Choshua 3:10 - Chahta Holisso Holitopa 1886

¹⁰ Mihmʋt Choshua ʋt Ilʋppa yakohmi kak o̱ Chihowa okcha̱ya yʋt hʋch ibatakla ahanta cha, nana ka ik ai onancho keyu hosh Kenanait ʋhleha micha Hitait ʋhleha, micha Pelesait ʋhleha micha Kikashait ʋhleha, micha Amolait ʋhleha, mikmʋt Chebusait ʋhleha aiena ka hʋchi tikba ya̱ tihlelit kocha wehla chi̱ ka isht hʋsh ithaiyana chi̱ hoke.

Choshua 3:10 Iomraidhean Croise

Genesis 15:21

Micha Amolait okla, micha Kenanait okla, micha Kikashait okla, micha Chebusait okla aputa aiasha yakni ilʋppa chim ishtatiaka ya̱ ima lashke; achi tok.

1 Mi̱ko 22:28

Mihma Mikaiah ʋt, Achukma̱kʋt falamʋt ish la yoba hokma, Chihowa ʋt sa tohno tuk keyu ho̱, anumpuli li tuk a chi̱ hoke, achi tok. Mihma, Okla hʋchia ma! momʋt achukmalit hʋsh haklashke, achi tok.

2 Mi̱ko 19:4

Chin Chitokaka Chihowa yʋt i̱ shahli Assilia i̱ mi̱ko ʋt Chitokaka okcha̱ya ya̱ kalakshichit mihacha chi̱ ho̱, Lab‐shakeh et pila tuk o̱ anumpuli tuk a̱ moma haklo cha, anumpa ha̱ chin Chitokaka Chihowa yʋt haklo tuk ʋt na palʋmmi onochi yoba ná: yʋmohmi hoka atampa a̱sha ka im ilbʋshʋt isht ish anumpohonlashke, im achi tok.

Atʋloa 42:2

Ʋmish shilombish ʋt itukshi̱hi̱lʋt Chitokaka, Chitokaka okcha̱ya ya̱ ho̱ho̱yoshke; kʋtiohmikmak o̱ Chitokaka im itikba ile hayakʋchit ona la hinlah choh?

Atʋloa 9:16

Chihowa hʋt ai ʋlhpiesa yʋmihchi kʋt ottaiyanish?ke: yokmi kʋt hʋttak ik ʋlhpeso ya̱ ilap ibbak nan isht ai a̱ha̱tta tuk ak inli ho̱ ishit yukachi hoke. [Ai ulachi. Yukopa.

Eksotʋs 17:7

Mihma Islael im ʋlla ʋhleha hʋt na mihachi tuk ak o̱; micha Chihowah ya̱ imomaka pisʋt, Chihowah yʋt piba foka hokmá, keyukmá, nanta cho? achi tuk oka, yʋmma hohchifo ha̱ Massah micha Melibah achi tok.

Eksotʋs 3:8

Atuk osh Echip okla ibbak a̱ kohchit hlakofichit, yakni yʋmma kohchit, yakni achukma, micha chito, pishukchi, micha foebila aiena kʋt ayana̱hanli, Kananait, micha Hittait, micha Amolait micha Pelissait, micha Hifait, micha Chebusait, aiasha yak o̱ isht ona la chi̱ hosh ʋla lishke.

Eksotʋs 33:2

Mikma enchil a̱ hʋchi tikba pila la chi̱ hoke; micha Kananait, Amolait micha Hittait, Pelisait, Hifait, micha Chebusait aiena ka̱ tihlelit kohcha wehli la chi̱ hoke.

Numbas 13:29

Amalekait ʋhleha hʋt oka mahli yakni ak o̱ aiashʋshke; mikma Hittait ʋhleha micha Chebusait ʋhleha, micha Amolait ʋhleha aiena kʋt nʋnih foka ak o̱ aiasha hoke; mikma Kenanait ʋhleha hʋt okhʋta bili̱ka micha Chatan aiʋhli aiena kak o̱ aiasha hoke, achi tok.

Mahlu 16:16

Mihma Saimon Pita yʋt afalaminchi mʋt, Chihowa okcha̱ya Ushi, Klaist chia mak oke, achi tok.

Chan 6:69

Micha chishno ak osh Chihowa okcha̱ya Ushi, Klaist mak o̱ chia pulla ka il ithanʋt, pi yimmi fehna hoke, im achi tok.

Tutelonomi 31:17

Yohmikma nitak yʋmma ʋm ai i̱ nukkilli ʋt i̱ sanalit libba hi oke; micha kanchi likmʋt, sa nashuka ya̱ in luhmi likma, okpulot taha hi oke; micha nan ik achukmo, micha ishtataklʋma laua kʋt onʋtoyula hi oke; yohmi cha nitak yʋmma, Nan ik achukmo ilʋppa puta kʋt pin Chitokaka osh pitakla anta keyu kak o̱ pi onʋtola keyu cho? acha hi oke,

Tutelonomi 5:26

Hatak nipi moma ka̱ kʋta hosh Chihowah okcha̱ya yosh luak iklʋnna et ai anumpohonli na haklo pishno chohmi mʋt okcha̱ya chatuk atuma?

