋchi kuchi tuk oke.

Eksotʋs 31:13

Islael im ʋlla ʋhleha ha̱, A̱ nitak hullo ya̱ a̱hlit hʋsh holitoblashke; hʋchim ai iti shali moma ka̱ nan ishtatakowa yosh hʋpim itin takla ya̱ itoyula chi̱ hoke; yʋmohmi na, Chihowah sia hʋchi kashofi li ka̱ hʋsh ithaiyana chi̱ hoke.

Numbas 16:38

Ilap imi shilombish akinli i̱ yoshoba ʋhleha ilʋppa na balama im aiʋlhto ya̱ alta ompoholmo ya chi̱ ho̱ patʋssʋlit okla pʋthʋchashke; Chihowah itikba ai im issa tuk oka, hullochi hatuk oke, mihma Islael im ʋlla ʋhleha ha̱ nan isht atokowa ya chi̱ hoke, ish im achashke, im achi tok.

Apostel isht Anumpa 2:39

Anumpa hʋt hʋchishno, micha chim ʋlla puta aiena, micha auet hopaki pilla aiasha ka moma, peh laua kʋt kaniohmi ho̱ Chitokaka hʋpin Chihowa yʋt pit hoya hi a̱, im a̱ya hoka; im ahanchi tok oke.

Tutelonomi 11:19

Micha yʋmma hʋchim aboha hʋsh a binilikmʋt isht hʋsh anumpohonlashke; micha hina takla hʋsh a̱yakmʋt, hʋsh itoyulakmʋt, micha hʋsh wakayakmʋt, hʋchim ʋlla ʋhleha ha̱ hʋsh im aba̱hanchashke.

Choshua 22:27

Amba pititakla, micha pim isht atiaka piaka̱ya ka nan atokoli yosh hikia chi̱ ho̱, na hukmit isht il aiokpʋchi, micha nan ʋbit isht il aiokpʋchi, micha iti̱ nanaiyʋchi isht il aiokpʋchi aiena ka Chihowa itikba ya̱ isht il ai ahanta hi osh il ikbashke; yohmikma hʋchim ʋlla ʋhleha hʋt nitak inlakma pim ʋlla ʋhleha ha̱ Chihowa ya̱ hʋsh ahalaia keyu hoke, ik acho kashke.

Choshua 4:21

Yohmi cha Islael im ʋlla ʋhleha ha̱ im anumpulit, Himak a pilla ma hʋchim ʋlla ʋhleha hʋt i̱ki ʋhleha ha̱ i̱ ponaklot, Tʋli ilʋppʋt nanta ho̱ isht ʋlhpisa hoh cho? achi hokma,

Choshua 4:5

Choshua ʋt Chitokaka hʋchin Chihowa im itombi holitopa yash itikba iʋt Chatan iklʋna ai onʋt, Islael im ʋlla ʋhleha isht atiaka auah tuklo ka ʋlhpi̱sa ho̱, tʋli achʋfa aiyukali ka ishit hʋchi tahchi ya̱ onochit hʋsh shoyulashke.