Choshua 4:12 - Chahta Holisso Holitopa 1886

¹² Moses it im anumpuli tok mak o̱ Luben im ʋlla ʋhleha, micha Kat im ʋlla ʋhleha, micha Manasseh ishtatiaka iklʋna aiena kʋt na halupa im ʋlhtaha hosh Islael im ʋlla ʋhleha hʋt pi̱sa ho̱, tanʋbli tok;

Choshua 4:12 Iomraidhean Croise

Eksotʋs 13:18

Amba Chitokaka yʋt okla fulloli̱hinchit okhʋta humma yakni haiaka ak o̱ hlopullichit isht a̱ya tok; mihma Islael im ʋlla ʋhleha hʋt nahalupa im ʋlhtaha hosh Echip yakni a̱ kohchʋt ia tok.

Numbas 1:24

Kat im ʋlla ʋhleha ai unchuloli hʋt i̱ki ʋhleha in chuka achʋfa yʋt chuka achʋfa ʋlhpisʋt afʋmmi pokoli tuklo ai ʋhli ʋttʋt ʋba ma̱ya kohchʋt tʋnʋp itibit ia hinla puta kʋt hohchifo holhtina tok.

Numbas 32:17

Amba pishno ʋto na halupa pim ʋlhtaiyaha hosh Islael im ʋlla ʋhleha itikba e maha̱ya cha, aiasha chi̱ ka̱ isht il onashke: mikma pim ʋlla ʋhleha hʋt yakni ya̱ okla aiasha pulla kak o̱ tʋmaha aholihta puta ho̱ aiasha chi̱ hoke.

Tutelonomi 3:18

Micha nitak yʋmma hʋchim anumpo̱honli li mʋt, hʋchin Chitokaka Chihowah yʋt yakni ilʋppa hʋsh binila chi̱ ka̱, hʋchima tuk oke; tʋnʋp a̱ya hinla moma kʋt, nahalupa hʋchim ʋlhtaha hosh, hʋchitibapishi ʋhleha Islael im ʋlla ʋhleha ha̱ itikba hʋsh hlopulla chi̱ hoke.

Tutelonomi 33:21

Micha ʋmmona ka̱ yʋmmak o̱ nan ʋlhpisa ima yʋt binilichi ha tuk oka, ila tahli tok; micha okla i̱ noshkoboka apehʋt ʋla tok; Chihowah im ʋlhpiesa, micha Islael a̱ aiʋlhpiesa i̱ yʋmihinchi ya̱ aia̱hlichi tok, achi tok.

Choshua 1:14

Hʋchi tekchi, hʋchim ʋlla, micha hʋchi̱ nan ʋlhpoa moyuma kʋto yakni Moses ʋt hʋch ima tok Chatan ola in tʋnnʋp ak inli ho̱ aiashashke: amba hʋchishno hatak hlampko hochukma chilitʋt nukwia iksho hʋchia hokʋto, nahalupa im ʋlhtahʋt moyumʋt tikba iʋt, hʋch itibapishi ʋhleha ha̱ ont hʋsh apelashke.

Choshua 4:11

Atuk o̱ yakohmi tok, okla hʋt momʋt tanʋblit taiyaha ma, okla hʋt pi̱sa ho̱, Chihowa im itombi holitopa, micha na holitompa isht asha aiena kʋt tanʋbli tok.

Choshua 4:13

Tahlepa sipokni pokoli ushta foka hosh na halupa im ʋlhtahʋt tanampa chi̱ hosh Chihowa itikba ya̱ tanʋblit, Cheliko yakni matali ya̱ ona tok.