Tutelonomi 7:1

Chin Chitokaka Chihowah yʋt ish a binila chi̱ hosh ish ia ka̱ yakni ya chishtona cha, oklushi laua, Hittait, micha Kikashait, micha Amolait micha Kananait, micha Pelisait, micha Hifait, micha Chebusait, oklushi untuklo hochito, micha kʋllo kʋt, chishno ya̱ chi̱ shahli ho̱ chi tikba ya akohchit kanchikmʋt;

Tutelonomi 7:21

Ish i̱ nukshopa he keyu: chin Chitokaka Chihowah yʋt Chitokaka kʋllo, micha palʋmmi hosh hʋchi takla ahanta hoka.

1 Hlessalonian 1:9

Micha yʋmma chohmi puta kak osh pi anoli kʋt, kaniohmit e hʋch iba chukowa tok; micha kaniohmit Chihowa a̱hli okcha̱ya ya̱ hʋsh im antia chi̱ hosh, na holba ya̱ i̱ filʋmmit Chihowa hʋsh im ona tuk a̱ anoli hoke.

Heblu 10:31

Chihowa okcha̱ya yoka nan im ʋlhpisa chi̱ hosh ibbak a foyuka kʋt nana ka isht a nʋkshopa he ʋlhpesa hoke.

Choshua 11:3

Micha hʋshi akochaka imma, micha hʋshi ai okatula imma aiena Kenanait okla, micha Amolait okla, micha Hittait okla, micha Pelissait okla, micha Chebusait okla nʋnih foka, micha Mispeh yakni Hifait okla Hemon nuta a̱sha aiena ka anumpa pit i̱ pila tok.

Choshua 12:8

Nʋnih foka, micha okfa, micha yakni patali, micha kʋli foka, micha yakni haiaka, micha oka mahli yakni Hittait ʋhleha, Amolait ʋhleha, micha Kenanait ʋhleha, Pelissait ʋhleha, Hifait ʋhleha, micha Chebusait ʋhleha aiena kak atok.

Choshua 21:45

Nana achukma achʋfa nana kia Chihowa yʋt Islael in chuka achʋfa ya̱ im anumpohonli tok ʋt ik ai a̱hlo kʋt iksho tok, moma kʋt ont ai a̱hli tok oke.

Choshua 22:31

Mihma Eleasa ushi na holitompa isht ʋtta Finehas ʋt Luben im ʋlla ʋhleha, micha Kat im ʋlla ʋhleha, micha Manasseh im ʋlla ʋhleha aiena ka, Himak nitak a̱ Chihowa yʋt pibafoyuka ka il akostininchishke, nan ashʋchi ilʋppa yʋmohmit, Chihowa ya̱ hʋch ik i̱ sanalo hoka: himak a̱ Islael im ʋlla ʋhleha ha̱ Chihowa ibbak a̱ hʋsh a hlakofichishke.

Choshua 24:11

Mihma Chatan a̱ hlopullit Cheliko ya̱ hʋsh la tok oke; mihma Cheliko okla Amolait ʋhleha, micha Pelissait ʋhleha, micha Kenanait ʋhleha, micha Hitait ʋhleha, micha Kikashait ʋhleha, micha Hifait ʋhleha, micha Chebusait ʋhleha aiena kʋt hʋchin tanampi tok; mihma hʋch ibbak fohki li tok oke.

Choshua 3:9

Mihma Choshua ʋt Islael im ʋlla ʋhleha ha̱, Ilʋppa hʋsh minti cha, Chitokaka hʋchin Chihowa im anumpa ha̱ hʋsh haklashke, im achi tok.

Choshua 9:1

Atuk o̱ yakohmi tok, mi̱ko ʋhleha Chatan ola in tʋnnʋp, nʋnih foka, micha okfa foka, micha okhʋta chito ʋhli moma Lebanon i chapaka, Hitait okla, micha Amolait okla, Kenanait okla, Pelissait okla, Hifait okla, micha Chebusait okla aiena aiasha kʋt haklo mʋt;

1 Samuel 17:26

Mihma Lewi ʋt hatak bili̱ka hieli tuk a̱ im anumpuli mʋt, Hatak kʋna hosh Filistin ilʋppa ʋbi cha, Islael ishit hofahya ka ishit kanchikma, i̱ katiohma chi̱ cho? Filistin hatak hakshup ik tapo ilʋppʋt kʋta hatuk osh Chitokaka okcha̱ya in tʋshka chipota ya̱ pa̱fa hinla cho? achi tok.

1 Samuel 26:6

Yohmi ma Lewi ʋt Ahimelech Hitait a̱, micha Seluiah ushi Abishai, Choab itibapishi itatuklo ka, Kʋta hosh Sal im ʋlbina ha̱ si awant ia chi̱ cho? im achi tok. Mihma Abishai ʋt, Ʋno ak osh ia lashke, achi tok.