Choshua 21:3 - Chahta Holisso Holitopa 1886

³ Mihma Islael im ʋlla ʋhleha hʋt Chihowa yʋt apesa tok mak o̱ i̱ yakni ya̱ akohchit tʋmaha holihta puta ilʋppa, micha abili̱ka fullota aiena ka Lefai ai unchololi ya̱ ima tok.

Choshua 21:3 Iomraidhean Croise

Genesis 49:7

Nokowa kʋt libbi tok okʋt, micha im ai i̱ nukkilli ʋt ilbʋshali tok okʋt kalakshashke: Chekob a̱ ai ita kʋshkoli la hi oke, micha Islael a̱ ai ita fimibli la hi oke.

Numbas 35:7

Yohmi ho̱ Lefait ʋhleha ha̱ tʋmaha holihta hʋsh ima moma kʋt pokoli ushta akucha untuchina hi oke, yʋmmak oka abili̱ka fullota aiena ho̱ hʋsh imashke.

Choshua 21:2

Micha Shiloh Kenan yakni talaia ka okla ai im anumpulit, Tʋmaha holihta il ai asha chi̱, micha abili̱ka fullota pi̱ wak ʋt ai asha chi̱ aiena ka pima he Chihowa yʋt Moses a̱ im apesa tok, achi tok.

Choshua 21:4

Mihma Kohahlait ʋhleha in chuka achʋfa ʋhleha hʋt nashoelit ishi tok: mihma Alon na holitompa isht ʋtta im ʋlla ʋhleha Lefai ai unchololi atuk ʋt, nashoeli hosh Chutah apehlichi akohchit, micha Simeon apehlichi akohchit, micha Benchamin apehlichi aiena kak o̱ akohchit tʋmaha holihta auah tuchina ho̱ ishi tok.

Choshua 21:41

Islael im ʋlla ʋhleha i̱ yakni ititakla ya̱ Lefai ai unchololi tʋmaha holihta puta im a̱sha kʋt tʋmaha holihta, micha abili̱ka fullota aiena moma kʋt tʋmaha holihta pokoli ushta akucha untuchina tok.