Choshua 2:6 - Chahta Holisso Holitopa 1886

⁶ Yohmi kia aboha pakna ya̱ isht ona cha, nuchi ʋpi achukmalit ashachi tuk osh isht ompohomot luhmi tuk atok.

Choshua 2:6 Iomraidhean Croise

2 Samuel 11:2

Atuk o̱ yakohmi tok, opiʋt isht ia ho̱ Lewi ʋt topa itonla tuk osh tani cha, mi̱ko in chuka isht holmo ya̱ a nowa tok: atuk osh chuka isht holmo ya̱ o̱ hikia hosh ohoyo hʋt il achifa hosh anta na pit pisa tok; mihma ohoyo hash osh pisa ka aiokli fehna tok.

2 Samuel 17:19

Mihma ohoyo hʋt kʋli hofobi paknaka ya̱ isht ompoholmo ompatali cha, onush bota o̱ ashachi tok; mihma nana ka ik ithano tok.

1 Mi̱ko 18:13

Nana kaniohmi li tok, yʋmmʋt Chesebel ʋt Chihowa i̱ hopaii ʋhleha ha̱ ʋbit tahli ma, Chihowa i̱ hopaii hatak tahlepa achʋfa ka pokoli tahlapi bi̱ka yo̱, hʋchukbi ya̱ a luhmi lish, pʋska, micha oka aiena ka ipeta li tok ʋt, im annoa tuk keyu cho?

1 Mi̱ko 18:4

Yakohmi tok atok, Chesebel ʋt Chihowa i̱ hopaii ʋhleha ha̱ ishit kanchi ma, Obatiah ʋt hopaii tahlepa achʋfa ho̱ ishi cha, pokoli tahlapi bi̱ka ho̱ hʋchukbi ya̱ a luhmit ashachi cha, pʋska, micha oka aiena ka ipeta tok atok okʋt.

2 Mi̱ko 11:2

Yohmi kia mi̱ko Cholam a̱ ushetik, Ahasiah ya̱ in tek Chehosheba yʋt Ahasiah ushi Choash a̱, mi̱ko ushi ʋhleha illit taha ka, a kohchit lumʋt ishit kʋnia tok; yʋmma, micha pishechi itatuklo ka aboha anusi ya̱ a kohchit Ahlaliah ya̱ okla in luhmi na ik illo tok.

Eksotʋs 2:2

Atuk o̱ ohoyo hash osh chakali tuk osh, ʋlla nakni yo̱ eshi tok; micha ʋlla achukma ho̱ pisa mʋt, hʋshi tuchina ho̱ luhmi tok.

Mahlu 24:17

Aboha pakna yo̱ anta tuk ʋt akowʋt, im aboha ya̱ nana kia ont kohchit ik esho kashke;

Tutelonomi 22:8

Chuka himona yo̱ ish ikbikmʋt, chin chuka paknaka ya̱ aholihta ish ikbashke: yʋmohmi ho̱ hatak nana kia yʋmma aka ont itula ma, issish a̱ chin chuka ya̱ isht chik onocho pullashke,

Koloshan 3:3

Hʋch illi; yohmi hosh hʋchi okcha̱ya yʋt Klaist a̱ iba lumʋt Chihowa ya̱ ibafoyuka hoke.

Heblu 11:23

Na yimmi pulla kak osh Moses okʋt ʋttahpi mʋt, ʋlla aiokli fehna ho̱ i̱ki, ishki ita tuklo kʋt pisa hatuk osh, luhu̱mi na hʋshi tuchina ona tok; micha mi̱ko i̱ nan ʋlhpisa ya̱ i̱ nukshopa tok keyu.

Chemis 2:25

Yohmi ka yʋmmak inli chohmi hosh ohoyo haui Lehab ʋt nan isht ahanta ilʋppa pulla hosh okla yakni pisʋt a̱ya tuk a̱ pehlichit ishi tuk osh, hina inla ha̱ pit tihleli hosh isht ai ʋlhpiesa tok keyu̱?

Choshua 2:5

Atuk osh yakohmi tuk, okhlilit taha holihta okhissa yʋt ʋlhkʋma chi̱ foka ma, hatak tuklo kash osh kohcha tuk oke: kanima ho̱ hatak tuklo kash osh ia tuk a̱ ak ithanoshke: chekosi hʋsh iakaiyashke; hʋsh sakka hinla hokʋt.

Choshua 2:7

Yohmi ma okla iakaiyʋt Chatan imma iʋt okhina akocha puta ka ona tok: mihma okla iakaiya yʋmmʋt akohcha mak inli ho̱, holihta okhissa ya̱ akʋmmi tok.

Choshua 2:8

Yohmi tuk o̱ tʋshkit ik oklo ki̱sha ho̱, aboha pakna ya̱ ohoyo hash osh im ai ona cha;

Choshua 6:25

Mihma Choshua ʋt hatak Cheliko yakni pisa chi̱ ho̱ tihleli na a̱ya tuk a̱ luhmi tuk atuk o̱ Lahab ohoyo haui ash micha i̱ki in chuka achʋfa, micha immi hatuk aiena ka Choshua ʋt okchalinchi tok; yohmi tuk o̱ Islael okla ha̱ iba taklʋt a chukʋt ahanta na himak nitak a̱ ant ai ʋhli hoke.