Choshua 3:8 - Chahta Holisso Holitopa 1886

⁸ Yohmi ka na holitompa isht asha nan it im apesa ʋt afoyuka itombi holitopa shoyuli tuk a̱ i̱ mihʋt, Chatan okhina ontalaka fehna hʋsh onakmʋt, yʋmmak inli ho̱ hʋsh hielashke, ish im achashke, im achi tok.

Choshua 3:8 Iomraidhean Croise

2 Mi̱ko 2:6

Mihma Elichah ʋt, Ilʋppak o̱ a̱shá, chim asilhha lishke, Chihowa yʋt Chatan a̱ sa pila tuk oka, im achi tok. Mihma, Chihowa yʋt okcha̱ya pulla ka, micha chimi shilombish ʋt okcha̱ya pulla ka, chissa la he keyu hoke, achi tok. Mihma itatu̱klot iʋt okla tok.

Eksotʋs 14:13

Mihma Moses ʋt okla ha̱, Hʋchi nukshopa ná, lumʋt hieli cha, Chihowah im ai okcha̱ya himak nitak a̱ hʋchi pisacha chi̱ ka̱ hʋsh pisashke: Echip okla ha̱ himak nitak a̱ hʋsh pisa tuk ʋt, himakma anonti hʋchik peso ho̱ bilia chi̱ hoke.

Choshua 3:17

Mihma na holitompa isht asha Chihowa nan it im apesa ʋt afoyuka itombi holitopa shoyuli hatuk ʋt Chatan iklʋna ya̱ kʋllot hieli na, Islael okla moyumʋt yakni shila ho̱ tanʋblit, okla moyumʋt Chatan a̱ ont hlopullit taha tok.

Choshua 3:3

Okla ha̱ im anumpulit, Kaniohmi foka ho̱ Chitokaka hʋchin Chihowa nan it im apesa ʋt afoyuka itombi holitopa ya̱ Lefait ʋhleha, na holitompa isht asha yʋt shoyulit itʋnowa na hʋsh pisakmʋt, ilʋppa a toshowʋt yʋmmak o̱ hʋsh iakaiyashke.

Choshua 3:7

Mihma Chihowa ʋt Choshua ya̱ Himak nitak ak o̱ Islael im ʋlla moyuma itikba ya̱ chi holitoblichit isht ia la chi̱ hoke; yohmi ho̱ Moses a̱ awant a̱ya li tok ʋt, anonti chishno ma chi awant a̱ya la chi̱ ka, okla hʋt ithanashke.

Choshua 3:9

Mihma Choshua ʋt Islael im ʋlla ʋhleha ha̱, Ilʋppa hʋsh minti cha, Chitokaka hʋchin Chihowa im anumpa ha̱ hʋsh haklashke, im achi tok.

Choshua 4:11

Atuk o̱ yakohmi tok, okla hʋt momʋt tanʋblit taiyaha ma, okla hʋt pi̱sa ho̱, Chihowa im itombi holitopa, micha na holitompa isht asha aiena kʋt tanʋbli tok.