Choshua 3:4 - Chahta Holisso Holitopa 1886

⁴ Yohmi akinli kia yʋmma ai itintakla ka haiaka kʋt kubit ʋlhpisa tahlepa sipokni tuklo hosh takalashke: ont atikkonofʋt hʋch ik aiyo kashke, yohmi hosh hʋsh atia hetuk ʋt hʋsh ithana hosh hʋsh itʋnoho̱washke; tikba ka ilʋppa hʋsh a̱ya chatuk keyu hokʋt, achi tok.

Choshua 3:4 Iomraidhean Croise

Genesis 31:2

Atuk osh Chekob ʋt Laban nashuka ya̱ pisa ma, yakeh, tikba chatuk a̱ in chohmi keyu tok.

Atʋloa 25:12

Hʋttak kʋta hosh Chihowa ha̱ i̱ nukshopa yoh choh? ata̱ya he ʋlhpesa ʋhayuchit isha chi̱ ka̱ im abʋcha chi̱ hoke.

Atʋloa 89:7

Chitokaka ilʋppak o̱ hulittopa ʋhleha hʋt ittʋfamʋt chieya im ai itti̱takla ka̱ oklah ai i̱ kumuntah fehna he ʋlhpesa, micha ʋpakfopʋt aiyasha moma ka̱ ai i̱ nukshopa yʋt onuttula he ʋlhpesa yoke.

Eksotʋs 19:12

Mikma ai ʋhli apakfoyupa ho̱ okla ha̱ im ikbit, Ahah hʋsh ahni cha, nʋnih ha̱ hʋchik oiyo kashke, micha aiʋhli ya̱ hʋch ik potolo kashke; kʋna kia nʋnih ha̱ potolikmʋt illi pulla hi oke.

Eksotʋs 3:5

Mihma, Bili̱ka chik minto kashke, chiyi, shulush isht ish hoyolo kʋt ish shu̱fashke, ish ahikia yakni ʋt holitopa hoka, achi tok.

Eksotʋs 4:10

Mihma Moses ʋt Chihowah ya̱, A̱ shahli ma, Anumpuli imponna sia keyu, cha̱shpo ka̱ si yʋmohmi chatuk osh, is sʋm anumpuli taiyakla kia, si yʋmohmi keyushke; amba anumpa sʋlaha, micha isunlʋsh sʋlaha sia hoke, im achi tok.

Choshua 3:3

Okla ha̱ im anumpulit, Kaniohmi foka ho̱ Chitokaka hʋchin Chihowa nan it im apesa ʋt afoyuka itombi holitopa ya̱ Lefait ʋhleha, na holitompa isht asha yʋt shoyulit itʋnowa na hʋsh pisakmʋt, ilʋppa a toshowʋt yʋmmak o̱ hʋsh iakaiyashke.

Choshua 3:5

Mihma Choshua ʋt okla ha, Hʋsh ile hullochashke: onnaha ya̱ Chihowa ʋt hʋchim ai ititakla na fehna ha̱ ai yʋmihcha chi̱ hoka, im achi tok.