Choshua 3:1 - Chahta Holisso Holitopa 1886

¹ Mihma Choshua ʋt onnahinli fehna tani cha, ilap, mikmʋt Islael im ʋlla ʋhleha moyumʋt Shittim a̱ ashʋt toshowʋt ia hosh Chatan a̱ ona cha, ik tanʋblo hosh yʋmmak o̱ a nusi tok.

Choshua 3:1 Iomraidhean Croise

Genesis 21:14

Atuk o̱ Eblaham ʋt onnahinli fehna ho̱ wakaya cha̱, ilhpak, micha oka kotoba a̱lhto ho̱ Haka ya̱ imʋt tahchi ya̱ abanʋli hosh ʋlla yash ima cha, chʋffichi tok: mihma Haka ʋt ia tuk osh Bee‐sheba yakni haiaka ya̱ fullokahanchi tok.

Genesis 22:3

Mihma Eblaham ʋt onnahinli fehna ho̱ wakaya cha, im issuba haksobish falaia ya̱ umpatali mʋt, hatak himithoa im a̱sha tuk ash tuklo ho̱, micha ushi Aisak aiena ka̱ pehlichi cha, ishit hukmit im issa iti ya̱ pʋhli mʋt, wakaya cha Chitokaka ʋt im anoli tuk mak o̱ ai ona tok.

Atʋloa 119:60

Chim ʋnnumpah ʋlhpisa putta ka̱ hulittobli la chi̱ kʋt, ak ahchibalo hosh tu̱shpa lih chatuk oke.

Numbas 25:1

Mihma Islael ʋt Shittim ak o̱ ahanta tok, mihma okla hʋt Moab ushetik ʋhleha ha̱ iti̱ hauit isht ia tok.

Mark i̱ Holisso 1:35

Atuk osh ont onnahinli, onnʋt ik taho ki̱sha pilla ho̱, tani cha, kohchʋt iʋt haiaka ona cha, ʋba pit anumpuli tok.

Choshua 2:1

Yʋmohmi ma Choshua, Nun ushi ʋt Shittim ak o̱ hatak tuklo kʋt lumʋt na pisʋt a̱ya chi̱ ho̱ a chʋffichi tok; yohmi mʋt, Hʋsh ia cha, yakni Cheliko yʋmma ont hʋsh pisashke, im achi tok. Yohmi ma itiachi tuk osh ohoyo haui hohchifo kʋt Lahab o̱ in chuka itonachi cha, yʋmmak o̱ a nusi tok.

Choshua 6:12

Atuk o̱ Choshua ʋt onnahinli fehna tani ma, na holitompa isht asha yʋt Chihowa im itombi holitopa yash ishit sholi tok.

Choshua 6:15

Atuk o̱ yakohmi tok, nitak ont isht untuklo ma onnahinli fehna onnʋt tohwikeli mihinti ma, okla tani cha, mihi yo̱ beka tuk a̱ chohmit untuklo ha tʋmaha holihta ya̱ apakfopa tok: nitak yʋmmak illa ho̱ tʋmaha holihta ya̱ untuklo ha apakfopa tok.

Choshua 7:16

Yohmi hatuk o̱ Choshua ʋt onnahinli fehna tani cha, Islael okla hash ishtatiaka aiyukali yak o̱ itahobi tok; yohmi ma Chutah ishtatiaka yak osh ʋlhtoka tok.

Choshua 8:10

Atuk osh Choshua ʋt onnahinli fehna tani cha, okla ha̱ hotihna tok; yohmi cha ilap ʋt Islael im asʋnonchi ʋhleha ita pi̱hʋt okla ha̱ itikba hielit Ai ya̱ ia tok.

Nan Apesa 20:19

Mihma Islael im ʋlla ʋhleha hʋt onnahinli wakaya cha, Kibeah ya̱ i̱ sanalit binachi tok.

1 Samuel 17:20

Atuk o̱ Lewi ʋt onna ha onnahinli ho̱ wakaya cha, chukfʋlhpoa ya̱ apistikeli im ashachi mʋt, i̱ki ʋt im apesa tuk mak o̱ ishi cha, ia tok: micha itichanʋlli aiasha ya̱ ona ma, tʋshka chipota ʋt itiba chi̱ hosh im ʋlhtahʋt achukmʋt hiohli hosh itiba chi̱ kʋt shakapa tok.