Choshua 23:3 - Chahta Holisso Holitopa 1886

³ Micha Chihowa hʋchin Chitokaka yʋt hʋchishno pulla kak o̱ oklushi ilʋppa puta ka kaniohmihinchi tuk a̱ hʋsh pi̱sʋshke; Chihowa hʋchin Chitokaka yʋmmak osh hʋchim itibi tuk oka.

Choshua 23:3 Iomraidhean Croise

Eksotʋs 14:14

Chihowah yʋt hʋchim itiba chi̱ hoke; mihma luhmʋt hʋsh hiela chi̱ hoke, im achi tok.

Eksotʋs 19:4

Echip okla ha̱ nana ka̱ kaniohmichi li ka̱ hʋsh pisa tuk oke; micha o̱ssi sanahchi om binilichit shaiyalit a̱ bili̱ka hʋch isht ʋla li tuk a̱ hʋsh pisa tuk oke.

Tutelonomi 1:30

Hʋchin Chitokaka Chihowah ak osh hʋchi tikba iʋt hʋsh pi̱sa ho̱, Echip a̱ hʋchim a yʋmihchi tok moma ka̱ chohmit hʋchim itiba chi̱ hoke.

Tutelonomi 20:4

Hʋchin Chitokaka Chihowah ak osh hʋchin tʋnʋp a̱ hʋchim itibit, hʋchi okchalincha chi̱ hosh hʋchi awant ia hoka im acha hi oke.

Tutelonomi 4:9

Peh ahah, hʋsh il ahni cha, hʋchimi shilombish a̱ achunanchit hʋsh ieshashke, keyukmʋt, nana puta hʋchi nishkin ʋt pi̱sa tuk ʋt hʋchim ahaksi ná, micha chi okcha̱ya nitak moma ka̱ hʋchi chu̱kʋsh a̱ akohchʋt kʋnia na: amba chiso puta, micha chiso ha̱ ushi puta ka̱ ish im abʋchashke.

Tutelonomi 7:17

Chi chu̱kʋsh anu̱kaka, Oklushi puta ilʋppa laua kʋt a̱ shahli hoka: katiohmi li kak osh kanalichi la hinla cho? ish achikmʋt,

Tutelonomi 7:24

Micha i̱ mi̱ko ʋhleha ha̱ chibbak fohkikma, shutik nutaka ya̱ hohchifo ha̱ mosholichit ish kancha chi̱ hoke: hatak nana kia chi tikba ya̱ hikia he keyu ho̱, ish mosholicha hi oke.

Choshua 10:14

Chihowa ʋt hatak im anumpa ha̱ a haiyaklo tok nitak yʋmma chohmi kʋt tikba, micha i̱ himmak a̱ iksho ki tok: Chihowa yʋt Islael a̱ im itibi hatuk oka.

Choshua 10:42

Micha mi̱ko ilʋppa puta, mikmʋt i̱ yakni ya̱ Choshua ʋt himonna achʋfa ho̱ ishi tok; Islael in Chitokaka Chihowa ak osh Islael a̱ im itibi hatuk oka;

Choshua 23:10

Hatak hʋsh achʋfa kʋt tahlepa sipokni ho̱ tihlela hi oke: Chihowa hʋchin Chitokaka ak osh miha tuk okʋt hʋchim itibi hoka: