Choshua 4:5 - Chahta Holisso Holitopa 1886

⁵ Choshua ʋt Chitokaka hʋchin Chihowa im itombi holitopa yash itikba iʋt Chatan iklʋna ai onʋt, Islael im ʋlla ʋhleha isht atiaka auah tuklo ka ʋlhpi̱sa ho̱, tʋli achʋfa aiyukali ka ishit hʋchi tahchi ya̱ onochit hʋsh shoyulashke.

Choshua 4:5 Iomraidhean Croise

Genesis 31:46

Mihmʋt Chekob ʋt itibapishi ʋhleha ha̱, Tʋli oh aiowá, im achi tok; mihma tʋli aiowa cha, itʋnahli tok: mihmʋt itʋnaha ya̱ paknaka okla ai impa tok.

Eksotʋs 24:4

Mihma Moses ʋt Chihowah im anumpa moma ka̱ holissochi tok, atuk osh onnahinli fehna wakaya cha, nʋnih nutaka ya̱ alta, micha Islael apehlichi auahtuklo ʋlhpi̱sa ho̱ toni̱k auahtuklo ikbi tok.

Tutelonomi 27:2

Atuk osh yakohma hi oke, Chatan a̱ ʋbanʋblit chin Chitokaka Chihowah yʋt yakni chima tok a̱ hʋsh ona, nitak mʋt, tʋli hochito ish hiohlichi cha, isht ʋlhpolosa ya̱ isht ish apoluslashke.

Tutelonomi 9:1

Islael ma, ish haklashke, himak nitak a̱ oklushi hochito, micha kʋllo kʋt chi̱ shahli, tʋmaha holihta hochito, micha a holihta kʋt shutik ont ʋhli ho̱, chukowʋt ish isha chi̱ hosh Chatan a̱ ish hlopullachi̱shke.

Choshua 22:10

Atuk osh Chatan ʋhli Kenan yakni bachaya ka okla ona mʋt, Luben im ʋlla ʋhleha, micha Kat im ʋlla ʋhleha, micha Manasseh ai unchololi iklʋna aiena kʋt Chatan bili̱ka ya̱ alta ikbit pi̱sa hi o̱ alta chito fehna ho̱ ikbi tok.

Choshua 4:4

Mihma Choshua ʋt hatak auah tuklo Islael im ʋlla ʋhleha ha̱ ai unchololi achʋfakma, hatak achʋfa ai atokoli tuk ʋt, i̱ howʋt it ahobi cha;

Choshua 4:6

Yohmi na ilʋppak osh nan isht atokowa yʋt hʋch itin takla ya̱ itoyulashke; yohmi tuk o̱ himak a pilla kia hʋchim ʋlla ʋt i̱ki ʋhleha ha̱ i̱ ponaklot, Tʋli ilʋppak o̱ nanta ho̱ isht hʋsh apesa hoh cho? achi hokma,