Choshua 2:3 - Chahta Holisso Holitopa 1886

³ Yohmi ma Cheliko i̱ mi̱ko ash osh Lahab a̱ anumpa i̱ pilʋt, Hatak chim ʋlʋt chin chuka chukowa tuk a̱ ish kohchashke: yʋmmʋt yakni moma ka pisʋt tahla chi̱ hosh a̱ya hatuk oka, pit im achi tok.

Choshua 2:3 Iomraidhean Croise

Genesis 38:24

Atuk o̱ yakohmi tok, i̱ himmak hʋshi tuchina foka ma, Chutah ya̱ im anolit, Chipok Tama ʋt haui tobʋshke; micha yakeh, hauit chakalishke, achi tok. Mihma Chutah ʋt, Kocha isht hʋsh ona na luashke, achi tok.

Genesis 42:31

Mihma, Hatak aia̱hli pia hoke: yakni pisʋt a̱ya pia keyu hoke.

2 Samuel 10:3

Mihma Ammon in chipota pehlichi ʋhleha hʋt i̱ shahli Hanun a̱, Lewi ʋt chi̱ki ya̱ holitoblichi hosh hopohlʋli ʋhleha et chi̱ pila tuk chim ahoba cho? Lewi ʋt in tishu ʋhleha et chi̱ pila kʋt tʋmaha holihta ya̱ a hopo̱koyot lumʋt pisʋt tahli cha, imaiya chi̱ keyu cho? im achi tok.

2 Samuel 17:20

Atuk o̱ Absalom in tishu ʋhleha hʋt ohoyo hash chuka yash ona mʋt, Ahimaas, micha Chonahlan itatuklo mʋto? okla achi tok. Mihma ohoyo hʋt, Bok ushi oka ya̱ ʋbanʋblit ia tuk oke, im achi tok. Mihma hoyo tuk ak osh ik ahayucho mʋt, falamʋt Chelusalem a̱ ona tok.

Lefitikʋs 24:14

Kallakshichit anumpuli tuk a̱ binah ha̱ kocha isht ish onashke; mikma haklo tuk moma kʋt ibbak a̱ noshkobo onochashke, mikma okla moma kʋt tʋli ishit bolashke.

Chan 19:4

Yohmi ma anonti Pailat ash ot ia cha, Yakeh! nana ik ai‐ʋlhpeso nana kia ai a takali na akostininchi li keyu ka hʋsh akostinincha chi̱ mak o̱, ilauelit hʋchi̱ kohchi lishke, im achi tok.

Apostel isht Anumpa 12:4

Atuk osh yʋmmak ash hoklit ishi mʋt, aboha kʋllo pit fohki cha, ʋbanʋblit ont‐ia issa ha yo̱ okla ha̱ isht i̱ kohcha chi̱ mak o̱, ahni hosh, tʋshka chipota ushta bat a̱ya ushta ho̱ apesʋcha chi̱ ka, im issa tok.

Apostel isht Anumpa 12:6

Atuk o̱ Helot ʋt isht kohcha he tuk a̱, yʋmma ninak fenak akinli ka, Pita yʋt tʋli itatakʋli tuklo hosh isht talaiyakchi ho̱, tʋshka chipota tuklo itin takla yo̱ a nusi tok; yohmi ma apesʋchi ʋt okhissa itikba ya̱ hielit aboha kʋllo ya̱ apesahanchi tok.

Choshua 10:23

Mihma okla yʋmihchi tok; micha mi̱ko tahlapi, Chelusalem i̱ mi̱ko, Heblon i̱ mi̱ko, Chamulh i̱ mi̱ko, Lachish i̱ mi̱ko, micha Eklon i̱ mi̱ko aiena yʋmmak ash hichukbi a̱ a kohchit isht im ʋla tok.

Choshua 2:2

Yohmi ma Cheliko i̱ mi̱ko ya̱ ont im anolit, Yakeh! hatak Islael im ʋlla ʋhleha ha̱ a minti kʋt yakni pisʋt a̱ya hosh, himak ninak a̱ ilʋppa ʋlʋshke, achi tok.

Choshua 2:4

Mihma ohoyo hash osh hatak tuklo kash o̱ ishit luhmi tok; yohmi cha ilʋppak o̱ achi tok, Hatak okʋto ʋm ʋla mʋhli tuk, yohmi kia kanima a minti ka ak ithano ke tuk:

Nan Apesa 4:20

Anonti, Ʋlhtipo okhissa ish hikiashke; atukma kʋna hosh ʋla cha, chi̱ ponaklot, Hatak ʋt a̱sha? achikma, Keyú, ish achashke, im achi tok.