Choshua 3:3 - Chahta Holisso Holitopa 1886

³ Okla ha̱ im anumpulit, Kaniohmi foka ho̱ Chitokaka hʋchin Chihowa nan it im apesa ʋt afoyuka itombi holitopa ya̱ Lefait ʋhleha, na holitompa isht asha yʋt shoyulit itʋnowa na hʋsh pisakmʋt, ilʋppa a toshowʋt yʋmmak o̱ hʋsh iakaiyashke.

Choshua 3:3 Iomraidhean Croise

2 Samuel 6:13

Atuk o̱ yakohmi tok, Chihowa im itombi holitopa sholi tuk ʋt a habli hannali ho̱ ona ma, wak, micha ʋlhpitʋt nia puta aiena ka ʋbit hukmit isht aiokpʋchi tok.

2 Samuel 6:3

Mihmʋt Chitokaka im itombi holitopa ya̱ Abinatab in chuka Kibeah a talaia ka akohchit itichanʋlli himona yo̱ on talali cha, ishit minti tok: mihma Abinatab ushi tuklo, Ussah, micha Ahio itatuklo kak osh itichanʋlli himona ya̱ isht a̱ya tok.

1 Mi̱ko 8:3

Mihma Islael im asʋnonchi ʋhleha moma kʋt ona ma, naholitompa isht asha ʋhleha hʋt itombi holitopa ya̱ sholi tok.

Numbas 10:33

Mihma Chihowah i̱ nʋnih ha̱ issʋt nitak tuchina anowa okla ona tok; mihma Chihowah nan itim apesa afohka itombi holitopa ak osh nitak tuchina anowa yʋmma im afoha hoyot im ahayucha chi̱ hosh tikba ia tok.

Numbas 4:15

Atuk o̱ Alon micha ushi ʋhleha aiena kʋt ʋlhtipo holitopa, micha ʋlhtipo holitopa i̱ nan ai ʋlhto puta aiena ka̱ ompohomot ont im ʋlhtaiyaha na, binah hʋt iakma, yohmikma Kohalh ushi ʋhleha hʋt shala chi̱ hosh ʋla chi̱ hoke; amba nana holitopa ya̱ potola he keyu, yohmikmʋt illa chi̱ hoke. Ilʋppa puta kak osh okla moma i̱ binah aiasha kʋt Kohalh ushi ʋhleha i̱ shapoh ha chi̱ hoke.

Mahlu 16:24

Yohmi mʋt nitak yʋmma foka ma Chisʋs ʋt nan im ai ithʋna ʋhleha hash o̱, Hatak nana hosh siakaiya bʋnna hokmʋt, ile kaiyanchi cha, im iti‐taiyukhʋna ya̱ sholi hosh siakaiyashke.

Mahlu 8:19

Mihma na holissochi achʋfa hosh ʋla mʋt, Nan ithʋnanchi ma! kanima yo̱ chik a̱ya kia, chiakaiya la chi̱ mak oke, im achi tok.

Tutelonomi 31:25

Moses ʋt Lefait ʋhleha Chihowah nan itim apesa afohka itombi holitopa sholi ya tuk a̱ i̱ mihʋt,

Tutelonomi 31:9

Mihmʋt Moses ʋt nan ʋlhpisa ilʋppa holissochi cha, Lefai ushi ʋhleha naholitompa isht asha Chihowah nan itim apesa a fohka itombi holitopa sholi tuk a̱, micha Islael im asʋnonchi moma ka̱ ibbak fohki tok.

Choshua 3:4

Yohmi akinli kia yʋmma ai itintakla ka haiaka kʋt kubit ʋlhpisa tahlepa sipokni tuklo hosh takalashke: ont atikkonofʋt hʋch ik aiyo kashke, yohmi hosh hʋsh atia hetuk ʋt hʋsh ithana hosh hʋsh itʋnoho̱washke; tikba ka ilʋppa hʋsh a̱ya chatuk keyu hokʋt, achi tok.

Choshua 3:6

Mihma Choshua ʋt na holitompa isht asha ya̱ im anumpulit, Nan it im apesa ʋt afoyuka itombi holitopa ya̱ hʋsh ishi cha, okla ha̱ itikba iʋt hʋsh tanʋblashke, im achi tok. Mihma nan it im apesa ʋt afoyuka itombi holitopa yash okla ishi cha, okla ha̱ itikba ia tok.

Choshua 3:8

Yohmi ka na holitompa isht asha nan it im apesa ʋt afoyuka itombi holitopa shoyuli tuk a̱ i̱ mihʋt, Chatan okhina ontalaka fehna hʋsh onakmʋt, yʋmmak inli ho̱ hʋsh hielashke, ish im achashke, im achi tok.

Choshua 4:10

Na holitompa isht asha itombi holitopa yash shoyuli hatuk ʋt Chatan iklʋna ya̱ hieli na, Chihowa ʋt nana im apesa ho̱ Choshua ʋt okla ha̱ im anumpohonli tuk a̱ ont ʋlhtaha tok; yʋmmʋt Moses ʋt Choshua i̱ miha tok mak atok; yohmi ho̱ okla hʋt tu̱shpʋt tanʋbli tok.

Choshua 6:6

Yohmi ma Choshua, Nun ushi ʋt na holitompa isht asha i̱ howa cha, Nan it im apesa yʋt afoyuka itombi holitopa yash ishit hʋsh sholashke; yohmikma na holitompa isht asha untuklo kʋt chukfi nakni lapish isht pu̱fa untuklo ka shoyuli hosh Chihowa im itombi holitopa itikba ya̱ hielashke, im achi tok.

Nan Otʋni 14:4

Ilʋppak ash osh ohoyo nana kia isht a liteha tok keyu ʋhleha hoke; ohoyo himithoa hatak haleli keyu ho̱ chiyuhmi ʋhleha hoke. Ilʋppak ash osh Chukfʋlhpobushi, yʋmmʋt kanima yo̱ ia hoh kia, iakaiya ʋhleha mak oke. Ilʋppak o̱ hatak puta ai itintakla a kohchit chumpa tok o̱, Chihowa, micha Chukfʋlhpobushi ita tuklo ka immi nawaya ʋmmona ʋhleha hoke.

1 Samuel 6:15

Mihma Lefait ʋhleha hʋt Chihowa im itombi holitopa yash, micha itombi iskitini tʋli holisso lakna ai ʋlhto kash aiena ka akʋchi cha, tʋli chito ya̱ on talali tok: mihma Belh‐shemesh hatak ʋhleha hash osh nitak yʋmmak inli ka na hukmit isht aiokpʋchi, micha nan ʋbit isht aiokpʋchi ya̱ Chihowa ya̱ im issa tok.