Choshua 20:3 - Chahta Holisso Holitopa 1886

³ Yʋmohmi ho̱ hatak ʋbi ʋt hatak nana kia ahah! ik ahno, micha ik ithano hosh ʋbikmʋt, malelit yʋmmak o̱ onashke; micha issish hlatapa il aiokha ya̱ hʋchim ahlakofi yashke.

Choshua 20:3 Iomraidhean Croise

2 Samuel 14:11

Yohmi ma, Chim asilhha lishke, mi̱ko ʋt chin Chitokaka Chihowa ya̱ ish ithaiyana cha, issish it ai illichi ʋhleha ha̱ himakma ʋbashke, chik im ai ahno kashke; keyukma sʋso ha̱ ʋba hinla hoke, achi tok. Mihma, Chihowa ʋt okcha̱ya pulla ka chiso pa̱shi achʋfa kʋt aka itula chi̱ keyu hoke, achi tok.

Lefitikʋs 4:2

Islael im ʋlla ʋhleha ha̱ im anumpulit, Hatak osh ik ithano hosh nana ashʋchit Chihowah i̱ nan ʋlhpisa, yʋmmak oka yʋmihcha he ʋlhpesa tuk keyu hosh yʋmma kanima kia kobʋffikmʋt.

Numbas 35:12

Mikma yʋmmʋt il aiokha hʋsh im ahlakoffit aiokcha̱ya tʋmaha holihta puta hashke; yʋmohmi na hatak ʋbi ʋt okla moma itikba hikiʋt nan ik im ʋlhpiso ki̱sha kʋt ik illo kashke.

Numbas 35:19

Issish hlatapa ka̱ il aiokha hʋt ilap akinli hosh hatak ʋbi yash ʋbashke: itafamakmʋt ʋbashke.

Numbas 35:22

Amba i̱ nukkilli keyu hosh yakosi itin takla ho̱ ishit bahli, keyukmʋt im aiehchi tuk keyu hosh nana kia pit om pila,

Heblu 6:18

Yohmi ka nana kaniohmit ai inli himma keyu tuklo yʋmmak oka Chihowa hokʋt isht a holaba himma keyu hoka, ʋba isht il aiyukpa pim ihi̱sa tok ash il isha chi̱ hosh a hlakofi yo̱ il o̱ chaha̱fa kʋt, nan isht a nuktaiyala chinto il iesha he ak atok.

Choshua 20:2

Islael im ʋlla ʋhleha ha̱ im anumpulit, yak ish achashke, Moses a̱ tohno li̱ hʋchim anohonli tok mak o̱, tʋmaha holihta kanohmi a hlakofi ya̱ hʋsh il atokolashke.

Choshua 20:4

Atukma kʋna hosh malelit tʋmaha holihta kanohmi kash achʋfona kia ona cha, tʋmaha holihta okhissa ya̱ hikiʋt, nana i̱ kaniohmi kʋt tʋmaha holihta yʋmma hatak im asʋnonchi ʋhleha ha̱ haklohonchikma, okla ishi cha, tʋmaha holihta ya̱ fohki cha, ai ʋtta chi̱ ka imakma, ahantashke.