Choshua 4:3 - Chahta Holisso Holitopa 1886

³ Yohmi cha im apesʋt, Chatan iklʋna na holitompa isht asha iyi yʋt kʋllot a hieli tuk fehna, tʋli auah tuklo ho̱ hʋsh ai ishashke; yohmi cha yʋmma ishit hʋsh a̱ya tuk osh, himak ninak a̱ hʋsh a nusa chi̱ ka ʋlbina ha̱ hʋsh ashachashke, ish im achashke, im achi tok.

Choshua 4:3 Iomraidhean Croise

Genesis 28:22

Mikma tʋli ilʋppa nan isht‐ithana mak o̱ hilechi li tuk ʋt Chitokaka in chuka ya hi oke: micha nana is sʋma moma ishit pokoli ka̱ chima li pulla hi oke, achi tok.

Atʋloa 103:2

Chihowa ha̱ ish ayokpʋchashke, ʋmish shilombish ma, mikmʋt nanah achukma momah ʋm ʋta̱ha̱hli tuk a̱ ik chim ʋhakso kashke.

Atʋloa 11:4

I̱ tempel hulittopa ya̱ Chihowa hʋt a̱ha̱ttʋt, Chihowa im ai o̱ binili hulittopa yʋt ʋba yak oka̱: nishkin ʋt hʋttak im ʋlla putta ka̱ awet pisʋt i̱ holhpunnayo hʋt isht imomaka pisa hoke.

ʋBanumpa Luk Ʋt Holissochi Tok 19:40

Mihma yʋmmak ash ot afalaminchi mʋt, Yakohmi kʋt ont yokopa hokma, tʋli puta kʋt chekosi fehna tahpʋlʋt anumpula hinla hoka, hʋch im anoli lishke, im achi tok.

Choshua 24:27

Mihma Choshua ʋt okla moma kash Yakeh! tʋli ilʋppak osh Chihowa im anumpa puta pim anumpohonli ka haklo tok okʋt pi atokoli ya chi̱ hoke, yʋmohmi hoka hʋchin Chitokaka ya̱ hʋsh kancha he keyu ka hi a̱ hʋchi atokoli yashke.

Choshua 3:13

Atukma yakohma chi̱ hoke, na holitompa isht asha Chihowa, yakni moma in Chihowa im itombi holitopa shoyuli hatuk iyi pʋtha yʋt Chatan okhina ya̱ oka hika mak inli ho̱, Chatan oka yʋt ita hokofa na, oka ibetʋp imma minti hatuk ʋt itʋnahachit hikia chi̱ hoke, achi tok.

Choshua 4:4

Mihma Choshua ʋt hatak auah tuklo Islael im ʋlla ʋhleha ha̱ ai unchololi achʋfakma, hatak achʋfa ai atokoli tuk ʋt, i̱ howʋt it ahobi cha;

Choshua 4:8

Mihma Islael im ʋlla ʋhleha hʋt, Choshua ʋt nan im apesa tuk mak o̱ ai yʋmohmi tok; micha yohma chi̱ Chihowa ʋt Choshua ya̱ im anumpuli hatuk oka, tʋli auah tuklo Islael im ʋlla ʋhleha isht atiaka holhtina ka ʋlhpi̱sa ho̱, Chatan iklʋna ya̱ ont ai ishit, isht a̱yʋt abinachi ya̱ isht onʋt, aka kahpuli tok.

1 Samuel 7:12

Yʋmohmi ma Samuel ʋt tʋli ishi cha, Mispeh micha Shen ititakla ya̱ hilechi cha, Ebenese hochifot, Ilʋppa ant ʋhli ka Chihowa ʋt pi apelʋshke, achi tok.