Choshua 3:5 - Chahta Holisso Holitopa 1886

⁵ Mihma Choshua ʋt okla ha, Hʋsh ile hullochashke: onnaha ya̱ Chihowa ʋt hʋchim ai ititakla na fehna ha̱ ai yʋmihcha chi̱ hoka, im achi tok.

Choshua 3:5 Iomraidhean Croise

Atʋloa 77:15

Chekob micha Chosef ushi ʋhleha, yʋmmʋt chim okla ha̱, chish shakba isht ish hlʋkuffichi tok oke. [Yukopa.

Atʋloa 86:10

Chinto cha na̱ fehna yʋmi̱hi̱chi chia hosh, chishno ak bano hosh Chitokaka chia hoka̱.

Lefitikʋs 10:3

Yohmi ma Moses ʋt Alon a̱, Ilʋppak o̱ Chihowah yʋt anumpulit, A̱ bilika ʋla ka̱ a holitopa la chi hoke. Micha okla moma itikba a holitopa la chi̱ hoke, achi tuk mak oke, im achi tok. Mihma Alon ʋt nan ik acho ki tok.

Lefitikʋs 20:7

Yʋmohmi hoka, hʋsh ile hullochi cha hʋchi holitopashke; hʋchin Chitokaka Chihowah sia hoke.

Numbas 11:8

Mihma okla kohchʋt itʋnowʋt aiowa cha afotoha a fotohli, keyukmʋt kiti a hosi cha, ampmahaia fohkit pʋska cha pʋska lumbo ikbi beka tok; mikma ʋpʋt pisa ka̱ bila himona chohmi beka tok.

Chan 17:19

Micha ilap ak kia nan‐ai a̱hlika ya̱ ai isht a kashofa chi̱ ka, ʋno ʋt ilʋppak pulla hatuk mak o̱ ile kashofichi li hoke.

Choshua 3:13

Atukma yakohma chi̱ hoke, na holitompa isht asha Chihowa, yakni moma in Chihowa im itombi holitopa shoyuli hatuk iyi pʋtha yʋt Chatan okhina ya̱ oka hika mak inli ho̱, Chatan oka yʋt ita hokofa na, oka ibetʋp imma minti hatuk ʋt itʋnahachit hikia chi̱ hoke, achi tok.

Choshua 3:15

Atuk osh itombi holitopa yash shoyuli tuk ʋt Chatan ona cha, na holitompa isht asha iyi pʋtha yʋt oka ʋhli ont oka hika mak inli ho̱, (Chatan ʋt onush ʋlmo ai ʋlhpesa ai itintakla ka bok sakti atabli beka yatuk okʋt,)

Choshua 3:4

Yohmi akinli kia yʋmma ai itintakla ka haiaka kʋt kubit ʋlhpisa tahlepa sipokni tuklo hosh takalashke: ont atikkonofʋt hʋch ik aiyo kashke, yohmi hosh hʋsh atia hetuk ʋt hʋsh ithana hosh hʋsh itʋnoho̱washke; tikba ka ilʋppa hʋsh a̱ya chatuk keyu hokʋt, achi tok.

Choshua 3:6

Mihma Choshua ʋt na holitompa isht asha ya̱ im anumpulit, Nan it im apesa ʋt afoyuka itombi holitopa ya̱ hʋsh ishi cha, okla ha̱ itikba iʋt hʋsh tanʋblashke, im achi tok. Mihma nan it im apesa ʋt afoyuka itombi holitopa yash okla ishi cha, okla ha̱ itikba ia tok.

Choshua 7:13

Wakayʋt, okla ha̱ ish hullochashke; micha onna takla ka hʋsh ile hullochashke; Islael in Chitokaka Chihowa ʋt yakohmichit anumpulishke, Islael chia ma! nan i̱ hullochi atuk ʋt hʋch itintakla takalishke: yohmi hoka nan i̱ hullochi tuk ash ilʋppa ai ile kohchit hʋsh kanchi keyukmʋt, hʋchin tʋnʋp ʋhleha itikba ya̱ hʋsh hiela he keyushke, ish achashke.

1 Samuel 16:5

Mihma, Achukma ahni hosh a̱ya li: nan ʋbit Chihowa isht aiokpʋchit a̱ya li hoke: hʋsh ile hullochi cha, nan ʋbit isht aiokpʋchi ya̱ si awant hʋsh onashke, achi tok. Mihmʋt Chesse, micha ushi ʋhleha ha̱ hullochi cha, nan ʋbit isht aiokpʋchi ya̱ ona chi̱ ka im anoli tok.